Home /News /employment /

ரயில்வே பணியாளர் தேர்வுக்கு விண்ணப்பிக்க மீண்டும் ஒரு வாய்ப்பு..!

ரயில்வே பணியாளர் தேர்வுக்கு விண்ணப்பிக்க மீண்டும் ஒரு வாய்ப்பு..!

ரயில்வே வேலைவாய்ப்பு

ரயில்வே வேலைவாய்ப்பு

ரயில்வே துறையில் வேலைவாய்ப்பு அறிவிப்பு எண்:  RRC-01/2019-க்கு அனுப்பப்பட்டு நிராகரிக்கப்பட்ட விண்ணப்பங்கள் அனுப்பிய விண்ணப்பதாரர்களுக்கு புதுப்பிக்க மேலும் ஒரு வாய்ப்பு வழங்கப்படுகிறது.

    ரயில்வே பணியாளர் தேர்வுக்காக நிராகரிக்கப்பட்ட விண்ணப்பங்களை புதுப்பிக்க மீண்டும் ஒரு வாய்ப்பு வழங்கப்பட்டுள்ளது. 

    ரயில்வே துறையில் பொறியியல், இயந்திரவியல், மின்சார பணிகள், தொலை தொடர்பு, மருத்துவமனை, பணிமனை ஆகிய பிரிவுகளில் உதவியாளர், ரயில் பாதை பராமரிப்பு பணியாளர் போன்ற பதவிகளுக்கு  2019-ஆம் ஆண்டு வேலைவாய்ப்பு அறிவிப்பு வெளியானது.

    வேலைவாய்ப்பு அறிவிப்பு எண்:  RRC-01/2019

    அறிவிப்பு வெளியான நாள் : 23-02-2019

    இதில் தேர்வுக்கு வந்திருந்த விண்ணப்பங்களில் சிலவற்றில் தவறுதலான புகைப்படம் மற்றும் கையெழுத்து ஆகியவற்றிற்காக விண்ணப்பங்கள் நிராகரிக்கப்பட்டிருந்தது. நிராகரிக்கப்பட்ட விண்ணப்பங்கள் அனுப்பிய விண்ணப்பதாரர்களுக்கு தற்போது மேலும் ஒரு வாய்ப்பு வழங்கப்படுகிறது.

    அதன்படி அதிகாரப்பூர்வ ரயில்வே தேர்வாணைய இணையதளங்களில் வருகிற டிசம்பர் 15 ஆம் தேதி முதல் மாறுதலுக்கான ஒரு இணையதள இணைப்பு கொடுக்கப்பட இருக்கிறது.

    Also Read:  ரயில்வேயில் கிளார்க் வேலை - யாரெல்லாம் விண்ணப்பிக்கலாம்?

    அந்த இணையதள இணைப்பை பயன்படுத்தி தங்களது சரியான புகைப்படம் மற்றும் கையெழுத்தை பதிவு செய்து கொள்ளலாம். தங்களது விண்ணப்பம் ஏற்றுக்கொள்ளப்பட்டிருக்கிறதா அல்லது நிராகரிக்கப்பட்டு இருக்கிறதா என்பதை அறிய ரயில்வே தேர்வு ஆணைய இணையதளங்களில் பதிவு எண் மற்றும் பிறந்த தேதியை குறிப்பிட்டு அறிந்து கொள்ளலாம்.

    ஏற்றுக்கொள்ளப்பட்ட விண்ணப்பங்களை சமர்ப்பித்த விண்ணப்பதாரர்கள் மீண்டும் விண்ணப்பிக்க வேண்டியது இல்லை. ரயில்வே தேர்வாணைய தேர்வுகள் முழுவதும் கணிப்பொறி மயமாக்கப்பட்டுள்ளது.

    மேலும் தகுதியின் அடிப்படையிலேயே விண்ணப்பதாரர்கள் தேர்வு செய்யப்படுகிறார்கள். எனவே அதிகாரப்பூர்வமற்ற இடைத்தரகர்களை அணுகி ஏமாற வேண்டாம். ரயில்வே தேர்வு குறித்து சமூக வலைதளங்களில் வரும் அதிகாரப்பூர்வமற்ற செய்திகளை நம்ப வேண்டாம் எனவும் அறிவுறுத்தப்படுகிறது.
    Published by:Ramprasath H
    First published:

    Tags: Employment news, Govt Jobs, Indian Railways, Railway

    அடுத்த செய்தி