Home /News /cuddalore /

தடுப்பணையில் மூழ்கி உயிரிழந்த 7 பேரின் இறுதி சடங்கில் ஆயிரக்கணக்கானோர் பங்கேற்பு

தடுப்பணையில் மூழ்கி உயிரிழந்த 7 பேரின் இறுதி சடங்கில் ஆயிரக்கணக்கானோர் பங்கேற்பு

கடலூர்

கடலூர்

ஏ.குச்சிபாளையத்தை சேர்ந்த உயிரிழந்த 5 பேரின் இறுதி ஊர்வலத்தில்,  ஆயிரக்கணக்கானோர் பங்கேற்று கண்ணீர் அஞ்சலி செலுத்தினர்.

    கடலூரில் தடுப்பணையில் மூழ்கி உயிரிழந்த 7 பேரில், ஒரே நேரத்தில் நடைபெற்ற 5 பேரின் இறுதி சடங்கில் ஆயிரக்கணக்கானோர் பங்கேற்றனர்.

    ஏ.குச்சிபாளையம் கிராமத்தில் கெடிலம் ஆற்றில் கட்டப்பட்டுள்ள தடுப்பணைக்கு, ஒரே குடும்பத்தை சேர்ந்த  5 சிறுமிகள் மற்றும் 19 வயது இளம்பெண்கள் இருவர், நேற்று குளிக்க சென்றனர். அப்போது நீரில் மூழ்கி 7 பேரும் பரிதாபமாக உயிரிழந்தனர். அவர்களின் குடும்பத்தினருக்கு குடியரசு தலைவர் ராம்நாத் கோவிந்த், பிரதமர் மோடி மற்றும் முதலமைச்சர் ஸ்டாலின் ஆகியோரும் இரங்கல் தெரிவித்தனர்.

    இதனிடையே,  7 பேரின் உடலும் பிரேத பரிசோதனை முடிந்து குடும்பத்தினரிடம் ஒப்படைக்கப்பட்டன.  2 இளம்பெண்கள் மற்றும் 3 சிறுமிகளின் உடல் ஏ.குச்சிபாளையத்தில் ஒரே இடத்தில் பொதுமக்கள் அஞ்சலிக்காக வைக்கப்பட்டது.   விடுமுறைக்கு ஏ.குச்சிபாளையத்திற்கு வந்திருந்த போது உயிரிழந்த,  பிரியதர்ஷினி மற்றும் காவ்யா ஆகிய இரண்டு சிறுமிகளின் உடல் சொந்த ஊரான குறிஞ்சிபாடிக்கு எடுத்துச்செல்லப்பட்டு அடக்கம் செய்யப்பட்டன.
    இதை படிக்க: பப்ஜி மதனின் ஜாமீன் மனு தள்ளுபடி - சென்னை உயர் நீதிமன்றம் உத்தரவு
    அதைதொடர்ந்து நடைபெற்ற ஏ.குச்சிபாளையத்தை சேர்ந்த உயிரிழந்த 5 பேரின் இறுதி ஊர்வலத்தில்,  ஆயிரக்கணக்கானோர் பங்கேற்று கண்ணீர் அஞ்சலி செலுத்தினர். 5 பேரின் உடல்களையும் ஒரே குழியில் அடக்கம் செய்ததோடு, அங்கு நினைவுத்தூண் அமைக்கவும் குடும்பத்தினர் முடிவு செய்துள்ளனர்.
    Published by:Murugesh M
    First published:

    Tags: Cuddalore

    அடுத்த செய்தி