ஓஎன்ஜிசி 922 காலியிடங்கள்: விண்ணப்பிக்க இன்றே கடைசி நாள்

மத்திய பெட்ரோலிய அமைச்சகத்தின் கீழ் செயல்படும் இந்திய எண்ணெய் கழகத்தில் (ONGC) அதிகாரம் சாரா (Non-Executive Officer) பதவிக்கான விண்ணப்ப செயல்முறை இன்றுடன் முடிவடைகிறது. ஆர்வமுள்ளவர்கள் இன்றிரவு 11.59 மணிக்குள் விண்ணப்பிக்குமாறு கேட்டுக் கொள்ளப்படுகின்றனர்.

மொத்த காலிப்பணியிடங்கள்: 992; சென்னை மற்றும் புதுச்சேரியில் 38 பணியிடங்கள் நிரப்பப்பட உள்ளன.

விண்ணப்பங்கள் மற்றும் இதர விவரங்களை அறிவதற்கான இணையதளம் https://cdn.digialm.com/EForms/configuredHtml/1258/76282/Instruction.html

வயது வரம்பு: Drilling/Cementing/Production - Drilling தவிர இதர F1 மற்றும் A1 பதவிக்கு விண்ணப்பிக்க விரும்புவோர் வயது 28.05.2022 அன்று 30-க்கு கீழ் இருக்க வேண்டும். குறைந்தபட்ச வயது 18-க்கு மேல் இருக்க வேண்டும். W1 நிலை பதவிகளுக்கு வயது வரம்பு 18-27 ஆகா இருக்க வேண்டும். இளநிலை கனரக வாகன இயந்திர செய்குநர் பதவிக்கு வயது வரம்பு 18-35 ஆக இருக்க வேண்டும்.

இடஒதுக்கீட்டு பிரிவினருக்கு அரசு விதிகளின்படி வழக்கமான தளர்வு அளிக்கப்படும். நிர்ணயிக்கப்பட்ட வயது வரம்பிற்கு மேல் பட்டியல் கண்ட சாதிகள்/ பட்டியல் கண்ட பழங்குடி வகுப்பினர் 5 ஆண்டு வரை வயது வரம்பு சலுகை பெற தகுதியுடைவர்கள். இதர பிறப்படுத்தப்பட்ட வகுப்பினர் மூன்றாண்டு வரை வயது வரம்பு சலுகை பெற தகுதியுடைவர்கள்.

விண்ணப்பக் கட்டணம்: இதற்கான, விண்ணப்பக் கட்டணம் ரூ.300ஆகும். பட்டியல் சாதிகள், பழங்குடியினர், முன்னாள் ராணுவத்தினர், நிர்ணயிக்கப்பட்ட மாற்றுத் திறனாளிகள் விண்ணப்பிக்க கட்டணம் செலுத்த தேவையில்லை.

கணினி சார்ந்த பொது அறிவித் தேர்வு மற்றும் இன்னும் பிற நிபந்தனைகள் அடிப்படையில் இறுதி பட்டியல் தயார்செய்யப்படும்.