Home /News /cuddalore /

சீர்காழி அருகே வெள்ளம் சூழ்ந்த கிராமங்களை ஆய்வு செய்த அமைச்சர் மெய்யநாதன்... ரூ.38.92லட்சம் நிவாரணம் உதவி வழங்கினார்...

சீர்காழி அருகே வெள்ளம் சூழ்ந்த கிராமங்களை ஆய்வு செய்த அமைச்சர் மெய்யநாதன்... ரூ.38.92லட்சம் நிவாரணம் உதவி வழங்கினார்...

Sirkali  | சீர்காழி அருகே வெள்ளம் சூழ்ந்த ஆற்றுப்படுகை கிராமங்களை அமைச்சர் மெய்யநாதன் ஆய்வு செய்தார். அத்துடன் 811 குடும்பங்களுக்கு ரூ.4800 வீதம் ரூ.38.92லட்சம் நிவாரணம் உதவி வழங்கினார். மேலும் வெள்ளம் சூழ்ந்த பகுதிகளில் ஆறு மாத காலத்திற்கு சுய உதவி குழுவினர் மாதாந்திர தவணைத் தொகையை வசுல் செய்ய கூடாது என உத்திரவிட்டார்.

Sirkali | சீர்காழி அருகே வெள்ளம் சூழ்ந்த ஆற்றுப்படுகை கிராமங்களை அமைச்சர் மெய்யநாதன் ஆய்வு செய்தார். அத்துடன் 811 குடும்பங்களுக்கு ரூ.4800 வீதம் ரூ.38.92லட்சம் நிவாரணம் உதவி வழங்கினார். மேலும் வெள்ளம் சூழ்ந்த பகுதிகளில் ஆறு மாத காலத்திற்கு சுய உதவி குழுவினர் மாதாந்திர தவணைத் தொகையை வசுல் செய்ய கூடாது என உத்திரவிட்டார்.

Sirkali | சீர்காழி அருகே வெள்ளம் சூழ்ந்த ஆற்றுப்படுகை கிராமங்களை அமைச்சர் மெய்யநாதன் ஆய்வு செய்தார். அத்துடன் 811 குடும்பங்களுக்கு ரூ.4800 வீதம் ரூ.38.92லட்சம் நிவாரணம் உதவி வழங்கினார். மேலும் வெள்ளம் சூழ்ந்த பகுதிகளில் ஆறு மாத காலத்திற்கு சுய உதவி குழுவினர் மாதாந்திர தவணைத் தொகையை வசுல் செய்ய கூடாது என உத்திரவிட்டார்.

மேலும் படிக்கவும் ...
  • News18 Tamil
  • 2 minute read
  • Last Updated :
கர்நாடக மாநிலத்தில் உள்ள காவிரி நீர் பிடிப்பு பகுதிகளில் பெய்த மழையின் காரணமாக மேட்டூர் அணைக்கு நீர் வரத்து அதிகரித்து காணப்படுகிறது. கடந்த 9 தினங்களாக கீழனையில் இருந்து கொள்ளிடம் ஆற்றில் அதிகளவு உபரி நீர் வெளியேற்றப்பட்டு வருகிறது. கொள்ளிடம் ஆற்றில் கடந்த சில நாட்களுக்கு முன்  2 லட்சம் கன அடி நீர் திறக்கப்பட்ட நிலையில் தற்பொழுது படிப்படியாக குறைக்கப்பட்டு ஒரு லட்சம் கன அடி நீர் சென்று கொண்டுள்ளது.

இந்த நீரானது சீர்காழி அருகே பழையார் கடலில் கலந்து வருகிறது. கொள்ளிடம் ஆற்றில் திறக்கப்பட்ட அதிக அளவு உபரி நீரால் சீர்காழி அருகே ஆற்றுப்படுகை கிராமங்களான நாதல் படுகை, முதலை மேடு திட்டு, வெள்ளை மணல் உள்ளிட்ட ஆற்றுப்படுகை கிராமங்களில் கடந்த 9 தினங்களாக தண்ணீர் சூழ்ந்து 2000 குடியிருப்பு பகுதிகளுக்குள் தண்ணீர் உட்புகுந்துள்ளது.

