Shankar: அந்நியன் இந்தி ரீமேக் - ஷங்கரிடம் விளக்கம் கேட்டு கடிதம்

Shankar: அந்நியன் இந்தி ரீமேக் - ஷங்கரிடம் விளக்கம் கேட்டு கடிதம்

இயக்குநர் ஷங்கர்

அந்நியன் படத்தை இந்தியில் ரன்வீர் சிங்கை வைத்து ரீமேக் செய்கிறார் இயக்குநர் ஷங்கர். இந்த அறிவிப்பு வெளியானதும், அந்நியன் படத்தை தயாரித்த ஆஸ்கர் ரவிச்சந்திரன், ஷங்கருக்கு கடிதம் அனுப்பினார்.

  • Share this:
    அந்நியன் படத்தை இந்தியில் ரன்வீர் சிங்கை வைத்து ரீமேக் செய்கிறார் இயக்குநர் ஷங்கர். இந்த அறிவிப்பு வெளியானதும், அந்நியன் படத்தை தயாரித்த ஆஸ்கர் ரவிச்சந்திரன், ஷங்கருக்கு கடிதம் அனுப்பினார்.

    அதில், அந்நியன் படத்தின் கதைக்கான முழு உரிமையை எழுத்தாளர் சுஜாதாவிடமிருந்து தான் வாங்கி வைத்திருப்பதாகவும், அந்தக் கதையை ரீமேக் செய்ய எந்த உரிமையும் ஷங்கருக்கு இல்லை என்று தெரிவித்திருந்தார். பாய்ஸ் பட தோல்வியால் மார்க்கெட் இழந்த ஷங்கருக்கு ரவிச்சந்திரன் அந்நியன் மூலம் மறுவாழ்வு அளித்தது போல் அந்தக் கடிதத்தில் ரவிச்சந்திரன் குறிப்பிட்டிருந்தார்.

    இதற்கு பதிலளித்த ஷங்கர், அந்நியன் படத்தின் கதை, திரைக்கதை என்னுடையது, படத்தின் டைட்டிலிலும் அப்படித்தான் வருகிறது. சுஜாதா வசனம் மட்டுமே எழுதினார். அதனால், அந்நியன் கதையை பயன்படுத்த எனக்கு மட்டுமே முழு உரிமை உள்ளது என விளக்கமளித்தார்.

    இந்தப் பிரச்சனையை ரவிச்சந்திரன் தற்போது சௌத்இந்தியன் சேம்பர் ஆஃப் காமர்சுக்கு (SICC) கொண்டு சென்றிருக்கிறார். இதில் ரவிச்சந்திரன் உறுப்பினராக உள்ளார். SICC-ன் தலைவர் ரவி கொட்டாரக்கரா, இந்தப் பிரச்சனையில் விளக்கம் கேட்டு ஷங்கருக்கு கடிதம் அனுப்பப்படும் என்றார். பொதுவாக ஒரு படத்தின் கதைக்கான உரிமை தயாரிப்பாளரிடம்தான் இருக்கும் என்றும் அவர் கூறினார். தங்கள் உறுப்பினர் ரவிச்சந்திரனுக்கு ஆதரவான நிலைப்பாடு எடுத்துவிட்டே, ஷங்கரிடம் விளக்கம் கேட்க முடிவு செய்திருப்பார்கள் என்பது இதிலிருந்து தெரிகிறது.

    ரவி கொட்டாரக்கரா ஓர் மலையாளி. இவரைப் போன்ற தமிழரல்லாதவர்கள்தான் தமிழ் சினிமாவை தீர்மானிக்கும் சக்தியாக இருந்து கொண்டிருக்கிறார்கள் என்பது வருத்தமளிப்பதாக சினிமா வட்டாரத்தில் ஓர் கருத்து நிலவுகிறது.



    உடனடி செய்திகளுக்கு இணைந்திருங்கள்
    Published by:Shalini C
    First published: