ரஜினியின் ஜெயிலர் படத்தில் இணைந்த பிரபல பாலிவுட் நடிகர்..!

இயக்குனர் நெல்சன் திலீப் குமார் இயக்கத்தில் ரஜினிகாந்த் நடிக்கும் ஜெயிலர் திரைப்படத்தில் பிரபல பாலிவுட் நடிகர் ஜாக்கி ஷெராப் இணைந்துள்ளார்.

இயக்குனர் நெல்சன் திலீப் குமார் ‘பீஸ்ட்’ படத்திற்குப் பிறகு ஜெயிலர் திரைப்பத்தை இயக்குகிறார். இந்தப் படத்தில் நடிகர் ரஜினிகாந்த் நடித்த வருகிறார். சன் பிக்சர்ஸ் தயாரிப்பில் அனிருத் இசையமைப்பில் இந்தப் படம் உருவாகி வருகிறது.

இந்த திரைப்படத்திற்கான படப்பிடிப்பு விறுவிறுப்பாக நடைபெற்று வருகிறது.  இதில் இடம் பெறும் ரஜினிகாந்தின் 70% காட்சிகள் படமாக்கி முடிக்கப்பட்டு விட்டன.  இன்னும் 30 சதவீத காட்சிகள் மட்டுமே மீதம் இருக்கின்றன. அதில் இரண்டு பாடல் காட்சிகள் மற்றும் ஒரு சண்டைக் காட்சி ஆகியவை இடம்பெறும் என கூறப்படுகிறது.

இந்த திரைப்படத்தில் நடிகர் ரஜினிகாந்த் உடன் மலையாள நடிகர் மோகன்லால், கன்னட நடிகர் சிவராஜ்குமார் ஆகியோர் உடன் ரம்யாகிருஷ்ணன் உள்ளிட்டோர் நடிக்கின்றனர். நடிகை தமன்னா கதாநாயகியாக நடிக்கிறார்.

இந்த நிலையில் பாலிவுட் நடிகர் ஜாக்கி ஷெராப் ஜெயிலர் திரைப்படத்தில் நடிக்க ஒப்பந்தமாகியுள்ளார்.  அந்த கதாபாத்திரத்திற்கு முதலில் அமிதாப்பச்சனை நடிக்க பேச்சுவார்த்தை நடைபெற்று வந்தது. ஆனால் தற்போது ஜாக்கி ஷெராப் அந்த கதாபாத்திரத்தில் நடிக்க ஒப்பந்தமாகியுள்ளார்.

ஜெயிலர் திரைப்படத்தில் தெலுங்கு, கன்னடம், இந்தி திரையுலகில் இருந்து முன்னணி நட்சத்திரங்கள் நடிப்பதால் படத்தின் மீதான எதிர்பார்ப்பு மேலும் அதிகரித்து இருக்கிறது. அதேபோல் சிவகார்த்திகேயன் அந்த திரைப்படத்தில் ஒரு சிறப்பு தோற்றத்தில் நடிக்கிறார் எனவும் கூறப்படுகிறது. இருந்தாலும் அந்த செய்தி இதுவரை உறுதிப்படுத்தப்படவில்லை என்பது குறிப்பிடதக்கது.

Also read... கெத்தா... மாஸா... இணையத்தில் வைரலாகும் ‘விஜய் 67’ படத்திற்கான அர்ஜுன் லுக்!

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.