• HOME
  • »
  • NEWS
  • »
  • coronavirus-latest-news
  • »
  • கொரோனாவிலிருந்து குணமடைந்தவர்களின் நோய் தடுப்பாற்றல் உருமாறிய வைரஸையும் தடுக்கும்: நம்பிக்கையூட்டும் புதிய ஆய்வுகள்

கொரோனாவிலிருந்து குணமடைந்தவர்களின் நோய் தடுப்பாற்றல் உருமாறிய வைரஸையும் தடுக்கும்: நம்பிக்கையூட்டும் புதிய ஆய்வுகள்

கொரோனா வைரஸ்

கொரோனா வைரஸ்

கொரோனா நோய்த்தொற்று குணமடைந்த பிறகும் கூட மெமரி பி செல்கள் பலசுற்று உருமாற்றம் அடைந்து விழிப்புடன் இருக்கிறது என்கிறது இந்த ஆய்வு.

  • Share this:
கொரோனா வைரஸ் அல்லது கோவிட்-19-லிருந்து குணமடைந்தவர்கள் நாவல் கொரோனா வைரஸிலிருந்து குறைந்தது 6 மாத காலம் பாதுகாக்கப்படுகின்றனர், அதற்கு மேலும் கூட நோய் எதிர்ப்பாற்றல் உடலில் வைரஸுக்கு எதிராக வேலை செய்யும் என்று ஆய்வு ஒன்று தெரிவிக்கிறது.

“நேச்சர்” என்ற இதழில் வெளியான ஆய்வுக் கட்டுரையில் கொரோனாவிலிருந்து குணமடைந்தவர்களின் வளர்ச்சிபெற்ற நோய் எதிர்ப்புச் சக்தி வைரஸின் உருமாறிய புதுவகை கிருமியிலிருந்தும் அவர்கள் உடலைப் பாதுகாக்கிறது என்று கூறப்பட்டுள்ளது.

நம் உடலின் நோய் தடுப்புச் சக்தி உருவாக்கும் ஆண்ட்டி-பாடிகள் இந்த வேலையைச் செய்கின்றன. காரணம் குடல் திசுக்களில் மிச்சமீதமுள்ள கொரோனா வைரஸ் சுவட்டினால் நோய் எதிர்பாற்றல் விழிப்புடன் செயல்படுகிறது.

அமெரிக்காவின் பிரபல ஆய்வு அமைப்பான ராக்ஃபெல்லர் பவுண்டேஷன் உட்பட ஈடுபட்ட இந்த ஆய்வில் தெரியவருவது என்னவெனில் ஏற்கெனவே கொரோனா தாக்கி நாம் குணமடைந்திருந்தால் நோய் தடுப்பாற்றல் அமைப்பு வைரஸை தன் நினைவில் வைத்திருக்கிறது. இதில் நம்ப முடியாதபடிக்கு நோய் தடுப்பாற்றல் ஆண்டிபாடிகளை அவை உருவாக்கிக் கொள்கின்றன. வைரஸ் காலாவதியானாலும் கூட இந்த நடவடிக்கையை உடல் மேற்கொள்வதாக இந்த ஆய்வு கூறுகிறது.

அதாவது குணமடைந்தவர்களை மீண்டும் வைரஸ் தாக்கலாம் என்று கூறும் இந்த ஆய்வு, நோய் தடுப்பாற்றல் முன்பை விட அதிவேகமாகச் செயல்பட்டு விழிப்புடன் காக்கும் என்கிறது.

கொரோனா வைரஸுக்கு எதிரான ஆண்ட்டி-பாடிகள் பல வாரங்களுக்கு, பல மாதங்களுக்கு, நம் ரத்த பிளாஸ்மாவில் இருக்கும். ஆனால் எப்போதும் ஆண்ட்டிபாடிகளை உற்பத்தி செய்வதைக் காட்டிலும் நோய் தடுப்பமைப்பு நினைவு பி செல்களை உருவாக்குகிறது. இது கொரோனாவை அடையாளம் காண்கிறது. இரண்டாவது முறையாக கொரோனா அரக்கன் நம் உடலைத் தீண்டும் போது ஆண்டிபாடிகள் துரிதமாக வேலை செய்கின்றன.

கொரோனா வைரஸ் நம் நுரையீரல், மேல் தொண்டை, சிறுகுடல் பகுதிகளில் தன்னை இரட்டிப்பாக்கிக் கொள்வதால் இந்த உடல் உறுப்புகளில் அதன் மிச்சம் மீதி ஒட்டிக்கொண்டிருக்கும். இது நினைவு பி செல்களை ஊக்குவிக்கிறது.

முந்தைய ஆய்வில் காலம் போகப் போக ஆண்டிபாடிகள் எண்ணிக்கையில் குறையும் என்று கூறப்பட்டதை மறுத்து இந்த ஆய்வு ஆண்டிபாடிகள் எண்ணிக்கை தொடர்ந்து தன்னை அதிகரித்துக் கொள்ளும், காரணம், கொரோனா வைரஸின் மிச்சம் மீதிகள் படிந்திருக்கலாம் என்ற ஐயமே என்கிறது இந்த ஆய்வு.

கொரோனா நோய்த்தொற்று குணமடைந்த பிறகும் கூட மெமரி பி செல்கள் பலசுற்று உருமாற்றம் அடைந்து விழிப்புடன் இருக்கிறது என்கிறது இந்த ஆய்வு.

எனவே வைரஸ் மீண்டும் தாக்கினாலும் கவலையில்லை என்கிறது இந்த ஆய்வு.

Follow @ Google News: கூகுள் செய்திகள் பக்கத்தில் நியூஸ்18 தமிழ் இணையதளத்தைஇங்கே கிளிக்செய்து ஃபாலோ செய்யுங்கள்.. செய்திகளை உடனுக்குடன் பெறுங்கள். Also Follow @ Facebook, Twitter, Instagram, Sharechat,Telegram, YouTube

Published by:Muthukumar
First published: