Leo-ல நீங்க என்ன வேற மாதிரி பார்ப்பீங்க - அர்ஜூன் கொடுத்த சூப்பர் அப்டேட்

தமிழ் திரைத்துறையின் உச்சநடிகர்களில் ஒருவர் விஜய். அவரது நடிப்பில் பொங்கல் பண்டிகையை முன்னிட்டு வாரிசு படம் வெளியாகி உள்ளது. இதை அடுத்து மாநகரம், கைதி, மாஸ்டர் மற்றும் விக்ரம் படங்களை இயக்கிய லோகேஷ் கனகராஜ் இயக்கத்தில் விஜய் நடிக்க உள்ளார். மாஸ்டர் திரைப்படத்தை தொடர்ந்து விஜய் இரண்டாவது முறையாக லோகேஷ் கனகராஜ் உடன் இணைந்துள்ளார்.

இந்தப்படத்தை செவன் ஸ்க்ரீன் ஸ்டூடியோ தயாரிக்கிறது. படத்தின் அப்டேட் குறித்த எதிர்பார்ப்பு ரசிகர்கள் மத்தியில் அதிகம் இருந்து வருகிறது. அதற்கு காரணம் கடந்த ஆண்டு லோகேஷ் இயக்கத்தில் வெளிவந்த ‘விக்ரம்’ படம் மாபெரும் வெற்றி பெற்றது. அதனால் இந்தப் படத்திற்கான எதிர்பார்ப்பு அதிகம் இருந்து வருகிறது.

இந்தப் படத்திற்காக History of Violence படத்தின் உரிமையை முறையாக கைப்பற்றி அதில் சில மாற்றங்களை செய்து திரைக்கதை எழுத்தியுள்ளார் லோகேஷ் கனகராஜ். மேலும் தன்னுடைய முந்தைய படங்களின் தொடர்பான Lokesh Cinematic Universe கனெக்ஷனையும் தொடர்புப்படுத்தியுள்ளார்.

விஜய் - லோகேஷ் கனகராஜ் கூட்டணியில் உருவாகும் இந்த திரைப்படத்தில் பாலிவுட் நடிகர் சஞ்சய் தத், அர்ஜுன், கௌதம் வாசுதே மேனன் மிஷ்கின், த்ரிஷா, பிரியா ஆனந்த், சாண்டி மாஸ்டர், மேத்யூ தாமஸ் உள்ளிட்ட பல முன்னணி நட்சத்திரங்கள் நடிக்கின்றனர்.

மேலும் இந்தப் படத்தின் பூஜை சென்னை ஏவிஎம் ஸ்டூடியோவில் சமீபத்தில் நடந்தது. மேலும் விக்ரம் படத்துக்கு எப்படி ப்ரோமோ வெளியிடப்பட்டதோ அதேபோல் இந்தப் படத்துக்கும் ப்ரோமோவை படக்குழு உருவாக்கியுள்ளது. படத்தின் மிரட்டலான புரமோ வீடியோவில் படத்துக்கு லியோ எனப் பெயரிடப்பட்டுள்ளதாக அறிவித்துள்ளது.

இந்நிலையில் லியோ படத்தின் படப்பிடிப்பு பணிகள் கடந்த ஜனவரி 2-ம் தேதி துவங்கியது. தற்போது காஷ்மீரில் படப்பிடிப்பு பணிகள் நடைபெற்று வருகிறது. அதற்கான புகைபப்டங்களை படக்குழுவினர் தொடர்ந்து வெளியிட்டு வருகின்றனர். நேற்றைய தினம் கூட படப்பிடிப்புத் தளத்தில் படக்குழுவினருடன் இணைந்து எடுத்துக்கொண்ட புகைப்படத்தினை இயக்குநர் லோகேஷ் கனகராஜ் பகிர்ந்திருந்தார். இதில் நடிகர் விஜய், இயக்குநர் மற்றும் நடிகர் கௌதம் வாசுதேவ் மேனன் உள்ளிட்ட பலரும் இருந்தனர். இது இணையத்தில் வைரலானது.

இதனை தொடர்ந்து சமீபத்தில் நடிகர் அர்ஜூன் பேட்டி ஒன்றில், லியோ படத்தில் தன்னுடைய கேரக்டர் எப்படியிருக்கும் என்பதை குறித்து பேசியுள்ளார். அதில், இயக்குநர் லோகேஷ் கனகராஜின் கைதி மற்றும் விக்ரம் படங்களை பார்த்துள்ளேன். ரொம்ப வித்தியாசமா கதையை சொல்லக்கூடிய ஒரு இயக்குநர். அவரது கதையில் நடிப்பது மிகவும் மகிழ்ச்சியா இருக்கு.

மேலும், எனக்கு மக்கள் கொடுத்த ஆக்‌ஷன் கிங் என்ற பட்டம் பற்றி உங்களுக்கு நல்லா தெரியும். அப்படி இருக்கையில் லோகேஷ் என்னை ரசிகர்கள் கிட்ட வேற ஒரு ஸ்டைலில் காட்டப் போறாரு. மக்கள் இதுவரை என்னைப் பார்க்காத கேரக்டருல பார்ப்பாங்க என அர்ஜூன் அந்தப் பேட்டியில் தெரிவித்துள்ளார்.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.