Home /News /employment /

வேலை தேடும் இளைஞர்களுக்கு குட் நியூஸ் சொன்ன தமிழக அரசு!

வேலை தேடும் இளைஞர்களுக்கு குட் நியூஸ் சொன்ன தமிழக அரசு!

வேலைவாய்ப்பு முகாம்

வேலைவாய்ப்பு முகாம்

மாவட்ட வேலைவாய்ப்பு மற்றும் தொழில்நெறி வழிகாட்டும் மையங்களால் பெரிய அளவிலான தனியார் துறை வேலைவாய்ப்பு முகாம்கள் நடத்தப்படவுள்ளது. ஒவ்வொரு மாவட்டத்திலும் நடைபெறவுள்ள தனியார் துறை வேலைவாய்ப்பு முகாம்களில் பலதுறைகளைச் சார்ந்த வேலையளிக்கும் நிறுவனங்கள் பங்கேற்கவுள்ளனர். 

மேலும் படிக்கவும் ...
    தமிழகத்தில் இளைஞர்களுக்கு வேலைவாய்ப்பு வழங்கும் விதமாக அந்தந்த மாவட்டங்களில்  தொடர்ச்சியாக  வேலைவாய்ப்பு முகாம்கள் நடத்த தமிழக அரசு திட்டமிட்டுள்ளது.

    இது தொடர்பாக  செய்தி மக்கள் தொடர்புத்துறை வெளியிட்டுள்ள செய்திக் குறிப்பி,  மாண்புமிகு தமிழ்நாடு முதலமைச்சரின் ஆணைகளின் படி தமிழ்நாட்டிலுள்ள வேலைவாய்ப்பற்ற இளைஞர்களின் வாழ்வாதாரத்தினை மேம்படுத்த தமிழ்நாட்டின் அனைத்து மாவட்டங்களிலும் டிசம்பர் மாதம் முதல் தொடர்ச்சியாக மாவட்ட நிர்வாகத்துடன் இணைந்து மாவட்ட வேலைவாய்ப்பு மற்றும் தொழில்நெறி வழிகாட்டும் மையங்களால் பெரிய அளவிலான மாபெரும் தனியார் துறை வேலைவாய்ப்பு முகாம்கள் நடத்தப்படவுள்ளது.

    ஒவ்வொரு மாவட்டத்திலும் நடைபெறவுள்ள  மாபெரும் தனியார் துறை வேலைவாய்ப்பு முகாம்களில் பலதுறைகளைச் சார்ந்த வேலையளிக்கும் நிறுவனங்கள் பங்கேற்கவுள்ளனர்.  மேலும், இம்முகாம்களில் தமிழ்நாடு திறன் மேம்பாட்டுக் கழகத்தினால் தேர்ந்தெடுக்கப்பட்ட பல்வேறு திறன் பயிற்சி வழங்கும் நிறுவனங்களும் பங்குபெற உள்ளனர்.

    இவ்வேலைவாய்ப்பு முகாம்களில் அயல்நாட்டு வேலைக்கு விண்ணப்பிக்கவும், திறன் பயிற்சிக்கு பதிவு செய்து கொள்ளவும் வழிவகை செய்யப்படும். எனவே, இவ்வேலைவாய்ப்பு முகாம்களில் பங்கேற்க அனைத்து வேலையளிப்போர் மற்றும் வேலைநாடுநர்கள் முன்கூட்டியே தொடர்புடைய மாவட்ட வேலைவாய்ப்பு மற்றும் தொழில்நெறி வழிகாட்டும் மையங்களில் முன்பதிவு செய்துகொள்ளலாம்.

    இதையும் படிங்க: அரசு குழந்தைகள் பாதுகாப்பு அலுவலகத்தில் வேலை - டிகிரி படித்தவர்கள் விண்ணப்பிக்கலாம்


    தமிழ்நாட்டைச் சார்ந்த வேலைதேடும் இளைஞர்கள் பெருவாரியாக இம்முகாம்களில் பங்கேற்று பயன்பெறுமாறு  தமிழக அரசு தெரிவித்துள்ளது.
    Published by:Murugesh M
    First published:

    Tags: Employment news, Job Fair

    அடுத்த செய்தி