ஹோம் /நியூஸ் /வேலைவாய்ப்பு /

பொங்கல் திருநாளன்று எஸ்பிஐ போட்டித் தேர்வா? தேர்வர்கள் கோரிக்கை

பொங்கல் திருநாளன்று எஸ்பிஐ போட்டித் தேர்வா? தேர்வர்கள் கோரிக்கை

காட்சிப் படம்

காட்சிப் படம்

SBI JUNIOR ASSOCIATES Main Examination: பொங்கல் திருநாளை முன்னிட்டு 5008 JUNIOR ASSOCIATES காலியிடங்களுக்கான முதன்மைத் தேர்வு தேதியை வேறு தேதிக்கு மாற்ற தேர்வர்கள் கோரிக்கை வைத்து வருகின்றனர்.

  • News18 Tamil
  • 1 minute read
  • Last Updated :
  • Tamil Nadu |

பொங்கல் பண்டிகை அன்று நடைபெறவுள்ள பாரத ஸ்டேட் வங்கி கிளர்க் பணிக்கான தேர்வை, வேறு தேதிக்கு மாற்ற கோரிக்கை விடுக்கப்பட்டுள்ளது. முன்னதாக, எழுத்தர் பணிநிலையில் உள்ள இளநிலை அசோசியட் பதவிகளுக்கான ஆட்சேர்ப்பு அறிவிக்கையை பாரத் ஸ்டேட் வங்கி வெளியிட்டது. இந்த ஆட்சேர்ப்பு நடவடிக்கையின் மூலம் 5,008 காலியிடங்கள் நிரப்பப்பட உள்ளன.

இப்பதவிக்கான தேர்வு முறையானது, முதல் நிலைத்தேர்வு (Prelims), முதன்மைத் தேர்வு(Mains) என 2 முறைகளில் நடைபெற உள்ளது. முதல் நிலைத் தேர்வு நடத்தி முடிக்கப்பட்டு முடிவுகள் அறிவிக்கப்பட்ட நிலையில்,  முதன்மை தேர்வு வருகின்ற 15-ம் தேதி நடைபெறும் என அறிவிக்கப்பட்டுள்ளது.ஆனால், அன்றைய தினம் தமிழ்நாட்டில் பொங்கல் பண்டிகை கொண்டாடப்படுகிறது. எனவே, பாரத ஸ்டேட் வங்கியின் கிளார்க் பணிக்கான முதன்மைத் தேர்வை வேறு தேதிக்கு மாற்றி அமைக்க தேர்வர்கள் கோரியுள்ளனர்.

தமிழ்நாட்டில் உள்ள காலியிடங்களின் எண்ணிக்கை 355 ஆகும். இதில், 153 இடங்கள் பொதுப் பிரிவினருக்கும், 96 இடங்கள் ஓபிசி பிரிவினருக்கும், 35 இடங்கள் பொருளாதாரத்தில் பின்தங்கிய பிரிவைச் சேர்ந்தவருக்கும், 67 இடங்கள் பட்டியல் இனத்தைச் சேர்ந்தவருக்கும், 4 இடங்கள் பட்டியல் பழங்குடியியினருக்கும் ஒதுக்கப்பட்டுள்ளன என்பது குறிப்பிடத்தக்கது.

First published:

Tags: Central Government Jobs, SBI