மதுரை ஊராட்சி அலகில் வேலைவாய்ப்பு : பெண்களே இந்த வாய்ப்பை மிஸ் பண்ணிடாதீங்க!

மதுரை மாவட்ட ஊரக வளர்ச்சி மற்றும் ஊராட்சி அலகு கீழ் செயல்படும் மாவட்ட இயக்க மேலாண்மை அலகில் உள்ள காலிப்பணியிடங்களை தற்காலிகமாக ஒப்பந்த அடிப்படையில் நிரப்புவதற்கான அறிவிப்பு வெளியாகியுள்ளது.

இப்பணியிடங்களுக்குப் பெண்கள் மட்டும் விண்ணப்பிக்குமாறு கேட்டுக்கொள்ளப்பட்டுள்ளது. பட்டப்படிப்பு படித்தவர்கள் இப்பணியிடங்களுக்கு விண்ணப்பிக்கலாம். சுய உதவிக்குழு உறுப்பினருக்கு முன்னுரிமை வழங்கப்படும்.

பணியின் விவரங்கள்:

வயது வரம்பு:

வட்டார இயக்க மேலாளர்கள் பணிக்கு 35 அதிகபட்ச வயதாக நிர்ணயிக்கப்பட்டுள்ளது. வட்டார ஒருங்கிணைப்பாளர் பணிக்கு அதிகபட்ச வயது 35 ஆக நிரணயிக்கப்பட்டுள்ளது.

கல்வித்தகுதி:

வட்டார இயக்க மேலாளர் / வட்டார ஒருங்கிணைப்பாளர்கள் பணிக்கு ஏதேனும் ஒரு இளங்கலைப் பட்டம் பெற்றிருக்க வேண்டும் மற்றும் கணினி இயக்கத்தில் 6/3 மாத சான்றிதழ் பெற்றிருக்க வேண்டும் அல்லது கணினி அறிவியலில் பட்டம் பெற்றவராக இருக்க வேண்டும். மேலும் 3 இல் இருந்து 2 வருட அனுபவம் தேவை.

தேர்வு செய்யப்படும் முறை:

இப்பணியிடங்களுக்குத் தகுதியானவர்கள் எழுத்துத் தேர்வு மூலம் தேர்வு செய்யப்படுவர் என்று தெரிவிக்கப்பட்டுள்ளது.

விண்ணப்பிக்கும் முறை:

ஆர்வமுள்ள பெண்கள் https://madurai.nic.in/ என்ற இணையத்தளத்தில் உள்ள விண்ணப்பப்படிவத்தைப் பூர்த்தி செய்து தகுந்த சான்றிதழ்களுடன் இணைத்து தபால் மூலம் அலுவலகத்திற்கு அனுப்ப வேண்டும். விண்ணப்பங்களை அலுவலகத்திலும் பெற்றுக்கொள்ளலாம்.

Also Read : மாதம் ரூ.25,000 வரை சம்பளம்... 8 ஆம் வகுப்பு தேர்ச்சி போதும்.. மதுரை மாநகராட்சியில் பொதுச் சுகாதாரத்தில் பல்வேறு பிரிவில் வேலை

தபால் மூலம் அனுப்ப வேண்டிய முகவரி:

இணை இயக்குநர்/ திட்ட இயக்குநர்,

மாவட்ட இயக்க மேலாண்மை அலகு,

புதுநத்தம் ரோடு, ரிசர்வ் லைன் பஸ் ஸ்டாப் அருகில்,

மதுரை.

விண்ணப்பிக்கக் கடைசி நாள் : 10.02.2023 மாலை 5 மணி வரை.

மேலும் விவரங்களுக்கு இங்கே கிளிக் செய்யவும்.