Home /News /education /

ரூ.1 லட்சம் ஊக்கத்தொகை: ஆதிதிராவிடர், பழங்குடியின எழுத்தாளர்கள் விண்ணப்பிக்கலாம்

ரூ.1 லட்சம் ஊக்கத்தொகை: ஆதிதிராவிடர், பழங்குடியின எழுத்தாளர்கள் விண்ணப்பிக்கலாம்

புத்தகம்

புத்தகம்

Adidravidar and Tribal Art Literature Society: ஏற்கனவே சந்தையில் வெளியிடப்பட்டுள்ள படைப்புகளை கொண்டு விண்ணப்பித்தல் கூடாது

  • News18 Tamil
  • 2 minute read
  • Last Updated :
  • Chennai |
    2022-23 ஆண்டில்  ஆதிராவிடர் மற்றும் பழங்குடியின வகுப்புகளைச் சேர்ந்த எழுத்தாளர்களின் சிறந்த படைப்புகளுக்கு உதவித் தொகைத் திட்டத்திற்கு விண்ணப்பங்கள் வரவேற்கப்படுகின்றன. தகுதியுடைய விண்ணப்பத்தார்கள் வரும் 30ம் தேகிக்குள்  தங்களது படைப்பினை சமர்ப்பிக்க வேண்டும் என்று கேட்டுக் கொள்ளப்படுகின்றனர்.

    ஆதிதிராவிடர் மற்றும் பழங்குடியினர் நலத்துறையின்கீழ் செயல்படுத்தப்பட்டு வரும் ஆதிதிராவிடர் மற்றும் பழங்குடியினர் கலை மற்றும் இலக்கிய மேம்பாட்டு சங்கத்தின் (Tamil Nadu Adi Dravidar Art and Literature Society) மூலம் ஒவ்வொரு ஆண்டும் சிறந்த எழுத்தாளர்களின் சிறந்த இலக்கிய படைப்புகளில் 11 நபர்களது படைப்புகள் தேர்ந்தெடுக்கப்பட்டு, இவர்களது படைப்பினை வெளியிட உதவித்தொகை வழங்கப்பட்டு வருகிறது.

    இதில் ஆதிதிராவிடர் / பழங்குடியினர் / மதம் மாறிய ஆதிதிராவிடர் கிறித்துவர்களில் 9 நபர்களும்,  ஆதிதிராவிட/ பழங்குடியினர் பிரச்சனைகளை பற்றி எழுதும் ஆதிதிராவிடர்  அல்லாத இனத்தைச் சேர்ந்த ஒருவரும், பழங்குடியினர் பற்றி எழுதும் ஆதிதிராவிடர் அல்லாத இனத்தைச் சேர்ந்த ஒருவரும் தேர்ந்தெடுக்கப்படுவர்.

    இதனை ஊக்குளிக்கும் வண்ணம் இவர்களது சிறந்த இலக்கிய படைப்பினை வெளியிட ஆகும் செலவினம் அல்லது ரூ.50.000/- ஒரு எழுத்தாளருக்கு உதவித்தொகையாக வழங்கும் திட்டம் செயல்படுத்தப்பட்டு வருகிறது. 2022-2023 ஆம் ஆண்டில் மேற்படி உதவித்தொகை ரூ.50,000/-லிருந்து ரூ.1.00,000/- ஆக உயர்த்தி  வழங்கப்படவுள்ளது.

    நிபந்தனைகள்:

    1. எழுத்தாளர்களுக்கு வயது வரம்பு இல்லை.

    2. கதை, கட்டுரை, வரலாறு, கவிதை மற்றும் புதினம் ஆகியவை எதுவாகவும் இருக்கலாம். இருப்பினும் தமிழ் மொழியிலேயே படைப்பு இருக்க வேண்டும். பிறமொழியிலிருந்து மொழிபெயர்க்கப்பட்ட சிறந்த தமிழ்மொழி படைப்பாகவும் இருக்கலாம்.

    3. எம்.பில்., பி.எச்.டி. போன்ற ஆராய்ச்சி  படிப்புகளுக்குத் தயாரிக்கப்படும் கட்டுரைகளுக்கு அவை அரிதான சிறப்புடையதாக இருக்க வேண்டும்.

    4. படைப்புகள் 90 பக்கங்களுக்கு குறையாமல் இருக்க வேண்டும்.

    5. ஏற்கனவே சந்தையில் வெளியிடப்பட்டுள்ள படைப்புகளை கொண்டு விண்ணப்பித்தல் கூடாது.

    6. ஒருமுறை விருதுக்கு  தெரிவு செய்யப்பட்ட எழுத்தாளர் 5 ஆண்டுகளுக்கு பிறகே விண்ணப்பிக்க வேண்டும்.

    7. படைப்புகளை தேர்ந்தெடுத்தல் குறித்து அரசால் அமைக்கப்பட்டுள்ள வல்லுநர் குழுவின் முடிவே இறுதியானது.

    விண்ணப்பம் செய்வது எப்படி?

    மேற்படி  தகுதியுள்ள விண்ணப்பத்தாரர்கள், இதற்கான விண்ணப்பபங்கள் மாவட்ட ஆதிதிராவிடர் மற்றும் பழங்குடியினர் நல அலுவலகங்களிலும்,  ஆதிதிராவிடர் நல இயக்குநரகத்திலும் வேலை நாட்களில் பெற்றுக்கொள்ளலாம்.

    இதையும் வாசிக்க:  நாடு முழுவதும் 10,12ம் வகுப்பு வாரியத் தேர்வுகளுக்கு பொது மதிப்பீடு: மத்திய அரசு தீவிரம்

    மேலும், tn.gov.in என்ற இணையத்தளத்திலும்(webste) பதிவிறக்கம் செய்து கொள்ளலாம்.

    விண்ணப்பிக்க கடைசி நாள். 30.09.2022

    விண்ணப்பதாரர்கள் தங்களது படைப்பினை இரு நகல்களிலும், டிஜிட்டல் (Digital) முறையிலும், உரிய படிவத்தில் தவறாமல் கைபேசி எண்ணினை குறிப்பிட்டு உரிய காலத்திற்குள் இயக்குநர், ஆதிதிராவிடர் நலத்துறை, சேப்பாக்கம், சென்னை-05. என்ற முகவரிக்கு அனுப்பி வைக்குமாறு தமிழ்நாடு ஆதிதிராவிடர் மற்றும் பழங்குடியினர் நலத்துறை அமைச்சகம் தெரிவித்துள்ளது.
    Published by:Salanraj R
    First published:

    Tags: Book release, Dalit Politics, Tamilnadu government

    அடுத்த செய்தி