• HOME
  • »
  • NEWS
  • »
  • entertainment
  • »
  • என் மாமியாரை முன் மாதிரியாகக் கொண்டு நடித்தேன் - ஜோதிகா!

என் மாமியாரை முன் மாதிரியாகக் கொண்டு நடித்தேன் - ஜோதிகா!

ஜோதிகா

ஜோதிகா

கிராமத்துப் பின்னணியில் தயாராகியிருக்கும் இந்தப் படம் நவீன பாசமலர் என்கிறார் ஜோதிகா.

  • News18
  • Last Updated :
  • Share this:
ஜோதிகாவின் 50 வது படமான உடன்பிறப்பே வரும் அக்டோபர் 14 ஆயுதபூஜையை முன்னிட்டு வெளியாகிறது. அதனையொட்டி படத்தில் நடித்தது குறித்து ஜோதிகா பேட்டியளித்தார். 

உடன்பிறப்பே படத்தை இரா.சரவணன் என்பவர் இயக்கியுள்ளார். இவர் பத்திரிகையாளராக இருந்து இயக்குனரானவர். இவர் சொன்ன கதை ஜோதிகாவுக்கும், சூர்யாவுக்கும் பிடித்துப்போக உடனே தயாரிப்பது என்று முடிவெடுத்து, தற்போது படம் வெளியாக உள்ளது. சூர்யாவின் 2டி என்டர்டெயின்மெண்ட் படத்தை தயாரித்துள்ளது

கிராமத்துப் பின்னணியில் தயாராகியிருக்கும் இந்தப் படம் நவீன பாசமலர் என்கிறார் ஜோதிகா. அண்ணன், தங்கைப் பாசம் இதில் பிரதானமாக பேசப்பட்டுள்ளது. அண்ணனாக சசிகுமாரும், தங்கையாக ஜோதிகாவும், ஜோதிகாவின் கணவராக சமுத்திரகனியும் நடித்துள்ளனர். கணவருக்கும், அண்ணனுக்கும் இடையிலான கருத்து மோதலின் நடுவில் மாட்டிக் கொண்ட தங்கை கதாபாத்திரம் ஜோதிகாவுக்கு என்கின்றன செய்திகள். இதில் அவர் ஊரே மதிக்கும் மீனாட்சி என்ற வேடத்தை செய்துள்ளார்.

"என் மாமியார் உள்பட என் கணவரின் குடும்பத்தினரை முன்மாதிரியாகக் கொண்டு மீனாட்சி கதாபாத்திரத்தில் நடித்தேன்" என ஜோதிகா கூறியுள்ளார். கொரோனா ஊரடங்கு காலக்கட்டம் அதற்கு உதவியாக இருந்தது என தெரிவித்துள்ளார்.

Also read... விஜய் 67 படத்தின் இயக்குனர், தயாரிப்பாளர் இவர்களா?

தனது 50 வது படம் திரையரங்கில் வெளியாகாமல் ஓடிடியில் வெளியாவதில் ஜோதிகாவுக்கும் வருத்தம்தான். கொரோனா இரண்டாம் அலை எப்போது முடியும், எப்போது திரையரங்குகள் திறக்கும் என்பது தெரியாத நிலையில், அமேசான் பிரைம் வீடியோவுடன் 2டி என்டர்டெயின்மெண்ட் போட்டுக் கொண்ட ஒப்பந்தம் என்பதால், வேறு வழியின்றி ஓடிடியில் படத்தை வெளியிடுகின்றனர்

சூர்யா ரசிகர்களின் நெடுநாளைய கேள்வி, எப்போது சூர்யா மீண்டும் ஜோதிகாவுடன் நடிக்கப் போகிறார்? அந்த எதிர்பார்ப்பு சூர்யா, ஜோதிகாவுக்குமே உள்ளது. நல்ல கதை அமைந்தால் நடிக்க வேண்டியதுதான் என இந்தக் கேள்விக்கு ஜோதிகா பதிலளித்துள்ளார். அந்த நல்ல கதை விரைவில் கிடைக்கட்டும்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Vinothini Aandisamy
First published: