Home /News /education /

நடப்பு கல்வியாண்டுக்கான பாடத்திட்டம் குறித்து பள்ளிக்கல்வி துறை முக்கிய அறிவிப்பு

நடப்பு கல்வியாண்டுக்கான பாடத்திட்டம் குறித்து பள்ளிக்கல்வி துறை முக்கிய அறிவிப்பு

காட்சிப் படம்

காட்சிப் படம்

2022-23 கல்வியாண்டில், 1 முதல் 12ம் வகுப்புகளுக்கு கொரோனா தொற்றுக்கு முந்தைய பாடத்திட்டமே தொடரும் என்று தமிழக பள்ளிக் கல்வித் துறை அறிவித்தது.

    கொரோனா பெருந்தொற்று மூடல் காரணமாக தமிழகத்தில் பள்ளிகள் கடந்த 2 ஆண்டுகளாக  மூடப்பட்டன. இது மாணவர்களின் கல்வியில் பெரும் தடையை ஏற்படுத்தியது.  ஊரடங்கு காலத்திலும்  அதற்கு பின்பும் ஆன்லைன் மூலமாக கற்றல் செயல்பாடுகள் மேற்கொள்ளப்பட்டன. மாணவர்களுக்கு பாடச்சுமையைக் குறைக்கும் வகையில் 1 முதல் 12-ஆம் வகுப்பு பாடத்திட்டத்தை தமிழக பள்ளிக் கல்வித்துறை திருத்தியமைத்தது. 

    அதன்படி, 11, 12ம் வகுப்புகளில் 60-65% பாடங்கள் மட்டுமே முக்கிய அம்சங்களாக (prioritised Syllabus) எடுத்துக் கொள்ளப்பட்டு, 40-35 சதவீதம் வரை பாடத்திட்டம் குறைக்கப்பட்டது. நடந்து முடிந்த 10, 12ம் வகுப்பு பொதுத் தேர்விலும் முக்கிய அம்சங்களில் இருந்தும் வினாக்கள் கேட்கப்பட்டிருந்தன. அதேபோன்று, இதர வகுப்புகளைப் பொறுத்த வரை, தோராயமாக 50%  பாடங்கள் முக்கிய அம்சங்களாக இதர பாடங்கள் குறைக்கப்பட்டது. 

    இந்நிலையில்,  உருமாறிய ஓமிக்ரான் ஏற்படுத்திய மூன்றாவது அலை பாதிப்புகள் குறைந்ததையடுத்து, தமிழகத்தில் ஊரடங்கு கட்டுப்பாடுகள் முற்றிலும் ரத்து செய்யப்பட்டன. 

    2022-23 கல்வியாண்டில், தமிழகம் முழுவதும் கோடை விடுமுறை முடிந்து ஒன்றாம் வகுப்பு முதல் பத்தாம் வகுப்பு வரையிலான மாணவர்களுக்கு கடந்த 13ம் தேதி  பள்ளிகள் திறக்கப்பட்டன. அரசு பள்ளி மாணவர்களுக்கு முதல் நாளிலேயே, விலையில்லா பாடப்புத்தகங்கள் போன்றவற்றை வழங்க ஏற்பாடு செய்யப்பட்டது.  

    இதையும் வாசிக்க: இந்துக்களின் உணர்வுகள் புண்படுகிறது : மறைந்த தலித் கவிஞர் சித்தலிங்கையாவின் பாடலை நீக்கிய கர்நாடக அரசு

    இந்நிலையில், 1 முதல் 12ம் வகுப்புகளுக்கு கொரோனா தொற்றுக்கு முந்தைய பாடத்திட்டமே தொடரும் என்று தமிழக பள்ளிக் கல்வித் துறை அறிவித்துள்ளது. அனைத்து கருத்துக்களையும் மாணவர்கலுக்கு விளக்கி கூறுமாறு, பள்ளிகளின் தலைவர்கள், ஆசிரியர்களை பள்ளிக் கல்வித் துறை அறிவுறுத்தியுள்ளது
    Published by:Salanraj R
    First published:

    Tags: Department of School Education

    அடுத்த செய்தி