இதனால் இந்த கிராமங்களில் போக்குவரத்து துண்டிக்கப்பட்டு அப்பகுதி மக்கள் படகுமூலம் மட்டுமே தங்களது வீடுகளுக்கு சென்று பார்த்து வருகின்றனர். இந்நிலையில் மீண்டும் ஆற்றுப்படுகை கிராமங்களுக்கு வருகை புரிந்த அமைச்சர் மெய்யநாதன் மற்றும் மாவட்ட ஆட்சியர் லலிதா, மாவட்ட காவல் கண்காணிப்பாளர் நிஷா உள்ளிட்டோர் வெள்ள பாதிப்புகளை பார்வையிட்டனர்.

அதனை தொடர்ந்து வடரங்கம்  நாதல் படுகை, முதலைமேடு திட்டு, வெள்ளை மணல், காட்டூர், மாதிரவேலூர், சோதியகுடி உள்ளிட்ட ஆற்றுப்படுகை கிராமங்களைச் சேர்ந்த 811 குடும்பங்களுக்கு, தலா 4,800 ரூபாய், 10 கிலோ அரிசி என மொத்தம் 38,92,800 ரூபாய் அரசு சார்பில் நிவாரணம் வழங்கினார்.

அதனை தொடர்ந்து பத்திரிகையாளர்களை சந்தித்த அமைச்சர், “ வெள்ளம் பாதிக்கப்பட்ட பகுதிகளை மாவட்ட ஆட்சியர் மற்றும் வட்டாட்சியர்  உள்ளிட்டோர் தொடர்ந்து பார்வையிட்டு வருகின்றனர். தற்பொழுது வெள்ளநீர் வடியாத காரணத்தால் உள்ளே சென்று கணக்கெடுக்கும் பணிகள் நடத்த முடியவில்லை வெள்ளநீர் வடிந்த பிறகு பாதிக்கப்பட்ட வீடுகள் மற்றும் விவசாய நிலங்கள் கணக்கெடுத்து நிவாரணம் வழங்க நடவடிக்கை மேற்கொள்ளப்படும். ஐஐடியில் இருந்து அதிகாரிகள் வரவழைக்கப்பட்டு எதிர்காலத்தில் வெள்ள பாதிப்புகள் ஏதும் ஏற்படாத வண்ணம் ஆய்வு செய்து நிரந்தர தீர்வு காணப்படும். கொள்ளிடம் ஆற்றின் கரைசாலையை சீரமைக்க நடவடிக்கை மேற்கொள்ளப்படும்” என தெரிவித்தார்

தொடர்ந்து முதலைமேடு கிராமத்திற்கு சென்ற அவர், அங்கு நிவாரண உதவிகளை வழங்கினார். அப்பகுதி மக்கள் அமைச்சரிடம் பல்வேறு கோரிக்கைகளை வலியுறுத்தினர். கொள்ளிடம் ஆற்றில் வெள்ளப்பெருக்கால் தாங்கள் பாதிக்கப்பட்டுள்ளதாகவும் சுய உதவி குழுவினர் மாதந்திர கடன் தொகையை கொடுக்க கட்டாயப்படுத்துவதாகவும் சுய உதவி குழுக்களுக்கு கொடுக்கக்கூடிய மாதாந்திர கடன் தொகையை குறிப்பிட்ட கால அவகாசம் நீட்டிக்க வேண்டும் என வேண்டுகோள் விடுத்தனர்.

Also see... புதுக்கோட்டை தயாராகும் 5 லட்சம் தேசியக் கொடிகள்

அதை ஏற்ற அமைச்சர் உடனடியாக மாவட்ட ஆட்சியரிடம் ஆறு மாத காலத்திற்கு எந்த ஒரு சுய உதவி குழுவினரும் இந்த பகுதிக்கு வருகை புரிந்து கடன் தொகையை வசூல் செய்யக்கூடாது என உத்தரவிட்டார்.
Published by:Vaijayanthi S
First published:

Tags: Sirkazhi

அடுத்த செய்தி