தளபதி விஜய்யின் லியோ படத்தில் இணைந்த பொன்னியின் செல்வன் நடிகர் - வேற லெவல் சம்பவம் காத்திருக்கு!

லோகேஷ் கனகராஜ் இயக்கத்தில் விஜய் நடித்து வரும் லியோ படத்தின் படப்பிடிப்பில் சமீபத்தில் பாலிவுட் நடிகர் சஞ்சய் தத் இணைந்தார். அவரை விஜய், லோகேஷ் உள்ளிட்ட படக்குழுவினர் வரவேற்ற வீடியோவை தயாரிப்பு நிறுவனம் வெளியிட்டிருந்தது. இந்த வீடியோவில் சால்ட் அண்ட் பெப்பர் லுக்கில் இருக்கும் நடிகர் விஜய்யின் தோற்றமும் ரசிகர்களை ஆச்சரியப்பட வைத்தது.

இந்தப் படத்துக்கு அனிருத் இசையமைக்க, மனோஜ் பரமஹம்சா ஒளிப்பதிவு செய்கிறார். இந்தப் படத்தில் விஜய்க்கு ஜோடியாக திரிஷா நடிக்கிறார். இதில் ஹைலைட் என்னவென்றால் விஜய்க்கு மட்டுமல்ல, திரிஷாவுக்கும் இது 67வது படமாம். மேலும் கௌதம் மேனன், மிஷ்கின், அர்ஜுன், பிரியா ஆனந்த் என ஒரு பெரும் நட்சத்திர பட்டாளமே இந்தப் படத்தில் நடித்துள்ளனர்.

இந்தப் படத்தின் படப்பிடிப்பு காஷ்மீரில் விறுவிறுப்பாக நடைபெற்றுவருகிறது. இந்த நிலையில் லியோ வருகிற அக்டோபர் 19 ஆம் தேதி வெளியாகவுள்ள நிலையில் விரைவில் இந்தப் படத்தின் பர்ஸ்ட் லுக் போஸ்டரை எதிர்பார்க்கலாம் என்று கூறப்படுகிறது.

இந்த நிலையில் இந்தப் படத்தில் நடிகர் பாபு ஆண்டனி முக்கிய வேடத்தில் நடிக்கிறார். இதனை அவர் தனது சமூக வலைதள பக்கத்தில் அறிவித்துள்ளார். பூவிழி வாசலிலே, விண்ணைத் தாண்டி வருவாயா உள்ளிட்ட பல படங்களில் பாபு ஆண்டனி நடித்திருக்கிறார். பொன்னியின் செல்வன் படத்திலும் கொட்டிகா என்ற வேடத்தில் பாபு ஆண்டனி நடித்திருந்தார் என்பது குறிப்பிடத்தக்கது.