“உனக்கு சம்பவம் இருக்கு.. பார் முடிவுல யார்..” துணிவு படத்தின் ‘கேங்க்ஸ்டா’ பாடல் இன்று வெளியாகிறது!

துணிவு படத்தின் 3-வது பாடலான கேங்ஸ்டா என்ற பாடல் இன்று வெளியாகும் என அறிவிக்கப்பட்டுள்ளது.

அஜித் நடிப்பில் உருவாகியிருக்கும் 'துணிவு' திரைப்படம் வரும் ஜனவரி 12, 2023 அன்று திரையரங்குகளில் வெளியாகிறது. இதையடுத்து இசையமைப்பாளர் ஜிப்ரான் நேற்று காலை மூன்றாவது சிங்கிள் குறித்து ட்விட்டரில் அறிவித்தார். இந்தப் புதிய பாடலை பாடகர் ஷபீர் சுல்தான் பாடியுள்ளார். துணிவு படத்தின் முதல் இரண்டு பாடல்களான ‘சில்லா சில்லா’ மற்றும் ‘காசேதன் கடவுளடா’ ஆகியப் பாடல்கள் வெளியாகி ரசிகர்களிடம் நல்ல வரவேற்பைப் பெற்றன.

துணிவு

இதையடுத்து துணிவு படத்தின் தயாரிப்பாளரான போனி கபூர், கேங்ஸ்டா பாடலின் வரிகளை ட்விட்டரில் பகிர்ந்திருந்தார். தமிழ் மற்றும் ஆங்கில வரிகள் கொண்ட இந்த பாடல் வெளியான பிறகு வைரலாகும் என்பது உறுதி.

துணிவு கேங்ஸ்டா பாடல் வரிகள்

ரசிகர்கள் 2023 புத்தாண்டைக் கொண்டாடும் வகையில் துணிவு படத்தின் ட்ரெய்லர் டிசம்பர் 31ஆம் தேதி வெளியாகும் என சில செய்திகள் தெரிவிக்கின்றன. ட்ரெய்லர் மற்றும் டீஸர் இரண்டையும் வெளியிட நேரம் குறைவாக இருப்பதால் நேரடியாக ட்ரைலர் வெளியிடப்படும் எனத் தெரிகிறது. படத்தில் அஜீத் தவிர, மஞ்சு வாரியர், ஜான் கொக்கன், சமுத்திரக்கனி, மமதி சாரி, வீரா, பிரேம் குமார், மற்றும் மகாநதி ஷங்கர் ஆகியோரும் நடித்துள்ளனர். துணிவு படம் பாக்ஸ் ஆபிஸில் விஜய்யின் வாரிசு படத்துடன் மோதுவது குறிப்பிடத்தக்கது.