ஹோம் /நியூஸ் /வேலைவாய்ப்பு /

சென்னை அஞ்சல் துறையில் நேரடி முகவர் பணி : நாளை மறுநாள் நேர்காணல் தேர்வு

சென்னை அஞ்சல் துறையில் நேரடி முகவர் பணி : நாளை மறுநாள் நேர்காணல் தேர்வு

காட்சிப் படம்

காட்சிப் படம்

இந்த நேரடி முகவர் பணிக்கு குறைந்தது 10ம் வகுப்பு தேர்ச்சி பெற்றிருக்க வேண்டும். நாளை மறுநாள் ( ஜனவரி 23ம் தேதி) காலை 10 மணிக்கு நடைபெறும் நேர்காணலில் கலந்து கொள்ள வேண்டும்.

  • News18 Tamil
  • 2 minute read
  • Last Updated :
  • Chennai [Madras] |

சென்னை தியாகராய நகரில் உள்ள மத்திய கோட்டம் அஞ்சல்  அலுவலகத்தில் நாளை மறுநாள் (ஜனவரி 23ம் தேதி) அஞ்சல் ஆயுள் காப்பீட்டு / கிராம அஞ்சல் ஆயுள் காப்பீட்டு விற்பனை செய்யும்  நேரடி முகவர்களுக்கான ( Direct Agents for sale of Postal Life Insurance / Rural Postal Life Insurance products) நேர்காணல் நடை பெற இருக்கிறது.  விருப்பமுள்ளவர்கள்  இந்த நேர்காணலில் கலந்து கொள்ளலாம்.

யார்  கலந்து கொள்ளலாம்: சுய தொழில் செய்யும் / வேலையில்லா இளைஞர்கள், ஏதேனும் காப்பீட்டு நிறுவனத்தில் பணி புரிந்த முன்னாள் காப்பீட்டு ஆலோசகர்கள்/ முகவர்கள், அங்கன்வாடி மற்றும் மஹிளா மண்டல் பணியாளர்கள், சுய உதவிக்குழு உறுப்பினர்கள், முன்னாள் ராணுவத்தினர், ஓய்வு பெற்ற ஆசிரியர்கள் இந்த நேர்காணலில் கலந்து கொள்ளலாம்.

முகவர்களாக தேர்ந்தெடுக்கப்படுபவர்கள் பிடிக்கும் பாலிசியின் பிரீமியம் அடிப்படையில் ஊக்கத்தொகை /கமிஷன் மட்டுமே வழங்கப்படும் என்றும் தெரிவிக்கப்பட்டுள்ளது.

தகுதிகள்: ஆயுள் காப்பீடுகளை விற்பனை செய்வதில் முன் அனுபவம் உள்ளவர்கள், கணினிப் பயிற்சி உள்ளவர்கள் / சொந்தப்பகுதி பற்றி நன்கு அறிந்தவர்கள் மற்றும் சென்னை மாநகராட்சியை சார்ந்தவராக இருத்தல் வேண்டும். அதேபோன்று, இதர ஆயுள் காப்பீட்டு அலுவலகத்தில் முகவர்களாக இருப்பவர்கள், அஞ்சல் ஆயுள் காப்பீட்டு முகவர்களாக விண்ணப்பிக்க தகுதியில்லை என்று தெரிவிக்கப்பட்டுள்ளது.

கல்வி தகுதி: குறைந்தது பத்தாம் வகுப்பில் தேர்ச்சி பெற்றிருக்க வேண்டும். வயது வரம்பு: 18-லிருந்து 50 வரை

மேற்கண்ட தகுதியுடையவர்கள்,  நாளை மறுநாள் ( ஜனவரி 23ம் தேதி) காலை 10 மணிக்கு நடைபெறும் நேர்காணலில் கலந்து கொள்ள வேண்டும். நேர்காணல் நடைபெறும் இடம்: எண் 2, சிவஞானம் சாலை, தியாகராய நகர், சென்னை 600017 இல் (பாண்டி பஜார் அருகில்) உள்ள முதுநிலை அஞ்சல் கோட்ட கண்காணிப்பாளர், சென்னை மத்திய கோட்டம் அலுவலகம்.

தேவைப்படும் ஆவணங்கள்: மூன்று புகைப்படம் (பாஸ்போர்ட் அளவு), அசல் மற்றும் இரண்டு நகல் -வயதுச்சான்று, முகவரிச்சான்று மற்றும் கல்விச்சான்று

நேர்காணலுக்கு பின் தேர்ந்தெடுக்கப்படுபவர்கள் ஐந்தாயிரம் ரூபாய்க்கு தேசிய சேமிப்பு பத்திரம் [NSC] அல்லது கிசான் விகாஸ் பத்திரத்தை [KVP] பணப் பாதுகாப்பு பத்திரமாக வழங்க வேண்டும் என்றும் தெரிவிக்கப்பட்டுள்ளது.

First published:

Tags: Central Government Jobs