Home /News /entertainment /

‘சுதந்திரம் என்பது வரலாறு. வரலாற்றை மறந்து விட்டால் மீண்டும் அடிமைப்பட நேரிடும்’ – கமல்ஹாசன் சுதந்திர தின மெசேஜ்...

‘சுதந்திரம் என்பது வரலாறு. வரலாற்றை மறந்து விட்டால் மீண்டும் அடிமைப்பட நேரிடும்’ – கமல்ஹாசன் சுதந்திர தின மெசேஜ்...

கமல் ஹாசன்

கமல் ஹாசன்

தாயகம் காக்க, தன்னலம் துறந்த அன்றைய சுதந்திரப் போராட்ட வீரர்களையும், இன்றைய நாளை நாம் இனிதே கொண்டாட, எல்லைகளைக் காக்கும் முப்படை வீரர்களையும், நன்றியோடு நினைவு கூர்வோம்.

  • News18 Tamil
  • 2 minute read
  • Last Updated :
    சுதந்திரம் என்பது வரலாறு. வரலாற்றை மறந்து விட்டால் மீண்டும் அதே நாட்களுக்கு திரும்ப வேண்டியிருக்கும் என்று நடிகர் கமல்ஹாசன் சுதந்திர தின வாழ்த்து செய்தியை பதிவிட்டுள்ளார்.

    நடிகரும்,மக்கள் நீதி மய்யம் கட்சியின் தலைவருமான கமல் இன்று வெளியிட்டுள்ள சுதந்திர தின வாழ்த்து செய்தியில் கூறியிருப்பதாவது-

    மறவோம்… மறவோம்!

    75-வது சுதந்திர தினத்தை கொண்டாடும் ஒவ்வொரு இந்தியர்களுக்கும் என் மனப்பூர்வமான சுதந்திர தினநல்வாழ்த்துக்கள்!



    25 ஆண்டுகளுக்கு முன்னர் மருதநாயகம் திரைப்படத்தின் தொடக்க விழாவில் , பிரிட்டிஷ் மகாராணி முன்னிலையில் படமாக்கப்பட்ட காட்சியில் ’ஒரு கடலையோ, காற்றையோ, காட்டையோ குத்தகைக்கோ வாடகைக்கோ, சொந்தம் கொண்டாடவோ முடியும் எனும் எண்ணம் உங்களுக்கு எப்படி வந்தது?

    ஆகஸ்ட் 15 அன்று ஒவ்வோர் வீட்டிலும் தேசிய கொடியை ஏற்றுவோம்… ரஜினிகாந்த் அழைப்பு

    இந்த மரத்தின் வயது இருக்குமா உங்களுக்கு? யார் நீங்கள்? இது என் நாடு. என் தகப்பனின் சாம்பலின் மீது நான் நடக்கிறேன். நாளை என் சாம்பலின் மீது என் மகன் நடப்பான்’ எனும் வசனத்தை பேசினேன்.

    இது சினிமாவிற்காக எழுதிய வசனம் அல்ல. என் உள்ளத்தில் இருந்த தீ. அன்னியரிடம் அடிமைப்பட்டுக் கிடந்த தாய் நிலத்தை மீட்க களம் இறங்கிய ஒவ்வொருவரின் உள்ளத்திலும் இருந்த தீ.

    என் உளத்தீ இன்னமும் அணையவில்லை.உங்களிடம் இருக்கும் இந்த தீ நீடிக்கும் வரை நம் வீடும் நாடும் மாநிலமும் ஊரும் தெருவும் சீராகும்.

    சுதந்திர தினத்தை முன்னிட்டு ரஜினி – விஜய் வீடுகளில் பறக்கும் தேசியக் கொடி…

    தியாக மறவர்கள் பலர், தங்கள் இன்னுயிரை, சொந்த வாழ்க்கையை, சொத்து சுகங்களை இழந்து பன்னெடுங்காலம் போராடிப் பெற்றது இந்த சுதந்திரம் என்பது நம் வரலாறு. வரலாற்றை மறந்து விட்டால் மீண்டும் அதே நாட்களுக்கு திரும்ப வேண்டியிருக்கும் என்பதும் வரலாறு. மறவோம்… மறவோம்… என்று இந்த நாளில் உறுதி கொள்வோம்.

    தாயகம் காக்க, தன்னலம் துறந்த அன்றைய சுதந்திரப் போராட்ட வீரர்களையும், இன்றைய நாளை நாம் இனிதே கொண்டாட, எல்லைகளைக் காக்கும் முப்படை வீரர்களையும், நன்றியோடு நினைவு கூர்வோம். இவர்களின் வீரத்தையும் தியாகத்தையும் போற்றுவோம். வீரமும், தியாகமும் யாவருக்கும் உரியவை. வளர்த்துக் கொள்வோம் இவ்வாறு கமல்ஹாசன் கூறியுள்ளார்
    Published by:Musthak
    First published:

    Tags: Independence day, Kamal Haasan

    அடுத்த செய்தி