CUET 2022 Admit Card : 2வது கட்ட இளநிலை ‘கியூட்’ தேர்விற்கான அட்மிட் கார்டு வெளியீடு

மத்திய பல்கலைக்கழகங்களில் இளங்கலை மாணவர்கள் சேர்க்கைக்கு நடத்தப்படும் கியூட் எனப்படும் பொதுப் பல்கலைக்கழக நுழைவுத் தேர்வு ( CUET) முதல் கட்டத் தேர்வு ஏற்கனவே நிறைவடைந்த நிலையில் தற்போது இரண்டாம் கட்டத் தேர்வு நாளை மறுதினம் (ஆகஸ்டு 4ந்தேதி) தொடங்குகிறது. இதற்கான அட்மிட் கார்டு வெளியாகி உள்ளது.

மத்திய பல்கலைக்கழகங்களில் இளநிலை பட்டப்படிப்புகளில் சேருவதற்கான பொதுப்பல்கலைக்கழக நுழைவுத் தேர்வு ( CUET) ஜூலை 15 முதல் ஆகஸ்ட் மாதம் 20-ம் தேதி வரை இரண்டு கட்டங்களாக நடைபெற உள்ளது என தேசியத் தேர்வு முகமை முன்னதாக அறிவிப்பினை வெளியிட்டது. அதன் படி முதற்கட்டத் தேர்வு ஜூலை 15 முதல் 20-ம் தேதி வரை நடைபெற்றது. தற்போது இரண்டாம் கட்டத் தேர்வு ஆகஸ்ட் 4 முதல் 10-ம் தேதி வரை நடைபெற உள்ளது. இதற்கான அட்மிட் கார்டு விவரங்கள் தற்போது வெளியாகி உள்ளது.

Release of Admit Cards of CUET UG - for the exams on 4,5,6 August 2022, at 10 am pic.twitter.com/wiI7c4pt3o

— National Testing Agency (@DG_NTA) August 2, 2022

அதன்படி, இளநிலை கியூட் தேர்வு ஆகஸ்ட் 4-ம் தேதி தொடங்குகிறது. ஆகஸ்ட் 4, 5 மற்றும் 6 ஆகிய தேதிகளில் தேர்வுகள் நடைபெற உள்ளது. தேர்வு எழுதும் மாணவர்கள், என்டிஏ அதிகாரப்பூர்வ இணையதளத்தில் டவுன்லோடு செய்து கொள்ளலாம். நாடு முழுவதும் உள்ள மத்தியபல்கலைக்கழகங்கள் மற்றும் அதன் கீழ் இயங்கும் கல்லூரிகளில் இளநிலை, முதுநிலை படிப்புகளில் சேர 2022-23 கல்வி ஆண்டு முதல் பொது நுழைவுத் தேர்வு ( CUET) கட்டாயமாக்கப்பட்டுள்ளது.

ALSO READ | TNEA Counselling 2022: விளையாட்டு வீரர்களுக்கான சான்றிதழ் சரிபார்ப்பு தொடங்கியது; இதர மாணவர்களுக்கு எப்போது?

இளநிலை பட்டப் படிப்புக்கான (CUET) தேர்வு, தேசிய தேர்வுகள் முகமை (National Testing Agency ) மூலம் கணினி வழியில் தமிழ், இந்தி உட்பட 13 மொழிகளில் நடத்தப்படும் என்று மத்திய கல்வி அமைச்சகம் அறிவித்தது. இதற்கான இணையதள விண்ணப்ப பதிவு கடந்த ஏப்.7-ம் தேதி தொடங்கி மே 31-ம்தேதியுடன் நிறைவு பெற்றது.