MRB : ரூ.52,400 வரை சம்பளம்... மருத்துவ சார்நிலைப் பணிகளில் 335 காலிப்பணியிடங்கள்!

தமிழ்நாடு மருத்துவப் பணியாளர் தேர்வு வாரியம், தமிழ்நாடு மருத்துவ சார்நிலைப் பணிகளில் அடங்கிய அறுவை சிகிச்சை அறை உதவியாளர் பணிகளின் உள்ள 335 காலிப்பணியிடங்களை தற்காலிக அடிப்படையில் நிரப்புவதற்கான அறிவிப்பு வெளியிட்டுள்ளது.

இப்பணியிடங்களுக்கு ரூ.16,600 முதல் ரூ.52,400 வரை சம்பளம் வழங்கப்படும் என்று தெரிவிக்கப்பட்டுள்ளது. ஆர்வமுள்ளவர்கள் 23.02.2023 வரை ஆன்லைனில் விண்ணப்பிக்கலாம்.

பணியின் விவரங்கள்:

வயது வரம்பு:

அறுவை சிகிச்சை அறை உதவியாளர் பணிக்கு விண்ணப்பிக்க குறைந்தபட்சம் 18 வயதாகவும் அதிகபட்ச வயது 32 ஆகவும் நிர்ணயிக்கப்பட்டுள்ளது. மாற்றுதிறனாளிகளுக்கு 42 ஆகவும், முன்னாள் ராணுவ வீரர்களுக்கு 50 வயதாகவும், Destitute Widow பிரிவினருக்கு 59 வயதாகவும் நிர்ணயிக்கப்பட்டுள்ளது.

கல்வித்தகுதி:

இந்த பணிக்கு 12 ஆம் வகுப்பில் இயற்பியல், வேதியியல், தாவரவியல் மற்றும் விலகியல் / இயற்பியல், வேதியியல் மற்றும் உயிரியல் பாடங்களுடன் அடங்கிய அறிவியல் பிரிவில் தேர்ச்சி பெற்றிருக்க வேண்டும்.

மேலும் அறுவை சிகிச்சை அறை உதவியாளர் சான்றிதழ் பணியை ஒரு ஆண்டுகள் நிறைவு செய்து சான்றிதழ் பெற்றிருக்க வேண்டும்.

தேர்வு செய்யப்படும் முறை:

இந்த பணிக்கு முழுமையாகக் கல்வியில் எடுத்த மதிப்பெண்கள் அடிப்படையில் தேர்வு செய்யப்படுவர் என்று தெரிவிக்கப்பட்டுள்ளது. அறுவை சிகிச்சை அறை உதவியாளர் சான்றிதழ் படிப்பின் அடிப்படையில் 50% , 12 ஆம் வகுப்பு அடிப்படையில் 30% மற்றும் 10 ஆம் வகுப்பு மதிப்பெண்களில் 20 % என்ற அடிப்படையில் விண்ணப்பதார்களில் இருந்து தகுதியானவர்கள் தேர்வு செய்யப்படுவார்கள்.

Also Read : தேர்வு இல்லாத அஞ்சல் துறை வேலை : 10 ஆம் வகுப்பு தேர்ச்சி மட்டும் போதும்.. விண்ணப்பிக்கும் முறை இது தான்..!

விண்ணப்பிக்கும் முறை:

ஆர்வமும் தகுதியும் உடையவர்கள் https://www.mrb.tn.gov.in/ என்ற இணையத்தளத்தில் உள்ள Online Registration படிவத்தில் விண்ணப்பிக்க வேண்டும். விண்ணப்பக்கட்டணமாக SC / SCA / ST / DAP(PH) / DW பிரிவினருக்கு ரூ.300 மற்றும் இதர பிரிவினருக்கு ரூ.600 செலுத்த வேண்டும்.

ஆன்லைனில் விண்ணப்பிக்க : https://mrbonline.in/

விண்ணப்பிக்கக் கடைசி நாள் : 22.02.2023.

மேலும் விவரங்களுக்கு இங்கே கிளிக் செய்யவும்.