குட்நியூஸ்! மத்திய அரசு துறைகளில் காலியாக உள்ள 10 லட்சம் பணியிடங்களை நிரப்ப பிரதமர் மோடி உத்தரவு

அடுத்த ஒன்றரை ஆண்டுக்குள் சிறப்பு பணி நியமனங்கள் (Mission Mode Recruitment) மூலம் மத்திய அரசு துறைகளில் காலியாக உள்ள 10 லட்சம் இடங்களை நிரப்பிட பிரதமர் மோடி அறிவுறுத்தியுள்ளார்.

மத்திய அரசின் அமைச்சகங்கள், துறைகளில்  அனுமதிக்கப்பட்ட பணியிடங்கள்,  பணியிலிருக்கும் ஊழியர்களின் எண்ணிக்கை தொடர்பாக பிரதமர் மோடி ஆய்வு மேற்கொண்டார். இந்த ஆய்வின் போது, மத்திய அரசுத் துறைகளின் மனித வளங்கள் குறித்து பிரதமருக்கு எடுத்துரைக்கப்பட்டது.

2023 டிசம்பர் மாதத்துக்குள் 10 லட்சம் என்ற இலக்கை அடைய, இன்றிலிருந்து நாள்தோறும் 2560 பணியிடங்கள் நிரப்பப்பட வேண்டும்.

PM @narendramodi reviewed the status of Human Resources in all departments and ministries and instructed that recruitment of 10 lakh people be done by the Government in mission mode in next 1.5 years.

— PMO India (@PMOIndia) June 14, 2022

முன்னதாக, 01.03.2020 நிலவரப்படி தற்போது மத்திய அரசுத் துறைகளில் பணியிலிருக்கும் ஊழியர்களின் எண்ணிக்கை குறித்த புள்ளிவிபரங்களை பணியாளர் பொதுமக்கள் குறை தீர்வு, ஓய்வூதியம் அறிவித்தது. அதில், உள்துறை அமைச்சகம், ரயில்வே துறை,  அஞ்சல் துறை, பாதுகாப்புத் துறை ஆகிய துறைகளில் அனுமதிக்கப்பட்ட  பணியிடங்களில் பல லட்சம் பணியிடங்கள் காலியாக உள்ளன.

இதையும் வாசிக்க:  8,106 பணி இடங்கள்: IBPS RRB அலுவலக வேலைக்கான வேலைவாய்ப்பு அறிவிப்பு வெளியிடப்பட்டுள்ளது! எப்படி விண்ணப்பிப்பது?

மத்திய அரசின் ஊழியர்களின் மொத்த எண்ணிக்கையில் 90 சதவீதத்திற்கு மேல் அளிக்கும் பத்து அமைச்சகங்கள் மற்றும் துறைகளில் எஸ்சி, எஸ்டி, ஓபிசி பிரிவுக்கான ஒதுக்கீட்டு காலிப்பணியிடங்களை நிரப்புவதை அரசு உன்னிப்பாக கவனித்து வருவதாகவும் அமைச்சகம் தெரிவித்திருந்ததது.