• HOME
  • »
  • NEWS
  • »
  • entertainment
  • »
  • புனித் ராஜ்குமார் மறைவுக்கு நடிகர் அஜித், ஷாலினி உருக்கமான இரங்கல்

புனித் ராஜ்குமார் மறைவுக்கு நடிகர் அஜித், ஷாலினி உருக்கமான இரங்கல்

புனித் ராஜ்குமார் - அஜித்குமார்

புனித் ராஜ்குமார் - அஜித்குமார்

கன்னட திரையுலகின் சூப்பர் ஸ்டார் புனித் ராஜ்குமார் மறைவிற்கு நடிகர் அஜித் மற்றும் அவரது மனைவி ஷாலினி தங்களது இரங்கலை தெரிவித்துள்ளனர்.

  • Share this:
    கன்னட நடிகர் புனித் ராஜ்குமார் இன்று காலை மாரடைப்பு காரணமாக மருத்துவமனையில் அனுமதிக்கப்பட்ட நிலையில் சிகிச்சை பலனின்றி காலமானார். 46 வயதாகும் அவர், இன்று காலை உடற்பயிற்சி செய்து கொண்டு இருக்கும் போது மாரடைப்பு ஏற்பட்டு மரணம் அடைந்தார்.

    புனித் ராஜ்குமார் மரணம் கர்நாடகா முழுவதும் பெரும் சோகத்தை ஏற்படுத்தி உள்ளது. அவரது மறைவிற்கு திரையுலகினர், அரசியல் தலைவர்கள், பிரபலங்கள் பலர் இரங்கலை தெரிவித்து வருகின்றனர். நடிகர் அஜித் குமார் மற்றும் அவரது மனைவி ஷாலினி சார்பில் அவரது மறைவிற்கு இரங்கல் தெரிவிக்கப்பட்டுள்ளது.

    நடிகர் அஜித்தின் மேனேஜர் சுரேஷ் சந்திரா தனது ட்விட்டரில் அவர்களது இரங்கல் செய்தியை பதிவிட்டுள்ளார். அதில், நடிகர் புனித் ராஜ்குமாரின் துரதிர்ஷடவசமான மறைவை கேட்டு வருந்துகிறேன். அவரது குடும்பத்தினர் மற்றும் நண்பர்கள் இந்த துயரத்திலிருந்து மீள வலிமை பெறட்டும். அஜித் மற்றும் ஷாலினியின் இரங்கல் என்றுள்ளார்.



    முதல்வர் முக ஸ்டாலின் தெரிவித்துள்ள இரங்கல் செய்தியில், மறைந்த பழம்பெரும் கன்னட நடிகர் ராஜ்குமார் அவர்களின் மகனாக பவர் ஸ்டார் புனீத் ராஜ்குமார் அவர்களின் மறைவை அறிந்து பெரும் அதிர்ச்சியும் வேதனையும் அடைந்தேன்.

    எங்கள் இருவரது குடும்பங்களும் பல்லாண்டுகளாக நல்ல உறவைப் பேணி வந்துள்ளோம். அந்த வகையில் தனிப்பட்ட முறையிலும் இது எனக்கு இழப்பு ஆகும். பெரும்புகழ் கொண்ட நட்சத்திரமாக விளங்கிய போதும் எளிமையான மனிதாரகவே புனீத் ராஜ்குமார் இருந்தார்.

    தலைவர் கலைஞர் அவர்களின் மறைவுக்கு தமது குடும்பத்தில் சார்பில் இரங்கலை தெரிவிக்க கோபலபுரம் இல்லம் தேடி அவர் வந்தது இன்னும் என் நெஞ்சில் பசுமையாக நிழலாடுகிறது.

    புனித் ராஜ்குமாரின் மறைவான் கன்னடத் திரையுலகம் தன் மிகச் சிறந்த சமகால அடையாளங்களுள் ஒருவரை இழந்துள்ளது. இந்த ஈடுசெய்ய முடியாத இழப்பால் தவிக்கும் புனீத் ராஜ்குமார் அவர்களின் குடும்பத்தினருக்கும் கர்நாடக மக்கள் அனைவருக்கும் எனது ஆழ்ந்த இரங்கல்களையும் ஆறுதலையும் தெரிவித்துக் கொள்கிறேன் என்றுள்ளார்.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Vijay R
    First published: