Home /News /employment /

பரம்பரை மருத்துவர்களுக்கு ஓய்வூதியம் ரூ.3000/-ஆக அதிகரித்து ஆணை வெளியிடப்பட்டது

பரம்பரை மருத்துவர்களுக்கு ஓய்வூதியம் ரூ.3000/-ஆக அதிகரித்து ஆணை வெளியிடப்பட்டது

முதல்வர் ஸ்டாலின்

முதல்வர் ஸ்டாலின்

தமிழ்நாடு இந்திய மருந்துவக் கழகத்தில் பதிவு செய்துள்ள பரம்பரை சித்தா, ஆயுர்வேதா, யுனானி மற்றும் ஓமியோபதி மருத்துவர்களின் ஓய்வூதியம் உயர்த்தப்பட்டுள்ளது

  • News18 Tamil
  • 1 minute read
  • Last Updated :
  • Tamil Nadu |
    தமிழ்நாடு இந்திய மருத்துவக் கழகத்தில் பதிவு செய்துள்ள பரம்பரை மருத்துவர்களுக்கு வழங்கப்பட்டு வந்த ரூ.1000/- மாதாந்திர ஓய்வூதியத்தை ரூ.3000/- ஆக உயர்த்தி வழங்குவதற்கான ஆணையினை தமிழ்நாடு அரசு வெளியிட்டுள்ளது.

    இதுகுறித்து வெளியிடப்பட்ட செய்திக் குறிப்பில்  கூறியிருப்பதாவது, தமிழ்நாடு இந்திய மருத்துவக் கழகத்தில் பதிவு செய்து கொண்ட பரம்பரை சித்த மருத்துவர்களில் 60 வயதிற்கு மேற்பட்ட மருத்துவர்களின் வறுமை நிலையினை களைய உதவும் வகையில் மாதம் ரூ.500 ஓய்வூதியமாக வழங்கப்பட்டு வந்தது. இது பின்னர் 60 வயதிற்கு மேற்பட்ட பதிவுபெற்றுள்ள பரம்பரை ஆயுர்வேதா, யுனானி மற்றும் ஓமியோபதி மருத்துவர்களுக்கும் விரிவாக்கம் செய்யப்பட்டது. மேலும், இந்த ஓய்வூதியமானது டிசம்பர் 2011ம் ஆண்டு ரூ. 1000/- ஆக  இந்த உயர்த்தப்பட்டது.

    தற்போது நிலவிவரும் பொருளாதார சூழ்நிலையின் அடிப்படையில், தங்களுக்கு வழங்கப்பட்டுவரும் மாதாந்திர ஓய்வூதியமான ரூ.1,000/ தங்களின் குறைந்தபட்ச வாழ்வாதார தேவைகளுக்கு போதுமானதாக இல்லை எனவே தங்களுக்கு வழங்கப்படும் மாதாந்திர ஓய்வூதியத்தினை ரூ.1,000/-லிருந்து ரூ.3,000/- ஆக உயர்த்தி வழங்கிட பதிவுபெற்றுள்ள பரம்பரை ஆயுர்வேதா, யுனானி. மற்றும் ஓமியோபதி மருத்துவர்கள் தொடர்ந்து கோரிக்கை வைத்து வந்தனர்.

    இதையும் வாசிக்க182 தற்காலிக மாற்று ஆசிரியர்களை உடனடியாக பணியமர்த்த முடிவு

    அதன் அடிப்படையில், 2022-23ஆம் ஆண்டு மருத்துவம் மற்றும் மக்கள் நல்வாழ்வுத் துறை மானியக் கோரிக்கையில், சித்தா, ஆயுர்வேதா, யுனானி மற்றும் ஓமியோபதி பரம்பரை மருத்துவர்களுக்கு மாதந்தோறும் வழக்கப்பட்டு வரும் ரூ.1000/- ஓய்வூதியம். நடப்பு ஆண்டு முதல் ரூ.3000/ ஆஉயர்த்தி வழங்கப்படும் என்று அறிவிக்கப்பட்டது.

    அதன்படி, தமிழ்நாடு இந்திய மருந்துவக் கழகத்தில் பதிவு செய்துள்ள 61 பரம்பரை சித்தா, ஆயுர்வேதா, யுனானி மற்றும் ஓமியோபதி மருத்துவர்கள் பயன்பெறும் வகையில் உயர்த்தப்பட்ட ஓய்வூதியத் தொகையான ரூ.3000/-க்கான ஆணைகளை பரம்பர மருத்துவர்களுக்கு முதலமைச்சர்  வழங்கினார்.

    இவ்வாறு, அந்த செய்திக் குறிப்பில் தெரிவிக்கப்பட்டது.
    Published by:Salanraj R
    First published:

    Tags: Ayurvedic doctors, Doctors

    அடுத்த செய்தி