பாரதிராஜா - அருள்நிதி நடிக்கும் திருவின் குரல்!

பாரதிராஜா - அருள்நிதி இணைந்து நடிக்கும் படத்திற்கு திருவின் குரல் என தலைப்பு வைத்துள்ளனர்.

தமிழ் சினிமாவின் முன்னணி இயக்குனரான பாரதிராஜா தற்போது திரைப்படங்களில் முக்கிய கதாபாத்திரங்களில் நடித்து வருகிறார். அந்த வகையில் தற்போது அருள்நிதிவுடன் புதிய திரைப்படத்தில் நடித்துள்ளார். லைகா தயாரித்துள்ள அந்த திரைப்படத்திற்கான தலைப்பு மற்றும் முதல் பார்வை வெளியாகாமல் இருந்தது.

இந்த நிலையில் பாரதிராஜா நடிக்கும் அந்த திரைப்படத்திற்கு திருவின் குரல் என தலைப்பு வைத்துள்ளனர். அந்த திரைப்படத்தை அறிமுக இயக்குனர் ஹரிஷ் பிரபு என்பவர் இயக்கியுள்ளார். இந்த திரைப்படம் வித்தியாசமான கதை அம்சத்துடன் உருவாக்கியுள்ளது எனவும் இதில் பாரதிராஜாவின் கதாபாத்திரம் பேசப்படும் எனவும் படக் குழுவினர் தெரிவிக்கின்றனர்.

திருவின் குரல் திரைப்படத்திற்கான முதல் பார்வையை தற்போது படக்குழுவினர் வெளியிட்டுள்ளனர். இந்த திரைப்படத்திற்கு சாம்.சி.எஸ். இசையமைத்திருக்கிறார். தனுஷுடன் பாரதிராஜா நடித்த திருச்சிற்றம்பலம் படம் பெரும் வெற்றி அடைந்தது. அதில் சிறப்பான நடிப்பை பாரதிராஜா வெளிப்படுத்தியதாக பலராலும் பாராட்டப்பட்டார்.

அதைத்தொடர்ந்து தற்போது கருமேகங்கள் கலைகின்றன என்ற படத்தில் முக்கிய கதாபாத்திரத்தில் நடித்து வருகிறார்.  அந்தப் படங்களில் இடம் பெறும் கதாபாத்திரங்களில் இருந்து திருவின் குரல் திரைப்படத்தில் அவர் நடித்துள்ள கதாபாத்திரம் முற்றிலும் மாறுபடும் எனவும் நிச்சயம் அனைவராலும் பாராட்டப்படும் எனவும் படக்குழுவினர் தெரிவிக்கின்றனர்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.