ஹோம் /நியூஸ் /பொழுதுபோக்கு /

காஷ்மீர் ஃபைல்ஸ் விவகாரம்.. இயக்குநருக்காக மன்னிப்புக் கேட்ட இஸ்ரேலிய தூதர்!

காஷ்மீர் ஃபைல்ஸ் விவகாரம்.. இயக்குநருக்காக மன்னிப்புக் கேட்ட இஸ்ரேலிய தூதர்!

காஷ்மீர் ஃபைல்ஸ்

காஷ்மீர் ஃபைல்ஸ்

“நீதிபதி இருக்கையில் அமர இந்தியா விடுத்த கவுரமான அழைப்பை நடாவ் லேபிட் தனது கீழ்த்தரமான செயலால் அவமதித்து விட்டார். அவருக்காக நான் மன்னிப்பு கேட்கிறேன் -இஸ்ரேல் தூதர் டவிட்டர் பதிவு

  • News18 Tamil
  • 2 minute read
  • Last Updated :
  • Tamil Nadu, India

காஷ்மீர் ஃபைல்ஸ்- திரைப்படம் குறித்து இத்தாலிய திரைப்பட இயக்குநர் நடாவ் லேபிட் கூறிய விமர்சனம் பல்வேறு சர்ச்சைகளை எழுப்பியுள்ளது. கோவாவில் சர்வதேச திரைப்பட விழா நடைபெற்றது. அதன் நிறைவு விழாவில் இஸ்ரேலிய திரைப்பட இயக்குநர் நடாவ் லேபிட் கலந்து கொண்டு பேசினார். இந்த திரைப்பட விழாவில் சிறந்த திரைப்படங்களையும், நடிகர் மற்றும் நடிககைளையும் தேர்வு செய்யும் நடுவர்கள் குழுவின் தலைவராகவும் அழைக்கப்பட்டிருந்தார் நடாவ் லேபிட்.

அவர் நிறைவு விழாவில் பேசும் போது, இந்திய திரைப்படமான காஷ்மீர் ஃபைல்ஸ் குறித்து பேசியிருந்தார். விவேக் அக்னிகோத்ரி இயக்கியிருந்த அந்த திரைப்படத்தில் இந்திய பாகிஸ்தான் பிரிவினையின் போது காஷ்மீரி பண்டிட்கள் படுகொலை செய்யப்பட்ட சம்பவம் குறித்து விவரிக்கப்பட்டிருக்கும். இது தொடர்பாக நடாவ் கூறியுள்ள கருத்துகள் தான் சர்ச்சையை ஏற்படுத்தியுள்ளது.

சிரிப்பால் எனை நீ சிதைத்தாய் போதும்..  நடிகை மேகா ஆகாஷின் அழகிய படங்கள்...

இந்த திரைப்படம் ஒரு பொய்பிரச்சாரம் என்றும், வன்மம் நிறைந்த திரைப்படம் என்றும் கூறியிருந்தார். நடாவின் இந்த பேச்சுக்கு இந்தியா முழுவதும் கடுமையான கண்டனங்கள் முன்வைக்கப்பட்டன. இது தொடர்பாக தனது கண்டத்தை பதிவு செய்துள்ள பாலிவுட் நடிகர் அனுபம் கேர், எனது கடவுள் அவருக்கு ஞானத்தை கொடுக்கட்டும் எனக் கூறியுள்ளார்.

காஷ்மீர் ஃபைல்ஸ் திரைப்படத்தின் தயாரிப்பாளர் “உங்கள் மதிப்புரை எங்களுக்கு தேவையில்லை.அதன் வலியை அனுபவித்த ஆயிரக் கணக்கான மக்களை கடந்து தான் நாங்கள் வந்திருக்கிறோம்… எனக் காட்டமாக தனது எதிர்ப்பை பதிவு செய்துள்ளார். அரசியல் உள்நோக்கோடு இந்த விமர்சனம் முன்வைக்கப்பட்டிருப்பதாக பல்வேறு தரப்பினரும் கருத்து தெரிவித்துள்ளனர். இந்நிலையில் இந்த சர்ச்சைக்கு முற்றுப் புள்ளி வைக்கும் விதமாக இந்தியாவிற்கான இஸ்ரேலிய தூதர் பகிரங்கமாக மன்னிப்பு கோரியுள்ளார்.

“உங்கள் பேச்சிற்காக நீங்கள் வெட்கப்பட வேண்டும்” என ட்விட்டரில் குறிப்பிட்டுள்ள இந்தியாவிற்கான இஸ்ரேலிய தூதர் நோர் கிலான், இது ஹீப்ரு மொழியல்ல… இந்திய சகோதர, சகோதரிகள் புரிந்து கொள்ள வேண்டும் என்பதற்காகவே ஆங்கிலத்தில் எழுதியுள்ளேன். நீங்கள் வெட்கப்பட வேண்டும் எனக் குறிப்பிட்டுள்ளார்.

விருந்தினர்களை கடவுளாக கருதும் இந்தியாவின் மேன்மையான அழைப்பை நடாவ் சீரழித்துவிட்டதாகவும் கிலோன் வருத்தம் தெரிவித்துள்ளார். மேலும், இந்தியா உங்கள் மேல் வைத்திருந்த நம்பிக்கை, மரியாதை மற்றும் விருந்தோம்பலின் மேன்மை என அனைத்தையுமே நீங்கள் கெடுத்துவிட்டீர்கள் எனவும் கிலோன் சாடியுள்ளார்.

'இதெல்லாம் ஒரு படமா? அதிர்ச்சியா இருக்கு..' திரைப்பட விழாவில் 'காஷ்மீர் ஃபைல்ஸ்' படத்தை கடுமையாக விமர்சித்த நடுவர்!

எனக்கும் திரைத்துறைக்கும் தொடர்பில்லை என்றாலும், ஒரு உண்மைச் சம்பவத்தை பற்றி முழுமையாக அறிந்து கொள்ளாமல், அந்த சம்பவத்தில் தொடர்புள்ளவர்கள் அதற்கான விலையை இன்றும் செலுத்திக் கொண்டிருப்பதை அறியாமல் இது போன்ற விமர்சன பேச்சு ஆணவத்தின் வெளிப்பாடு எனவும் இஸ்ரேல் தூதர் நோர் கிலோன் தனது ட்விட்டரில் பதிவிட்டுள்ளார்.

செய்தியாளர்: ரொசாரியோ ராய்

First published:

Tags: Goa Film Festival, IFFI, The Kashmir Files