ஹோம் /நியூஸ் /பொழுதுபோக்கு /

பாலா படத்தின் நாயகியாகும் கீர்த்தி சுரேஷ்?

பாலா படத்தின் நாயகியாகும் கீர்த்தி சுரேஷ்?

கீர்த்தி சுரேஷ்

கீர்த்தி சுரேஷ்

பாலாவின் புதிய படத்தை சூர்யாவின் 2டி என்டர்டெயின்மெண்ட் தயாரிக்கிறது. ஒருகாலத்தில் சினிமாவில் தத்தளித்துக் கொண்டிருந்த சூர்யாவுக்கு நந்தா மூலம் திசைகாட்டியவர் பாலா.

  • News18
  • 1 minute read
  • Last Updated :

பாலா இயக்கும் புதிய படத்தில் கீர்த்தி சுரேஷ் நாயகியாக நடிக்கலாம் என நெருக்கமான வட்டாரங்கள் தெரிவிக்கின்றன.

'பெயரைச் சொன்னாலே சும்மா அதிரும்ல' என்பதற்கேற்ப ஒருகாலத்தில் ஓஹோவென்றிருந்தவர் பாலா. அவரது இயக்கத்தில் படம் வருகிறதென்றால், புதிய அனுபவத்துக்கு ரசிகர்களும், திரையுலகமும் தயாராகும். அவன் இவன் படத்தோடு எல்லாம் முடிந்தது. பாலா படம் என்றால் இப்படித்தான் இருக்கும் என்ற டெம்ப்ளேட்டுக்குள் அவர் சிக்கிக் கொண்டதே முதல்காரணம். தாரை தப்பட்டை அதை உறுதி செய்தது.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.

கடைசியாக நாச்சியார் படத்தை எடுத்தார். பாலாவின் அதே டெம்ப்ளேட்டில் எடுக்கப்பட்டிருந்தாலும், அதில் இருந்த விசாரணைக் காட்சிகள் கதையை பரபரவென  நகர்த்தி பார்டரில் படத்தை பாஸாக்கியது. அதையடுத்து அர்ஜுன் ரெட்டியை தமிழில் ரீமேக் செய்தார். அப்படம் அர்ஜுன் ரெட்டி போலவே இல்லை என முழுப்படத்தையும் நிராகரித்து, வேறொருவரை வைத்து படத்தை மீண்டும் தயாரித்தார்கள். இப்படியொரு சம்பவம் தமிழ் சினிமாவில் இதுவரை நடந்ததில்லை. பாலா அடுத்து என்ன செய்யப் போகிறார் என்பது அனைவர் மனதிலும் இருக்கும் கேள்வி. பழைய பாட்ஷாவாக அவர் தன்னை நிரூபித்தாக வேண்டும்.

Also read... ஆர்யா, அருண் விஜய், அதர்வா, கதிர் நடிப்பில் தயாராகும் வெப் தொடர்கள்!

பாலாவின் புதிய படத்தை சூர்யாவின் 2டி என்டர்டெயின்மெண்ட் தயாரிக்கிறது. ஒருகாலத்தில் சினிமாவில் தத்தளித்துக் கொண்டிருந்த சூர்யாவுக்கு நந்தா மூலம் திசைகாட்டியவர் பாலா. இப்போது அவர் படத்தை தயாரித்து பாலாவுக்கு உதவியிருக்கிறார்.

அதர்வா நடிக்கும் இந்தப் படத்தில் நாயகியாக நடிக்க கீர்த்தி சுரேஷை அணுகியிருப்பதாக தகவல். தகதகவென இருக்கும் ஹீரோயின்களை தார்பூசி மாற்றுவது பாலாவின் ஹாபிகளில் ஒன்று. கீர்த்தி சுரேஷ் அந்த வன்முறைக்கு தலை கொடுப்பாரா? இன்னும் சில தினங்களில் பதில் தெரிந்துவிடும்.

Published by:Vinothini Aandisamy
First published:

Tags: Actress Keerthi Suresh, Director bala