இந்தியன் ரயில்வேயில் புதிய வேலைவாய்ப்பு; 12 ஆம் வகுப்பு தேர்ச்சி போதும்

இந்தியன் ரயில்வேயில் உள்ள பணியிடங்களை நிரப்பும் ரயில்வே ஆட்சேர்ப்பு வெளியிட்டுள்ள அறிவிப்பில் வடகிழக்கு ரயில்வேயில் உள்ள காலிப்பணியிடங்களை விளையாட்டு கோட்டாவில் நிரப்புவதற்கான அறிவிப்பு வெளியாகியுள்ளது. இப்பணிகளுக்கு விண்ணப்பங்கள் இந்த மாதம் இறுதி வரை வரவேற்கப்படும்.

பணியின் விவரங்கள் :

விளையாட்டு கோட்டா :

விளையாட்டு கோட்டாவில் நிலை 5,4,3 மற்றும் 2 பணியிடங்களுக்கு ரூ. 5,200-20,200 சம்பள விகிதத்தில் நிரப்பப்படவுள்ளது. கடந்த இரண்டு வருடங்கள் விளையாட்டுத் துறையில் படைத்த சாதனைகள் கணக்கில் எடுத்துக்கொள்ளப்படும்.

வயது வரம்பு:

இப்பணிகளுக்கு விண்ணப்பிக்க 18 வயதில் இருந்து 25 வயது வரை இருக்க வேண்டும் என்று தெரிவிக்கப்பட்டுள்ளது.

கல்வித்தகுதி:

விண்ணப்பிக்கும் விளையாட்டு வீரர்கள் 12 ஆம் வகுப்பு தேர்ச்சி பெற்றிருக்க வேண்டும். தொழில்நுட்ப பிரிவுக்கு 12 ஆம் வகுப்பில் அறிவியல் பிரிவு படித்திருக்க வேண்டும். கிராண்ட் பே ரூ.2,800 பிரிவு பணிகளுக்குப் பட்டப்படிப்பு தேர்ச்சி பெற்றிருக்க வேண்டும்.

தேர்வு செய்யப்படும் முறை:

விளையாட்டுத் துறை கோட்டாவில் விண்ணப்பதார்களுக்குத் திறன் தேர்வு மற்றும் விளையாட்டுத் துறையில் படைத்த சாதனை அடிப்படையில் வேலைக்கான தேர்வு நடத்தப்படும். இதன் அடிப்படையில் தகுதியானவர்கள் தேர்வு செய்யப்படுவர்.

Also Read : இந்திய ராணுவத்தில் இன்ஜீனியரிங் பட்டதாரிகளுக்கு நிரந்த வேலைக்கு வாய்ப்பு... உடனே விண்ணப்பிக்க

விண்ணப்பிக்கும் முறை:

இப்பணிகளுக்கு விண்ணப்பிக்க ஆர்வமுள்ளவர் https://ner.indianrailways.gov.in/ என்ற இணையத்தளத்தில் விண்ணப்பிக்கலாம் என்று தெரிவிக்கப்பட்டுள்ளது. மேலும் விண்ணப்பக்கட்டணமாக ரூ. 500/- செலுத்த வேண்டும். SC/ST/Ex-serviceman/PwBDs பிரிவினர் ரூ.250/- தேர்வு கட்டணமாகச் செலுத்த வேண்டும்.

ஆன்லைனில் விண்ணப்பிக்க : https://ner.indianrailways.gov.in/

விண்ணப்பிக்கக் கடைசி நாள் : 25.12.2022 மாலை 5 மணி வரை.

மேலும் விவரங்களுக்கு இங்கே கிளிக் செய்யவும்.