Home /News /entertainment /

இந்தி திணிப்பு குறித்து பாலிவுட் நடிகர் அஜய் தேவ்கன் கன்னட நடிகர் சுதீப் ட்விட்டரில் காரசார விவாதம்!

இந்தி திணிப்பு குறித்து பாலிவுட் நடிகர் அஜய் தேவ்கன் கன்னட நடிகர் சுதீப் ட்விட்டரில் காரசார விவாதம்!

அஜய் தேவ்கன் - கிச்சா சுதீப்

அஜய் தேவ்கன் - கிச்சா சுதீப்

உங்கள் கேள்விக்கு எனது பதிலை கன்னட மொழியில் பதிவு செய்திருந்தால் நிலைமை என்னவாகும் என்று யோசித்தேன். நாங்களும் இந்தியாவை சேர்ந்தவர்கள் அல்லவா?

    பாலிவுட் நடிகர் அஜய் தேவ்கனுக்கும் தென்னிந்திய நடிகர் கிச்சா சுதீப்பிற்கும் ட்விட்டரில் இந்தி திணிப்பு மீதான வாக்குவாதம் ஏற்பட்டிருக்கிறது.

    இந்தி மொழியை ஆட்சி மொழியாக மாற்ற வேண்டும் என சமீபத்தில் மத்திய உள்துறை அமைச்சர் அமித்ஷா பேசியிருந்தார். அவரின் இந்த பேச்சுக்கு எதிர்ப்பு கிளம்பியதோடு, சமூக வலைத்தளங்களில் விவாதங்களும் வலுத்தன. இந்தி திணிப்புக்கு எதிராக இசையமைப்பாளர் ஏ.ஆர்.ரஹ்மானும் தனது கருத்தை பதிவு செய்தார். அதோடு தமிழணங்கே என அவர் வெளியிட்ட தமிழன்னையின் ஓவியம் இந்திய அளவில் பேசு பொருளானது.

    இந்நிலையில் கே.ஜி.எஃப் படம் குறித்து பேசிய நடிகர் கிச்சா சுதீப், “கன்னடத்தில் பான் இந்தியா படம் எடுக்கப்பட்டதாக சொன்னார்கள். நான் ஒரு சிறிய திருத்தம் செய்ய விரும்புகிறேன். இந்தி இனி தேசிய மொழி அல்ல” என்றார்.

    இதுகுறித்து பாலிவுட் நடிகர் அஜய் தேவ்கன், "இந்தி தான் நமது தேசிய மொழி. உங்கள் கருத்துப்படி இந்தி மொழி தேசிய மொழி இல்லை என்றால், ஏன் கன்னட படங்களை டப் செய்து இந்தியில் ஏன் வெளியிடுகிறீர்கள்?” என இந்தியில் கேள்வி கேட்டு ட்வீட் செய்திருந்தார்.



    அதற்கு ஆங்கிலத்தில் பதிலளித்திருக்கும் சுதீப், ”நீங்கள் இந்தியில் அனுப்பிய பதிவு எனக்கு புரிந்தது. நாம் அனைவரும் இந்தி மொழியை நேசித்து கற்றுக்கொள்வோம். குற்றமில்லை சார். ஆனால் உங்கள் கேள்விக்கு எனது பதிலை கன்னட மொழியில் பதிவு செய்திருந்தால் நிலைமை என்னவாகும் என்று யோசித்தேன். நாங்களும் இந்தியாவை சேர்ந்தவர்கள் அல்லவா" என்று கேட்டிருந்தார்.

    மகள் திருமண வரவேற்பை திடீரென நிறுத்திய இயக்குநர் ஷங்கர்?



    அதற்கு ”நீங்கள் என் நண்பர். தவறான புரிதலை நீக்கியதற்கு நன்றி. நான் எப்போதுமே சினிமா துறையை ஒன்றாகத்தான் நினைக்கிறேன். நாங்கள் எல்லா மொழிகளையும் மதிக்கிறோம், எங்கள் மொழியையும் அனைவரும் மதிக்க வேண்டும் என்று எதிர்பார்க்கிறோம். மொழிபெயர்ப்பில் பிழையாகியிருக்கலாம்” என்றார் அஜய் தேவ்கன்.

    KRK Review: காத்து வாக்குல ரெண்டு காதல் முதல் விமர்சனத்தை கூறிய உதயநிதி ஸ்டாலின்!



    அவரின் அந்த ட்வீட்டுக்கு பதிலளித்திருக்கும் சுதீப், “மொழிபெயர்ப்பு மற்றும் விளக்கங்கள் கோணங்கள் சார். முழு விஷயமும் தெரியாமல் எதிர்வினையாற்றாதது தான் இந்த விஷயத்திற்குக் காரணம். நான் உங்களை குறை சொல்லவில்லை அஜய் தேவ்கன் சார். ஆக்கபூர்வமான காரணத்திற்காக உங்களிடமிருந்து ஒரு ட்வீட் வந்திருந்தால் அது மகிழ்ச்சியான தருணமாக இருந்திருக்கும். அன்பும் வாழ்த்தும்” என்று கூறியிருக்கிறார்.
    Published by:Shalini C
    First published:

    Tags: Ajay Devgan

    அடுத்த செய்தி