இந்தியன் 2-வில் ஏ.ஆர் ரஹ்மான் இசை?

இந்தியன் படத்தின் இசை, இந்தியன் 2 படத்துக்கும் பயன்படுத்தப்படும் என தகவல்கள் தெரிவிக்கின்றன.

'இந்தியன் 2' படத்தின் படப்பிடிப்பு விறுவிறுப்பாக நடைபெற்று வரும் நிலையில், இசையமைப்பாளர் அனிருத் ரவிச்சந்தர் படத்திற்கான தனது பணியை தொடங்கியுள்ளார் என தகவல்கள் தெரிவிக்கின்றன. அனிருத் ரவிச்சந்தர் இப்படத்திற்கு புதிய பின்னணி இசையை உருவாக்குவார், ஆனால் முந்தைய பாகத்தின் இசையையும் மீண்டும் பயன்படுத்துவார் என்று கூறப்படுகிறது. 'இந்தியன்' படத்தின் இசையை 'இந்தியன் 2' படத்திற்கு பயன்படுத்த இயக்குனர் ஷங்கர், ஏ.ஆர் ரஹ்மானிடம் அனுமதி கோரியதாகவும், அதற்கு அவர் ஒப்புக்கொண்டதாகவும் தகவல்கள் தெரிவிக்கின்றன.

'இந்தியன் 2' படத்தில் ஏ.ஆர்.ரஹ்மான் மற்றும் அனிருத்தின் இசைகளைக் கேட்க ரசிகர்கள் மிகவும் ஆவலாக உள்ளனர். முன்னதாக ‘விக்ரம்’ படத்திற்காக இளையராஜாவின் இசையை அனிருத் ரவிச்சந்தர் இணைத்திருந்தார். தற்போது ஏ.ஆர்.ரஹ்மானின் இசையும் அனிருத்தின் இசையும் திரையில் எப்படி இருக்கும் என்பதைப் பார்க்க ரசிகர்களின் ஆர்வம் அதிகரித்துள்ளது.

ஷங்கர் இயக்கத்தில், 'இந்தியன் 2' படத்தில் கமல்ஹாசன், காஜல் அகர்வால், பிரியா பவானி சங்கர், ரகுல் ப்ரீத் சிங், சித்தார்த், பாபி சிம்ஹா, குரு சோமசுந்தரம் உள்ளிட்ட பலர் நடித்துள்ளனர். இப்படம் 1996-ல் வெளியான இந்தியன் படத்தின் தொடர்ச்சியாகும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.