ஸ்டெர்லைட் ஆக்சிஜன்: தமிழகத்தின் தேவைக்கு முன்னுரிமை அளிக்க வேண்டும் - பிரதமருக்கு மு.க.ஸ்டாலின் கடிதம்

ஸ்டெர்லைட் ஆக்சிஜன்: தமிழகத்தின் தேவைக்கு முன்னுரிமை அளிக்க வேண்டும் - பிரதமருக்கு மு.க.ஸ்டாலின் கடிதம்

ஸ்டெர்லைட்

ஸ்டெர்லைட் ஆலையில் உற்பத்தியாகும் ஆக்சிஜனை தமிழகத்தின்   முழுத் தேவையை நிறைவேற்றிய பிறகே, பிற மாநிலங்களுக்கு வழங்கிட வேண்டும்  என பிரதமர் நரேந்திர மோடிக்கு திமுக தலைவர் மு.க. ஸ்டாலின் கோரிக்கை வைத்துள்ளார்

  • Share this:
    ஸ்டெர்லைட் ஆலையில் உற்பத்தியாகும் ஆக்சிஜனை தமிழகத்தின் முழுத் தேவையை நிறைவேற்றிய பிறகே, பிற மாநிலங்களுக்கு வழங்கிட வேண்டும் என பிரதமர் நரேந்திர மோடிக்கு தி.மு.க தலைவர் மு.க.ஸ்டாலின் கோரிக்கை வைத்துள்ளார்.

    தூத்துக்குடி ஸ்டெர்லைட் ஆலையை ஆக்சிஜன் உற்பத்திக்காக திறக்க உச்ச நீதிமன்றம் அனுமதி அளித்துள்ளது. அனைத்து கட்சி கூட்டத்தின் ஒப்புதலுடன், தமிழக அரசு அனுமதி அளித்ததை அடுத்து நீதிமன்ற இந்த உத்தரவை பிறப்பித்துள்ளது.

    மேலும், ஸ்டெர்லைட் ஆலையில் உற்பத்தியாக உள்ள ஆக்சிஜன் விநியோகத்தில் தமிழகத்திற்கு முன்னுரிமை வழங்க முடியாது என உச்ச நீதிமன்றத்தில் மத்திய அரசு வாதம் செய்தது. இதனை ஏற்ற நீதிபதிகள் தமிழகத்திற்குத் தேவையான ஆக்சிஜனை மத்திய அரசு வழங்க வேண்டும் என்று தீர்ப்ப்ல் குறிப்பிட்டனர்.

    இந்த தீர்ப்பு தொடர்பாக  திமுக தலைவர் மு.க.ஸ்டாலின் வெளியிட்டுள்ள அறிக்கையில், ’உச்சநீதிமன்றத்தில் நடைபெற்ற விசாரணையில், ஸ்டெர்லைட்டில் வேதாந்தா நிறுவனம் ஆக்சிஜனை தயாரித்து, அது மத்திய அரசிடம் ஒப்படைக்கப்பட்டு, பின்னர் மத்திய அரசு மாநிலங்களின் தேவைக்கேற்ப ஆக்சிஜனை பிரித்து வழங்கும் என நீதிமன்றம் தெரிவித்துள்ளது.

    தமிழக அனைத்துக் கட்சிகள் முன்வைத்த நிபந்தனையின் அடிப்படையிலான அரசின் தீர்மானத்தை உச்ச நீதிமன்றத்தில் உரிய முறையில் எடுத்துரைக்க, தமிழக காபந்து அரசு தவறிவிட்டதன் விளைவு இது’ என குற்றம் சாட்டியுள்ளார்.

    ஆக்சிஜனை பங்கிடும் பொறுப்பை மத்திய அரசிடம் உச்ச நீதிமன்றம் வழங்கியிருப்பதால், பிரதமர் உடனடியாக இதில் கவனம் செலுத்தி, ஸ்டெர்லைட்டில் உற்பத்தியாகும் ஆக்சிஜனை தமிழகத்தின் முழு தேவைக்கேற்ப பகிர்ந்தளிக்கும் பொறுப்பினை மேற்கொள்ள வேண்டும்"

    சென்னை உள்பட தமிழ்நாட்டின் பல பகுதிகளிலும் கொரோனா பரவல் அதிகரித்துள்ள நிலையில், ஆக்சிஜன் தேவை இனி வரும் நாட்களில் அதிகரிக்கும் என்றும் எனவே தமிழகத்தின் முழுத் தேவையை நிறைவேற்றிய பிறகு, மீதமுள்ள ஆக்சிஜனை பிற மாநிலங்களுக்கு அளித்திடுவதே சரியான வழிமுறையாகும் என்றும் மு.க.ஸ்டாலின் கூறியுள்ளார்.

    ஆக்சிஜனை பங்கிடும் பொறுப்பை மத்திய அரசிடம் உச்ச நீதிமன்றம் வழங்கியிருப்பதால், பிரதமர் நரேந்திர மோடி  உடனடியாக இதில் கவனம் செலுத்தி, ஸ்டெர்லைட்டில் உற்பத்தியாகும் ஆக்சிஜனை தமிழகத்தின் முழு தேவைக்கேற்ப பகிர்ந்தளிக்கும் பொறுப்பினை மேற்கொள்ள வேண்டும் என்றும்  பேரிடர் நேரத்தில் தமிழ்நாட்டுக்கு எவ்வகையிலும் அநீதி இழைத்திடக் கூடாது என்றும் வலியுறுத்தியுள்ளார்.


    உடனடி செய்திகளுக்கு இணைந்திருங்கள்
    Published by:Murugesh M
    First published: