தீபாவளி பண்டிகையை முன்னிட்டு அரூர் வாரச்சந்தையில் ரூ.1 கோடிக்கு விற்பனையான ஆடுகள்..

தருமபுரி மாவட்டம் அரூர் அடுத்த கோபிநாதம்பட்டி கூட்ரோட்டில் வாரந்தோறும் புதன் கிழமைகளில் சந்தை நடைபெற்று வருகிறது. இந்த சந்தைக்கு தருமபுரி, கிருஷ்ணகிரி, திருவண்ணாமலை, சேலம், நாமக்கல் உள்ளிட்ட பகுதிகளில் இருந்து ஏராளமான விவசாயிகள் மற்றும் வியாபாரிகள் கால்நடைகளை வாங்கவும், விற்கவும் வருகின்றனர். இங்கு வாங்கப்படும் கால்நடைகளை அதிகப்படியாக கேரளாவிற்கு ஏற்றுமதி செய்து வருகின்றனர்.

இந்நிலையில் வாரந்தோறும் ஒரு கோடி அளவிற்கு இந்த வார சந்தையில் வர்த்தகம் நடைபெறும். மேலும் தீபாவளி, பொங்கல், ஆடிப் பண்டிகை உள்ளிட்ட பண்டிகை நாட்களில் 3 கோடி முதல் 5 கோடி வரை வர்த்தகம் நடைபெற்று வரும். இந்த நிலையில் கடந்த சில நாட்களாக தருமபுரி மாவட்டத்தில் தொடர் மழை பெய்து வந்ததால் வார சந்தைக்கு கால்நடைகள் வரத்து குறைவாகவே இருந்து வந்தது. இதனால்  வாரச் சந்தையில் 50 லட்சத்திற்கு கூட வர்த்தகம் நடைபெறவில்லை.

இந்நிலையில் அடுத்த வாரம் தீபாவளி பண்டிகை வர உள்ள நிலையில், இறைச்சிக்காக கால்நடைகளை வாங்குவதற்கும், விற்பனை செய்வதற்கும் ஏராளமானோர் வார சந்தைக்கு வந்திருந்தனர். மேலும் தீபாவளி பண்டிகையால் கால்நடைகளின் வரத்தும் கடந்த வாரத்தை விட அதிகரித்து இருந்தது.

' isDesktop="true" id="821340" youtubeid="cWWoPabBvNY" category="dharmapuri">

இதில்  5,000 ஆடுகளும், 2000 மாடுகளும் விற்பனைக்காக கொண்டு வரப்பட்டது. கடந்த வாரத்தை விட கால்நடைகளின் விலை கூடுதலாக விற்பனையானது. ஆடுகளின் விலை கடந்த வாரத்தை விட 2000 முதல் 3000 கூடுதலாக விற்பனையானது. அதேபோல் மாடுகளின் விலை 5000 வரை கூடுதலாக விற்பனையானது.

இதில் 10 கிலோ எடையுள்ள  ஆடுகள் ரூ.8,000 எனவும் அதிகபட்சமாக ஒரே ஒரு ஆடு மட்டும் ரூ.30,000க்கும் விற்பனையானது. மொத்தமாக ஆடுகள் மட்டும் ரூ.1 கோடிக்கு விற்பனையானது. மேலும் இறைச்சிக்காக நாட்டு மாடு ரூ.30,000 முதல் 40,000 வரையிலும், வளர்ப்பு கன்றுகள் ரூ.8,000 -க்கும், வளர்ப்பு மாடுகள் 22,000 முதல் ரூ. 65,000 என மாடு உள்ளிட்ட கால்நடைகள் ரூ.1.25  கோடிக்கு விற்பனையானது.

Also see...விரிவான செய்திகளை படிக்க நேரமில்லையா.. இதோ முக்கிய தலைப்பு செய்திகள்!

இந்நிலையில் தீபாவளி பண்டிகையை முன்னிட்டு நேற்றய வார சந்தையில் கால்நடைகள் ரூ.2.25 கோடிக்கு விற்பனையானது. மேலும் கடந்த வாரத்தை விட விலை அதிகரித்து இருந்ததால், கால்நடைகள் விற்பனை சற்று மந்தமாகவே இருந்து வந்தது. கடந்த காலங்களில் தீபாவளி பண்டிகைக்கு முந்தைய வார சந்தைகளில் 3 கோடிக்கு மேல் வர்த்தகம் நடைபெற்று வந்தது குறிப்பிடத்தக்கது.

செய்தியாளர்: ஆர்.சுகுமாா், தருமபுரி