அனைத்து அரசு பள்ளிகளிலும் சிசிடிவி கேமராக்களை பொருத்த நடவடிக்கை எடுக்க வேண்டும் - உயர்நீதிமன்ற மதுரை கிளை!

தமிழகத்தில் உள்ள அனைத்து அரசு பள்ளிகளிலும் சிசிடிவி கேமராக்களை பொருத்த நடவடிக்கை எடுக்க வேண்டுமென தமிழக அரசுக்கு உயர்நீதிமன்ற மதுரை கிளை அறிவுறுத்தி உள்ளது. 

புதுக்கோட்டை மாவட்டம் திருமணஞ்சேரி கிராமத்தில் உள்ள அரசு மேல்நிலைப்பள்ளியில் அடிப்படை வசதிகளை செய்து தர உத்தரவிட கோரி சண்முகம் என்பவர் உயர்நீதிமன்ற மதுரை கிளையில் மனு தாக்கல் செய்தார்.

பள்ளியில் காவலர்கள் இல்லாததால் இரவு நேரத்தில் சமூக விரோத செயல்கள் நடப்பதாக அவர் மனுவில் குற்றம்சாட்டியிருந்தார். இந்த மனு நிதிபதிகள் வைத்தியநாதன், ஜெயச்சந்திரன் அமர்வில் விசாரணைக்கு வந்தது.

Also read... சென்னை பல்கலைக்கழகத்தின் பழைய பெருமை நீடிக்கிறதா என்பது மில்லியன் டாலர் கேள்வி - உயர் நீதிமன்றம்!

அப்போது தமிழகத்தில் உள்ள அனைத்து அரசுப் பள்ளி வளாகங்களில் சிசிடிவி கேமரா பொருத்த அரசு உரிய நடவடிக்கை எடுக்கும் என நீதிமன்றம் நம்புவதாக நீதிபதிகள் தெரிவித்தனர்.

Also read... 10, 11, 12ம் வகுப்பு மாணவர்களுக்கு பொதுத்தேர்வு கட்டாயம் நடைபெறும் - அமைச்சர் அன்பில் மகேஷ்!

அரசுப் பள்ளிகளில் அடிப்படை வசதிகள் செய்து தருவது தொடர்பான முந்தைய உத்தரவை நிறைவேற்ற எடுக்கப்பட்ட நடவடிக்கை என்ன என்பது பற்றி அறிக்கை அளிக்க வேண்டுமென தமிழக அரசுக்கு உத்தரவிட்ட நீதிபதிகள், விசாரணையை 3 வாரங்களுக்கு ஒத்திவைத்தனர்.