• HOME
  • »
  • NEWS
  • »
  • coronavirus-latest-news
  • »
  • புதிய உச்சத்தில் கொரோனா - இதுவரை இல்லாத அளவாக ஒரே நாளில் 3,713 பேர் பாதிப்பு: 68 பேர் உயிரிழப்பு

புதிய உச்சத்தில் கொரோனா - இதுவரை இல்லாத அளவாக ஒரே நாளில் 3,713 பேர் பாதிப்பு: 68 பேர் உயிரிழப்பு

  • Last Updated :
  • Share this:
    தமிழகத்தில் இதுவரையில் இல்லாத அளவுக்கு ஒரே நாளில் 3,713 பேர் கொரோனாவால் பாதிக்கப்பட்டுள்ளனர். இன்று ஒரே நாளில் அதிகபட்சமாக 68 பேர் உயிரிழந்துள்ளனர். மொத்தபாதிப்பு 78,335 ஆக அதிகரித்துள்ளது.

    தமிழ்நாட்டில் கொரோனா பாதிப்பு தொடர்பாக சுகாதாரத்துறை அறிக்கை வெளியிட்டுள்ளது. அந்த அறிக்கையின்படி, ‘தமிழகத்தில் இன்று மட்டும் 32,068 பேருக்கு கொரோனா பாதிப்பு சோதனை மேற்கொள்ளப்பட்டுள்ளது. இதுவரையில், 10,25,059 பேருக்கு கொரோனா சோதனை மேற்கொள்ளப்பட்டுள்ளது. தமிழகத்திலுள்ள 3,624 பேருக்கும், வெளிநாடு, வெளிமாநிலங்களிலிருந்து திரும்பிய 89 பேருக்கும் கொரோனா பாதிப்பு உறுதி செய்யப்பட்டுள்ளது.

    மொத்தமாக இன்று ஒருநாளில் 3,713 பேருக்கு கொரோனா பாதிப்பு உறுதி செய்யப்பட்டுள்ளது. மொத்தமாக இதுவரையில், 78,335 பேருக்கு கொரோனா பாதிப்பு உறுதி செய்யப்பட்டுள்ளது. இன்று மட்டும் 68 பேர் உயிரிழந்துள்ளனர். அதன்மூலம் மொத்த உயிரிழப்பு 1,025 ஆக அதிகரித்துள்ளது. சென்னையில் மட்டும் 1,939 பேருக்கு கொரோனா பாதிப்பு உறுதி செய்யப்பட்டுள்ளது.

    செங்கல்பட்டில் 248 பேருக்கும், காஞ்சிபுரத்தில் 98 பேருக்கும், மதுரையில் 217 பேருக்கும், ராமநாதபுரத்தில் 93 பேருக்கும், திருவள்ளூரில் 146 பேருக்கும், திருவண்ணாமலையில் 110 பேருக்கும், வேலூரில் 118 பேருக்கும் கொரோனா பாதிப்பு உறுதி செய்யப்பட்டுள்ளது.

    Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

    Published by:Karthick S
    First published: