நியூ லுக்கில் அஜித்... காதலுடன் கிளிக்கிய ஷாலினி - வைரலாகும் லேட்டஸ்ட் போட்டோ

வினோத் இயக்கத்தில் அஜித் குமார் நடிப்பில் பொங்கலை முன்னிட்டு கடந்த 11 ஆம் தேதி வெளியான துணிவு திரைப்படம் ரசிகர்களிடையே பெரும் வரவேற்பை பெற்றது. வெளியாகி 25 நாட்களான நிலையில் பெரும்பாலான திரையரங்குகளில் வெற்றிகரமாக ஓடிக்கொண்டிருக்கிறது.

மற்றொருபக்கம் அஜித்குமாரின் ஏகே 62 பட இயக்குநர் சர்ச்சை முடிந்தபாடில்லை. இந்தப் படத்தை முதலில் விக்னேஷ் சிவன் இயக்குவதாக இருந்தது. ஆனால் கதை தொடர்பாக தயாரிப்பு தரப்புடன் ஏற்பட்ட முரண் காரணமாக அவர் இந்தப் படத்திலிருந்து விலகினார். தனது ட்விட்டர் பக்கத்தில் தனது அடுத்த படம் ஏகே 62 என குறிப்பிட்டிருந்ததை நீக்கினார்.

அஜித்தின் அடுத்த படத்தை மகிழ் திருமேனி இயக்க அதிக வாய்ப்பிருப்பதாக கூறப்படுகிறது. ஆனால் இன்னும் அதிகாரப்பூர்வ தகவல் வெளியாகவில்லை. இது ஒரு பக்கம் இருக்க, அஜித் தற்போது தனது குடும்பத்துடன் சுற்றுலா சென்றுள்ளதாக கூறப்படுகிறது. தற்போது புதிய லுக்கில் அஜித் இருக்கும் படங்கள் சமூக வலைதளங்களில் பரவியது. துணிவு படத்தில் நீண்ட தாடி வைத்திருந்த அஜித் அதனை டிரிம் செய்து புதிய லுக்கில் படு ஸ்டைலிஷாக காட்சியளிக்கிறார்.

ஷாலினி கிளிக்கியதாக கூறப்படும் நடிகர் அஜித்தின் லேட்டஸ்ட் போட்டோ

இப்பொழுது அப்படியொரு படம் சமூக வலைதளங்களில் வைரலாகிவருகிறது. கடற்கரை பின்னணியில் அஜித் இருக்கும் இந்த படத்தை அவரது மனைவி ஷாலினி கிளிக்கியதாக கூறப்படும் நிலையில் இதனைப் பகிர்ந்து அஜித் ரசிகர்கள் டிரெண்ட் செய்துவருகிறார்கள்.