இந்தியாவில் இந்த ஆண்டின் அதிகபட்ச கொரோனா பாதிப்பு கடந்த 24 மணி நேரத்தில் பதிவு...

இந்தியாவில் இந்த ஆண்டின் அதிகபட்ச கொரோனா பாதிப்பு கடந்த 24 மணி நேரத்தில் பதிவு...

கொரோனாவின் புதிய அறிகுறிகள்

இந்தியாவில் நடப்பு ஆண்டில் இதுவரை இல்லாத அளவாக கடந்த 24 மணி நேரத்தில் புதிதாக 22,854 பேருக்கு கொரோனா உறுதியாகியுள்ளது.

  • Share this:
    இந்தியாவில் கடந்தாண்டு டிசம்பர் 25 ம் தேதி 22,273 பேருக்கு கொரோனா உறுதியாகியிருந்தது. அதன்பிறகு 2021ல் 2 முறை மட்டுமே 20,000 க்கும் அதிகமான பாதிப்பு ஜனவரி மாதத்தில் பதிவாகியிருந்தது. இந்நிலையில் 3 மாதங்களில் இல்லாத அளவாக கடந்த 24 மணி நேரத்தில் புதிதாக 22,854 பேருக்கு கொரோனா உறுதி செய்யப்பட்டுள்ளது.

    இதில் மகாராஷ்டிராவில் மட்டும் ஒரு நாள் பாதிப்பு 13,000க்கும் அதிகமாக பதிவாகியுள்ளது. இந்த எண்ணிக்கை கடந்த 6 மாதங்களில் இல்லாத அளவாகும். அங்குள்ள தானே மாவட்டத்தில் 5 முதல் 8ம் வகுப்பு வரையிலான பள்ளிகள் மார்ச் 15ம் தேதி வரை மூடப்பட்டுள்ளன.

    மேலும் படிக்க... தமிழகத்தில் மீண்டும் வேகமெடுக்கும் கொரோனா பரவல்.. ஒரு நாள் பாதிப்பு எண்ணிக்கை 671-ஆக உயர்வு..

    மகாராஷ்டிராவில் பரிசோதனை உள்ளாக்கப்படுபவர்களில் 14 விழுக்காடு பேர் தொற்றால் பாதிக்கப்படுகின்றனர். இதையடுத்து ஊரடங்கு அமல்படுத்துவது குறித்து மாநில முதலமைச்சர் உத்தவ் தாக்ரே பரிசீலித்து வருகிறார். பஞ்சாப் , கேரளா,  குஜராத், தமிழகம், கர்நாடகா ஆகிய மாநிலங்களிலும் கொரோனா பாதிப்பு தொடர்ந்து அதிகரித்து வருகிறது.

    கடந்த சிலவாரங்களாக தமிழகத்தின் தினசரி பாதிப்பு 400 முதல் 600க்குள் இருந்த நிலையில் நேற்று 600ஐ தாண்டியுள்ளது என்பது குறிப்பிடத்தக்கது.



    உடனடி செய்திகளுக்கு இணைந்திருங்கள்
    Published by:Vaijayanthi S
    First published: