மத்திய அரசுத் துறைகளில் 4,500 காலியிடங்கள் : விண்ணப்பிக்க நாளையே கடைசி நாள்!

மத்திய அரசின் பல்வேறு அமைச்சகங்கள் / துறைகள் / அலுவலகங்களில் காலியாக உள்ள போட்டித்தேர்விற்கான (Combined Higher Secondary (10+2) Level Examination) நாளையுடன் (04-01-2023) முடியவடிகிறது. விருப்பமுள்ள  தேர்வர்கள், கடைசி நேரம் வரை காலம் தாழ்த்தாமல்  போதிய கால அவகாசம் இருக்கும்போதே விண்ணப்பிக்குமாறு கேட்டுக் கொள்ளப்படுகின்றனர்.

காலியிடங்கள் விவரம்: தோராய எண்ணிக்கை 4,500

பதவி: இந்த ஆட்சேர்க்கையின் மூலம் இளநிலை எழுத்தர் (Lower Divisional Clerk) / இளநிலை செயலக உதவியாளர் (Junior Secretariat Assistant), தரவு உள்ளிடும் பணியாளர் (Data Entry Operators), தரவு உள்ளிடும் பணியாளர் குரூப் ஏ நிலை (Data Entry Operator, Grade ‘A’) பதவிகள் நியமனம் செய்யப்பட உள்ளன.

விண்ணப்பக் கட்டணம்: ரூ.100/-

பட்டியல் இனத்தவர்/ பட்டியல் பழங்குடியினர்/ அனைத்து பிரிவுகளைச் சேர்ந்த பெண்கள், மாற்றுத் திறனாளிகள்  விண்ணப்பக் கட்டணம் செலுத்த தேவையில்லை.

SSC CHSL 2022 கல்வித் தகுதி: மேற்கண்ட பதவிகளுக்கு விண்ணப்பிக்க விரும்பும் விண்ணப்பதாரர்கள் 12 ஆம் வகுப்பு தேர்ச்சி பெற்றிருக்க வேண்டும் அல்லது அங்கீகரிக்கப்பட்ட வாரியம் அல்லது பல்கலைக்கழகத்திலிருந்து இணையான தேர்வில் தேர்ச்சி பெற்றிருக்க வேண்டும்.

SSC CHSL 2022 வயதுக்கான தகுதி: 01-01-2022 அன்று விண்ணப்பதாரரின் வயது 18க்கு மேலும், 27க்கு கீழும் இருக்க வேண்டும்.

இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும். எனவே, நிர்ணயிக்கப்பட்ட வயது வரம்பிற்கு மேல் பட்டியல் கண்ட சாதிகள்/ பட்டியல் கண்ட பழங்குடி வகுப்பினர் 5 ஆண்டு வரை வயது வரம்பு சலுகை பெற தகுதியுடைவர்கள். இதற்பிறப்படுத்தப்பட்ட வகுப்பினர் மூன்றாண்டு வரை வயது வரம்பு சலுகை பெற தகுதியுடைவர்கள். நிர்ணயிக்கப்பட்ட மாற்றுத் திறனாளிகள் 10 ஆண்டு வரை சலுகை பெற தகுதியுடைவராவர்.

இதையும் வாசிக்க: மத்திய அரசு பணிகளில் தமிழர்களுக்கு முன்னுரிமை வழங்குக: பிரதமர் மோடிக்கு முதல்வர் ஸ்டாலின் கடிதம்

விண்ணப்பம் செய்வது எப்படி? ssc.nic.in என்ற இணையதளம் மூலம் விண்ணப்பங்கள் சமர்ப்பிக்க வேண்டும். Combined Higher Secondary (10+2) Level Examination, 2022 அறிவிக்கையை இந்த இணைப்பின் மூலம் பதிவிறக்கம் செய்து கொள்ளலாம்.