சிதம்பரம் அண்ணாமலைப் பல்கலைக்கழக பொறியியல் படிப்புகளுக்கு தேசிய அங்கீகாரம்

அண்ணாமலைப் பல்கலைக்கழகத்தில் கற்பிக்கப்படும் பொறியியல் படிப்புகளுக்கு தேசிய அங்கீகார வாரியத்தின்

(NBA) அங்கீகாரம் கிடைத்துள்ளது.

இதுதொடர்பாக பல்கலைக்கழகம் வெளியிட்டுள்ள செய்திக்குறிப்பில், அண்ணாமலைப் பல்கலைக்கழக பொறியியல் புலத்தின் பி.இ மின் மற்றும் மின்னணு பொறியியல் (Electrical and Electronics Engineering) பி.இ கணினி அறிவியல் மற்றும் பொறியியல் (Computer Science and Engineering) பி.இ வேதிப்பொறியியல் (Chemical Engineering) ஆகியதுறைகளுக்கு தொழில்நுட்ப கல்விக்காக பிரத்யேகமாக இயங்கி வரும் தேசிய அங்கீகார வாரியத்தின் அங்கீகாரம் கிடைத்துள்ளது.

இதற்காக இந்தியாவின் பல மாநிலங்களில் இருந்து நிபுணர்கள் குழு கடந்த மே மாதம் 6, 7, 8ம் தேதிகளில் பொறியியல் புலத்திற்கு நேரில் வந்து ஆய்வு செய்தது. இந்த ஆய்வறிக்கையின் அடிப்படையில் அடுத்த 03 ஆண்டுகளுக்கு என்.பி.ஏ (NBA) அங்கீகாரம் வழங்கப்பட்டுள்ளது.

ALSO READ |  SBI Upschool: கதைகள் மூலம் கணிதப்பாடம் - எஸ்பிஐ வங்கியின் புதிய முயற்சி