ஹோம் /நியூஸ் /கடலூர் /

மாணவிக்கு தாலி கட்டிய விவகாரத்தில் காவல்துறையின் செயலுக்கு நீதிமன்றம் அதிருப்தி

மாணவிக்கு தாலி கட்டிய விவகாரத்தில் காவல்துறையின் செயலுக்கு நீதிமன்றம் அதிருப்தி

சென்னை உயர் நீதிமன்றம்

சென்னை உயர் நீதிமன்றம்

முழுமையாக விசாரணை நடத்தாமல் அவசர கதியில் மாணவியை அரசு காப்பகத்தில் தங்க வைத்த குழந்தைகள் நலக்குழு, மற்றும் மாணவன் மீது வழக்கு பதிவு செய்த காவல்துறையினர் செயல் குறித்தும் அதிருப்தி தெரிவித்தனர்

  • News18 Tamil
  • 1 minute read
  • Last Updated :
  • Chidambaram, India

சக மாணவன் மஞ்சள் கயிறு கட்டிய விவகாரத்தில் மாணவியை அரசு காப்பகத்தில் சேர்த்த குழந்தைகள் நலக்குழுவினர் மற்றும் மாணவன் மீது வழக்குப்பதிவு செய்த போலீசாரின் செயலுக்கு சென்னை உயர் நீதிமன்றம் அதிருப்தி தெரிவித்துள்ளது.

கடலூர் மாவட்டம், சிதம்பரத்தில் 16 வயது மாணவிக்கு, சக மாணவர் ஒருவர் மஞ்சள் கயிற்றை கட்டுவது போன்ற காட்சிகள், சமூக வலைதளத்தில் பரவியது. கடந்த செப்டம்பர் 2ம் தேதி நடந்த இந்த சம்பவம் தொடர்பான வீடியோ பதிவுகள், 12 நாட்களுக்கு பின் சமூக வலைதளத்தில் வெளியானது. இதையடுத்து அக்டோபர் 10ம் தேதி இதுதொடர்பாக அந்த மாணவனுக்கு எதிராக சிதம்பரம் நகர போலீசார் வழக்குப்பதிவு செய்தனர்.

அதேபோல, மாவட்ட குழந்தைகள் நலக்குழு, மாணவியின் வீட்டுக்குச் சென்று அவரை அழைத்துக் கொண்டு சென்று அரசு காப்பகத்தில் சேர்த்தது. தனது மகளை குழந்தைகள் நலக்குழுவினர் எதற்காக அழைத்துச் சென்றனர் எனத் தெரியவில்லை எனக் கூறி, அவரை மீட்டு தங்களிடம் ஒப்படைக்க கோரி மாணவியின் தந்தை சென்னை உயர் நீதிமன்றத்தில் ஆட்கொணர்வு மனுவை தாக்கல் செய்தார்.

இதையும் படிக்க : தமிழ்நாடு கிரிக்கெட் சங்க தலைவராக அமைச்சர் பொன்முடியின் மகன் போட்டியின்றி தேர்வு

இந்த மனுவை விசாரித்த நீதிபதிகள் பி.என் பிரகாஷ் மற்றும் டீக்காராமன் அமர்வு, மாணவியை சட்டவிரோத காவலில் வைத்திருப்பதாக கூறி அவரை உடனடியாக விடுவித்து பெற்றோரிடம் ஒப்படைக்க உத்தரவிட்டனர். இதையடுத்து, மாணவியை விடுவித்து தாயிடம் ஒப்படைத்து விட்டதாக மாவட்ட குழந்தைகள் நலக்குழு தரப்பில் தெரிவிக்கப்பட்டது.

இருப்பினும், முழுமையாக விசாரணை நடத்தாமல் அவசர கதியில் மாணவியை அரசு காப்பகத்தில் தங்க வைத்த குழந்தைகள் நலக்குழு, மற்றும் மாணவன் மீது வழக்கு பதிவு செய்த காவல்துறையினர் செயல் குறித்தும் அதிருப்தி தெரிவித்த நீதிபதிகள், மாணவனுக்கு எதிராக பதிவு செய்யப்பட்ட வழக்கில் எடுத்த நடவடிக்கைகள் குறித்து அறிக்கை தாக்கல் செய்ய சிதம்பரம் நகர போலீசாருக்கு உத்தரவிட்டு, விசாரணையை நவம்பர் 10ம் தேதிக்கு தள்ளிவைத்தனர்.

Published by:Raj Kumar
First published:

Tags: Chidambaram, Children, School students