Home /News /coronavirus-latest-news /

கொரோனா தடுப்பு மருந்து போடும் திட்டத்தை தொடங்கி வைத்தார் பிரதமர் மோடி!

கொரோனா தடுப்பு மருந்து போடும் திட்டத்தை தொடங்கி வைத்தார் பிரதமர் மோடி!

தடுப்பூசி

தடுப்பூசி

முதற்கட்டமாக நாடு முழுவதும் 2,934 மையங்களில், மூன்று லட்சம் முன் கள பணியாளர்களுக்கு கொரோனா தடுப்பூசி செலுத்தப்படுகிறது.

    நாடு முழுவதும் கொரோனாவுக்கு தடுப்பூசி போடும் நிகழ்வை பிரதமர் மோடி காணொலி மூலம் தொடங்கி வைத்தார்.

    கடந்த வருடம் இந்தியாவில் கொரோனா தொற்று உருவானதையடுத்து, ஊரடங்கு உத்தரவு அமல்படுத்தப்பட்டது. கை கழுவுதல், முக கவசம் அணிதல், சமூக விலகலை கடைப்பிடித்தல் போன்றவை கொரோனா வரும் முன் பாதுகாக்கும் முக்கியக் காரணிகளாக பார்க்கப்பட்டது. இதற்கிடையே இதற்கான தடுப்பு மருந்துகளை கண்டுப்பிடிக்கும் பணிகளும் தீவிரமாக நடந்தன.

    இதனையடுத்து, இந்தியாவில் கோவாக்சின் மற்றும் கோவிஷீல்டு தடுப்பு மருந்துகளுக்கான அவசர கால பயன்பாட்டுக்கு, மத்திய அரசு அண்மையில் ஒப்புதல் அளித்தது. இந்நிலையில் நாடு முழுவதும் தடுப்பூசி போடும் பணிகளை, டெல்லியில் இருந்து காணொலி காட்சி மூலம் இன்று காலை 10.30 மணிக்கு தொடங்கி வைத்தார் பிரதமர் மோடி. அதோடு தடுப்பூசி விநியோகம் மற்றும் கண்காணிப்புக்காக உருவாக்கப்பட்டுள்ள 'கோ - வின்’ செயலியையும் பிரதமர் அறிமுகப்படுத்தினார்.

    முதற்கட்டமாக நாடு முழுவதும் 2,934 மையங்களில், மூன்று லட்சம் முன் கள பணியாளர்களுக்கு கொரோனா தடுப்பூசி செலுத்தப்படுகிறது. தமிழகத்தில் 166 மையங்களில், முதற்கட்டமாக 5 லட்சத்து 56 ஆயிரத்து 500 நபருக்கு தடுப்பூசி போடப்படுகிறது. தடுப்பூசி போடும் பணிகளை மதுரையில் தமிழக முதல்வர் எடப்பாடி பழனிசாமி தொடங்கி வைத்தார்.



    உடனடி செய்திகளுக்கு இணைந்திருங்கள்
    Published by:Shalini C
    First published:

    Tags: Corona vaccine, CoronaVirus, Covaxin, Modi

    அடுத்த செய்தி