ஆக்சன் கிங் அர்ஜுன் கதையில் துருவா சர்ஜா.. டிரெண்டாகும் மார்டின் டீசர்!

நடிகர் அர்ஜுன் தற்போது லோகேஷ் கனகராஜ் இயக்கத்தில் நடிகர் விஜய்யுடன் இணைந்து லியோ படத்தில் நடித்துவருகிறார். இந்தப் படத்தின் படப்பிடிப்பு காஷ்மீரில் நடைபெற்றுவருகிறது. இந்த நிலையில் கன்னடத்தில் பிரம்மாண்டமாக உருவாகியுள்ள மார்டின் என்ற படத்துக்கு அர்ஜுன் கதை எழுதியுள்ளார்.

இந்தப் படத்தில் அர்ஜுனின் உறவினரும் பிரபல கன்னட ஹீரோவுமான துருவா சார்ஜா நடித்துள்ளார். இந்தப் படத்தை ஏபி அர்ஜுன் இயக்கியிருக்கிறார். பான் இந்தியன் படமாக உருவாகியுள்ளது. இந்திய அளவில் ரசிகர்களிடம் பெரும் ஆவலை தூண்டியிருக்கும் இப்படத்தின் டீசர் வெளியீட்டு விழா, பிப்ரவரி 23 ஆம் தேதி, பெங்களூர் ஓரியன் மாலில் கோலாகலமாக நடைபெற்றது. இந்தப் படத்தின் டீசர் சமீபத்தில் வெளியாகி இந்திய அளவில் நல்ல வரவேற்பைப் பெற்றுள்ளது.

' isDesktop="true" id="899829" youtubeid="oge3BfIoG-c" category="cinema">

இந்தப் படத்தில் துருவா சர்ஜா, வைபவி சாண்டில்யா, அன்வேஷி ஜெயின், சிக்கண்ணா, மாளவிகா அவினாஷ், அச்யுத் குமார், நிகிதின் தீர், நவாப் ஷா, ரோஹித் பதக் உள்ளிட்டோர் முக்கிய வேடங்களில் நடித்துள்ளனர். மணிசர்மா இந்தப் படத்துக்கு இசையமைத்துள்ளார்.