Home /News /employment /

டி.என்.பி.எஸ்.சி குரூப்-4 தேர்வு- அடிப்படைத் தகுதி மற்றும் வயது வரம்பு என்ன?

டி.என்.பி.எஸ்.சி குரூப்-4 தேர்வு- அடிப்படைத் தகுதி மற்றும் வயது வரம்பு என்ன?

டி.என்.பி.எஸ்.சி அலுவலகம்

டி.என்.பி.எஸ்.சி அலுவலகம்

டி.என்.பி.எஸ்.சி குரூப் 4 தேர்வுக்கான அடிப்படைத் தகுதி மற்றும் வயது வரம்புகளைத் தெரிந்துகொள்வோம்.

    தமிழ்நாடு அரசுப் பணியாளர்கள் தேர்வாணையத்தின் கீழ் தமிழ்நாடு அரசுப் பணிகள் பெரும்பாலானவற்றுக்கு தேர்வுகள் நடத்தப்படுகின்றன. குரூப் -1, குரூப் -2, குரூப் -4 என்ற பிரிவின் கீழ் நடத்தப்படும் தேர்வுகளில் வெற்றி பெறவேண்டும் என்பது இளைஞர்களின் பெரும் கனவாக இருந்துவருகிறது. குரூப் -1 பிரிவில் தமிழக அரசின் உச்ச அதிகாரப் பணிகளான துணை ஆட்சியர், துணைக் காவல் கண்காணிப்பாளர் உள்ளிட்ட பணியிடங்கள் நிரப்பப்படும்.

    குரூப் -2 பிரிவில் சிறைத்துறை நன்னடத்தை அலுவலர், உதவி தொழிலாளர் அலுவலர், சார் பதிவாளர், லஞ்ச ஒழிப்புத்துறை சிறப்பு உதவியாளர், புலனாய்வு பிரிவு சிறப்பு உதவியாளர், குற்றப்பிரிவு சிறப்பு உதவியாளர் ஆகிய பணிகள் இடம்பெறுகின்றன.

    குரூப்-4 பிரிவு தேர்வு பலரும் எதிர்பார்க்கும் ஒன்றாக இருந்துவருகிறது. இந்தநிலையில், குரூப் 4 தேர்வு தேதி நாளை அறிவிக்கப்படும் என்று டி.என்.பி.எஸ்.சி அறிவித்துள்ளது. எனவே, குரூப் -4 தேர்வுக்கான கல்வித் தகுதிகள், வயது வரம்பு குறித்து அறிந்துகொள்வது அவசியமாகிறது.

    குரூப் 4 பதவிகள்:

    இளநிலை உதவியாளர், தட்டச்சர், சுருக்கெழுத்து தட்டச்சர், கிராம நிர்வாக அலுவலர், வரித் தண்டலர், நில அளவர், வரைவாளர்,  உள்ளிட்ட பதவிகளுக்கு நடத்தப்படுகிறது.

    கல்வித்தகுதி:

    • இந்த தேர்வுக்கு 10ம் வகுப்பு தேர்ச்சி மட்டுமே கல்வித்தகுதியாக நிர்ணயிக்கப்பட்டுள்ளது.

    • தட்டச்சர் பதவிக்கு 10 வகுப்பு தேர்ச்சியுடன் அரசு தொழில்நுட்ப தட்டச்சு தேர்வில் தமிழ் மற்றும் ஆங்கிலத்தில் இளநிலை அல்லது முதுநிலை தேர்ச்சி பெற்றிருக்க வேண்டும்.

    • சுருக்கெழுத்து தட்டச்சர் பதவிக்கு 10 வகுப்பு தேர்ச்சியுடன் அரசு தொழில்நுட்ப தட்டச்சு மற்றும் சுருக்கெழுத்து இரண்டு தேர்விலும் தமிழ் மற்றும் ஆங்கிலத்தில் இளநிலை அல்லது முதுநிலை தேர்ச்சி பெற்றிருக்க வேண்டும்.

      குரூப்-4 தேர்வு தேதி - டி.என்.பி.எஸ்.சி முக்கிய அறிவிப்பு

      வயது வரம்பு:























      பிரிவு  வயது வரம்பு
      பொதுப் பிரிவினர்30
      இதர பிற்படுத்தப்பட்டோர் (BC/MBC/DNC)32
      ஆதி திராவிடர் (SC/ST)35
      ஆதரவற்ற விதவைகள்35


    Published by:Karthick S
    First published:

    Tags: Group 4, TNPSC

    அடுத்த செய்தி