அதே ரத்தம்... அப்பாவின் வழியில் குட்டி ஏகே... வைரலாகும் லேட்டஸ்ட் போட்டோ

அஜித்குமாரின் ஏகே 62 பட இயக்குநர் சர்ச்சை முடிந்தபாடில்லை. இந்தப் படத்தை முதலில் விக்னேஷ் சிவன் இயக்குவதாக இருந்தது. ஆனால் கதை தொடர்பாக தயாரிப்பு தரப்புடன் ஏற்பட்ட முரண் காரணமாக அவர் இந்தப் படத்திலிருந்து விலகினார். தனது ட்விட்டர் பக்கத்தில் தனது அடுத்த படம் ஏகே 62 என குறிப்பிட்டிருந்ததை நீக்கினார்.

அஜித்தின் அடுத்த படத்தை மகிழ் திருமேனி இயக்க அதிக வாய்ப்பிருப்பதாக கூறப்படுகிறது. மேலும் இந்தப் படத்துக்கு அனிருத் இசையமைக்கிறாராம். ஆனால் இன்னும் அதிகாரப்பூர்வ தகவல் வெளியாகவில்லை.

தற்போது புதிய லுக்கில் அஜித் இருக்கும் படங்கள் சமூக வலைதளங்களில் பரவியது. துணிவு படத்தில் நீண்ட தாடி வைத்திருந்த அஜித் அதனை டிரிம் செய்து புதிய லுக்கில் படு ஸ்டைலிஷாக காட்சியளிக்கிறார். ஏகே 62 படத்துக்காக இந்த லுக்கிற்கு அஜித் மாறியிருப்பதாக கூறப்படுகிறது.

இந்த நிலையில் ஷாலினி அஜித் மற்றும் அவரது மகன் ஆத்விக் மற்றும் இன்னும் பிற குழந்தைகளுடன் இருக்கும் படம் ஒன்று சமூக வலைதளங்களில் வைரலாகிவருகிறது. ஐஎஸ்எல் லீக் கால்பந்து போட்டியின் சென்னையின் எப்சி அணிக்காக சப்போர்ட் செய்யும் விதமாக அந்த அணியின் ஜெர்சியை ஆத்விக் அணிந்திருக்கிறார்.

சென்னை நேரு ஸ்டேடியத்தில் இந்தப் படம் எடுக்கப்பட்டதாக கூறப்படுகிறது. அஜித் போல அவரது மகனும் ஸ்போர்ட்ஸில் ஆர்வம் காட்டுவதாக கூறி அதே ரத்தம் அப்படித்தானிருக்கும் என ரசிகர்கள் கமெண்ட் செய்துவருகிறார்கள்.