அக்னிபத் திட்டம் : கடற்படையில் சேர இதுவரை 82,000 பெண்கள் விண்ணப்பம் - இந்திய கடற்படை தகவல்

இந்திய கடற்படை அக்னிபத் ஆட்சேர்ப்புத் திட்டத்திற்கான SSR & MR பதவிகளுக்கான பதிவு செயல்முறை நிறைவடைந்தது. அக்னிவீர் பதவிகளுக்கு இதுவரை 82,000 பெண்களும் , 9.55 லட்சம் ஆண்களும் விண்ணப்பித்து உள்ளனர் என இந்திய கடற்படை அறிவித்துள்ளது.

இளம் வயதில் நாட்டிற்கு சேவையாற்றும் வாய்ப்பினை பெரும் விதமாக இந்திய அரசு அக்னிபாத் எனும் திட்டத்தை அறிமுகப்படுத்தி உள்ளது. இதில் இந்திய விமான படை , கப்பற்படை , ராணுவம் என முப்படைகளிலும் ஆட்கள் சேர்க்கப்பட உள்ளனர். பணியில் சேர விரும்பும் இளைஞர்களுக்கு 6 மாத காலம் பயிற்சி வழங்கப்பட்டு பின்னர் நாட்டிற்கு சேவையாற்ற பணியில் அமர்த்தப்படுவர். இந்த திட்டத்தில் 17 வயது முதல் 21 வயது வரையிலான ஆண்கள் பெண்கள் என இரு பாலரும் விண்ணப்பித்து பயன்பெறலாம் என மத்திய அரசு அறிவித்தது.

#IndianNavy
SSR & MR registration process towards #AgnipathRecruitmentScheme has been completed.

9.55 lakh #Agniveer applicants including 82K #women aspirants have registered.@indiannavy #bharatkeagniveer pic.twitter.com/PLTmYMGSOb

— IN (@IndiannavyMedia) August 3, 2022

இந்நிலையில் தற்போது இந்த பணிகளில் கடற்படை பணிக்கு விண்ணப்பிக்க பதிவு காலம் நிறைவடைந்தது. இதில் இதுவரை எத்தனை பேர் பதிவு செய்துள்ளனர் எனும் தகவலை இந்திய கடற்படை வெளியிட்டுள்ளது.

ALSO READ | புதுச்சேரி ஜிப்மரில் சூப்பர் வேலை.. ரூ.60,000 சம்பளம் - ஆன்லைனில் விண்ணப்பிக்கலாம்

அதில் இதுவரை மொத்தம் கடற்படைக்கு மட்டும் விண்ணப்பித்தவர்களில் 82,000 பெண்கள் உட்பட 9.55 லட்சம் அக்னிவீர் விண்ணப்பதாரர்கள் பதிவு செய்துள்ளனர் என தெரிவித்துள்ளது.