• HOME
  • »
  • NEWS
  • »
  • entertainment
  • »
  • லோகேஷ் கனகராஜின் விக்ரம், ஹரியின் யானை படங்களின் புதிய அப்டேட்!

லோகேஷ் கனகராஜின் விக்ரம், ஹரியின் யானை படங்களின் புதிய அப்டேட்!

விக்ரம், யானை படங்களின் புதிய அப்டேட்

விக்ரம், யானை படங்களின் புதிய அப்டேட்

அருண் விஜய் நடிப்பில் ஏற்கனவே தயாராக இருக்கும் வா ,டீல் படம் தீபாவளிக்கும், பார்டர் நவம்பர் மத்தியிலும் திரைக்கு வருகின்றன.

  • News18
  • Last Updated :
  • Share this:
லோகேஷ் கனகராஜின் விக்ரம், ஹரியின் யானை படங்கள் குறித்த புதிய அப்டேட் வெளியாகியுள்ளது.

கமல், பகத் பாசில், விஜய்சேதுபதி நடிப்பில் தயாராகிவரும் விக்ரம் படத்தின் இரண்டுகட்ட படப்பிடிப்புகள் வெற்றிகரமாக நிறைவடைந்துள்ளது. இந்நிலையில் மூன்றாம்கட்டப் படப்பிடிப்பை அக்டோபர் 13 ஆம் தேதி லோகேஷ் கனகராஜ் தொடங்குவதாக தகவல் வெளியாகியுள்ளது. சென்னையில் நடக்கும் இந்த மூன்றாவது ஷெட்யூல்டில் கமல், பகத் பாசில், விஜய் சேதுபதி நடிக்கும் காட்சிகள் படமாக்கப்பட உள்ளன.

அதேபோல் ஹரியின் யானை படத்தின் இரண்டுகட்ட படப்பிடிப்புகள் நிறைவடைந்த நிலையில் இன்று மூன்றாம்கட்ட படப்பிடிப்பு தொடங்கியுள்ளது. அருண் குமார் நடிக்கும் இந்தப் படத்தின் பெரும்பாலான காட்சிகள் ராமேஸ்வரம், தூத்துக்குடி கடற்கரையோரம் மற்றும் அதையொட்டிய பகுதிகளில் நடந்தன. ப்ரியா பவானி சங்கர் இதில் நாயகியாக நடிக்கிறார். ராதிகா, யோகி பாபு, சினேகன், சமுத்திரக்கனி உள்ளிட்டோர் நடித்து வருகின்றனர். ட்ரம்ஸ்டிக் நிறுவனம் படத்தை தயாரிக்கிறது.

விக்ரம் படத்தை கமலின் ராஜ்கமல் ஃபிலிம் இன்டர்நேஷனல் தயாரிக்கிறது. அனிருத் இசையமைக்க, க்ரிஷ் கங்காதரன் ஒளிப்பதிவு செய்கிறார். அன்பறிவு சண்டைப் பயிற்சி. இரண்டாம்கட்ட படப்பிடிப்பு முடிந்ததை சென்ற வாரம் அறிவித்த லோகேஷ் கனகராஜ் படத்தின் 25 சதவீத படப்பிடிப்பு நிறைவடைந்ததாக கூறியிருந்தது குறிப்பிடத்தக்கது.

Also read... பிரபுதேவா, ஜீ.வி.பிரகாஷ், கலந்து கொண்ட பகீரா ட்ரெய்லர் வெளியீட்டு விழா - புகைப்படங்கள்!

விக்ரம் போலன்றி யானை படத்தின் முதலிரு ஷெட்யூல்ட்களும் நீண்ட நாள்கள் நடத்தப்பட்டன. இதனால், யானை படத்தின் அறுபது சதவீதத்துக்கும் மேல் படமாக்கப்பட்டு உள்ளது. மூன்றாவதுகட்டப் படப்பிடிப்பு நிறைவுறும்போது படம் அனேகமாக முடிவுக்கு வந்துவிடும்

அருண் விஜய் நடிப்பில் ஏற்கனவே தயாராக இருக்கும் வா ,டீல் படம் தீபாவளிக்கும், பார்டர் நவம்பர் மத்தியிலும் திரைக்கு வருகின்றன. அதையடுத்து சினம் படத்தை திரைக்குக் கொண்டு வரும் முயற்சிகள் நடக்கின்றன. இதனால், யானை விரைவில் முடிந்தாலும் அடுத்த வருடமே திரைக்கு வரும் என எதிர்பார்க்கப்படுகிறது. விக்ரம் படமும் அடுத்த வருடமே திரைக்கு வருகிறது

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Vinothini Aandisamy
First published: