பரபரப்பைக் கிளப்பிய 'பாதாள் லோக்’ வெப் சீரிஸ்க்கு எதிராக பாஜக எம்.எல்.ஏ புகார்

உண்மையான புகைப்படமும், சீரியலில் இடம்பெற்ற புகைப்படமும்

காட்சிகள் அனைத்தும் தற்போதைய அரசியல் சூழலுக்கு பொருந்தியதால், 7 மணி நேரம் ஓடக்கூடிய மொத்த தொடரும் விறுவிறுப்பாக அமைந்தது

  • News18
  • Last Updated :
  • Share this:
    விராட் கோலி மனைவி அனுஷ்கா சர்மா தயாரிப்பில் வெளியாகி, அதிர்வலைகளை ஏற்படுத்தியுள்ள பாதாள் லோக் வெப் சீரிஸ்க்கு எதிராக பாஜக எம்.எல்.ஏ புகார் அளித்துள்ளார்.

    அமேசான் பிரைம் தளத்தில் வெளியாகி கவனிக்கத்தக்க வகையில் ஈர்த்த 'பாதாள் லோக்’ வெப் சீரிஸை அனுஷ்கா சர்மா தயாரித்திருந்தார். இந்துத்துவ அரசியல், சாதிய ஏற்றத்தாழ்வு, காவல்துறை சிஸ்டம், ஊடக அரசியல் என்று பல விஷயங்களை இந்த தொடர் உடைத்துப் பேசியது.

    காட்சிகள் அனைத்தும் தற்போதைய அரசியல் சூழலுக்கு பொருந்தியதால், 7 மணி நேரம் ஓடக்கூடிய மொத்த தொடரும் விறுவிறுப்பாக அமைந்தது. எனினும், வலதுசாரி ஆதரவாளர்கள் சீரிஸ்க்கு எதிராக ஏற்கனவே கருத்துக்களை தெரிவித்துள்ளனர். கூர்க்கா இன மக்களை இந்த தொடரில் இழிவு படுத்தியதாக டார்ஜிலிங் பாஜக எம்.பி புகார் அளித்துள்ளார்.

    இந்த நிலையில், தொடருக்கு எதிராக மேலும் ஒரு புகார் எழுந்துள்ளது. கதைப்படி, உத்தரப்பிரதேசத்தில் அமைச்சராக உள்ள ஒருவர் சாலைகளை திறந்து வைக்கும் புகைப்படம் நாளிதழில் வெளியாகியிருக்கும். அந்த புகைப்படத்தில் இருக்கும் ஒருவர் தற்போது பாஜக எம்.எல்.ஏ.வாக இருக்கிறார்.

    நிஜத்திலும் அதேபோன்று உ.பி முதல்வர் யோகி ஆதித்யநாத், சாலைகளை திறந்து வைக்க எம்.எல்.ஏ நந்கிஷோர் குர்ஜார், அவரின் பின்னால் நிற்பார். 'பாதாள் லோக்’ சீரிஸிலும் நந்கிஷோரின் புகைப்படம் இடம்பெற்றிருக்கும்.

    இதனால், தன் அனுமதி இல்லாமல் புகைப்படத்தை பயன்படுத்தியதாக அனுஷ்கா சர்மா மீது போலீசில் புகார் அளித்துள்ளார். மேலும், குர்ஜார் சமூக மக்களை தொடரில் தவறாக சித்தரித்துள்ளதாகவும் அவர் கூறியுள்ளார்.








    சீனாவில் தொடங்கி தற்போது உலகிற்கே அச்சுறுத்தலாக இருக்கும் கொரோனா வைரஸ் பாதிப்பு பற்றிய தகவல்கள், அரசின் அறிவிப்புகள் ஆகியவற்றை நேரலையாக உடனுக்குடன் இங்கே தெரிந்து கொள்ளலாம்.




    Follow News18Tamil.com @ Facebook, Twitter, Instagram, Sharechat, Helo, WhatsApp, Telegram, TikTok, YouTube


    Published by:Sankar
    First published: