CoronaVirus : குழந்தைகளும் கொரோனாவும்... பெற்றோர்களே உஷார்: பிரபல மகப்பேறு மருத்துவர் கார்த்திகா பகிர்ந்துள்ள அதிர்ச்சி தகவல்கள்

CoronaVirus : குழந்தைகளும் கொரோனாவும்... பெற்றோர்களே உஷார்: பிரபல மகப்பேறு மருத்துவர் கார்த்திகா பகிர்ந்துள்ள அதிர்ச்சி தகவல்கள்

மகப்பேறு மருத்துவர் கார்த்திகா

கொரோனாவின் முதல் அலையின் போது பெரும்பாலான குழந்தைகள் பாதிக்க படவில்லை. அப்படியே அவர்கள் பாதிக்கப்பட்டாலும்  அவர்களுக்கு அறிகுறிகுறிகள் ஏதும் தென்படாமல் தான் இருந்தது.

  • News18
  • Last Updated :
  • Share this:
கொரோனா பெருந்தொற்றின் இரண்டாம் அலை ஏற்படுத்திக் கொண்டிருக்கும் அதீத பாதிப்புகளில் இருந்து குழந்தைகளை பாதுகாத்து கொள்வது எப்படி என்பது குறித்து மகப்பேறு மருத்துவர் கார்த்திகா தெரிவித்துள்ளார்.

கொரோனாவின் முதல் அலையின் போது பெரும்பாலான குழந்தைகள் பாதிக்க படவில்லை. அப்படியே அவர்கள் பாதிக்கப்பட்டாலும்  அவர்களுக்கு அறிகுறிகுறிகள் ஏதும் தென்படாமல் தான் இருந்தது. இது பெற்றோர்களுக்கும் எல்லோருக்குமே சற்று ஆறுதல் அளித்தது. மட்டுமல்லாமல் மன தைரியத்தையும்  தந்தது.

தற்போது கொரோனா இரண்டாம் அலையில் குழந்தைகள் பெரும் அளவில் பாதிக்கப்படுகின்றனர். அவர்களுக்கு அறிகுறிகளும் அதிகமாகவே தென்படுகிறது. இது பெற்றோர்களுக்கும் மற்றவர்களுக்கும் கூட  நிம்மதியை கெடுக்கும் வகையில் உள்ளது.  இதை தடுக்கவோ எதிர்கொள்ளவோ என்ன செய்யவேண்டும் என்பது  யாருக்கும் புரியவில்லை.

இதற்கான தீர்வை இந்தியன் அகாடமி ஆஃப் பீடியாட்ரிக்ஸ் அமைப்பு,  பெற்றோர்கள் இது குறித்து அறிந்து கொள்ள முழுமையான விவரங்களை  அவர்களது இணையதளத்தில் வெளியிட்டுள்ளது. அது முழுக்க ஆங்கிலத்தில் உள்ளதால் அதில் இருக்கும் முக்கியமான விஷயங்களை, பிரபல மகப்பேறு மருத்துவர் கார்த்திகா கார்த்திக் தமிழில் உங்களுக்கு தொகுத்து வழங்கியிருக்கிறார்.

1. கொரோனா இரண்டாவது அலை மிகவும் ஆபத்தா?

நிச்சயமாக, தற்போது  இரண்டாம் அலை கொரோனா முதல் அலையினால் பாதிக்கபட்டவர்களின் எண்ணிக்கையை விட அதிகமாக உள்ளது. வெளியில் செல்பவர்களில் பலரும் அஜாக்கிரதையாக இருக்கிறார்கள். இவர்கள் முககவசம் மற்றும் சானிடைசர் பயன்பாடு குறித்து அலட்சியமாக இருப்பதால் இது வீட்டில் உள்ள குழந்தைகளை பாதிப்புக்குள்ளாக்குகிறது.

2. கொரோனா  என் குழந்தைக்கு வருவதை தடுக்க முடியுமா?

கண்டிப்பாக தடுக்க முடியாது, இதை தடுப்பதற்கு தடுப்பூசியோ, மருந்து மாத்திரைகளோ கிடையாது. தடுப்பூசி என்பது 18 வயது நிரம்பியவர்களுக்கு மட்டுமே. குழந்தைகளுக்கு தடுப்பூசி போட்டுக் கொள்ளும் சூழல் எப்போது வருகிறதோ அப்போதுதான் அதன் வீரியத்தை குறைக்கவோ தடுக்கவோ முடியும்.  இப்போதைக்கு குழந்தைகளுக்கு தடுப்பூசி கிடையாது.

3. குழந்தைகளுக்கு காய்ச்சல் ஏற்பட்டால் அது கொரோனாவா அல்லது சாதாரண காய்ச்சலா என்பதை கண்டறிய முடியுமா?

குழந்தைகளுக்கு காய்ச்சல் இருக்கும் போது சில அறிகுறிகள் வைத்து அது நிச்சயம் கொரோனா என்று நம்மால் யூகிக்க முடியாது. ஆனால் வீட்டில் உள்ளவர்கள் யாருக்காவது  கொரோனா தொற்று உறுதியானால் குழந்தைக்கு கொரோனா பரிசோதனை செய்ய வேண்டியது கட்டாயமாகலாம்.  அதோடு இன்றைய சூழலில் எந்தவிதமான காய்ச்சலாக இருந்தாலும் அது கொரோனாவாக இருப்பதற்கு வாய்ப்புகள் சற்று அதிகமாகவே உள்ளது.

4. குழந்தைக்கு கொரோனாவாக இருந்தால் பொதுவான அறிகுறிகளாக என்னவெல்லாம் இருக்கலாம்?

பெரியவர்கள் போலவே இவர்களுக்கும் காய்ச்சல்,  மிதமான இருமல், உடல் வலி போன்றவை உண்டு. அதோடு  இரண்டாம் அலையில் பலருக்கும் வாந்தி, வயிறு வலி, வயிற்றுபோக்கு முதலியவற்றையும் கண்டறிந்துள்ளார்கள். ஒருவேளை வீட்டில் உள்ளவர்களுக்கு கொரோனா தொற்று உறுதியாகிய நிலையில் குழந்தைகளுக்கு இது போன்ற அறிகுறிகள் இருந்தால் அவர்களுக்கு கொரோனா தொற்று இருக்க வாய்ப்புண்டு என்பதை புரிந்துக் கொள்ள வேண்டும்.

Also read... Vaccination : ஏழை நாடுகளில் வெறும் 0.3 சதவீத டோஸ் தடுப்பூசி மட்டுமே போடப்பட்டுள்ளன - உலக சுகாதார நிறுவனம் வருத்தம்

5. குழந்தைகளுக்கு எப்போது கொரோனா தொற்று பரிசோதனை செய்ய வேண்டும்?

வீட்டில் உள்ளவர்களுக்கு கொரோனா தொற்று இருந்தாலும் இல்லாவிட்டாலும்  குழந்தைகளுக்கு மேற்கண்ட அறிகுறிகள் மூன்று நாட்களுக்கு மேல் இருந்தால் கொரோனா பரிசோதனை செய்வது மிக அவசியம்.  இவர்களுக்கு என்ன மாதிரியான பரிசோதனை என்றால்  இவர்களுக்கும்  ஆர்.டி- பி.சி.ஆர். பரிசோதனை தான்.  இதைத் தவிர்த்து ரேப்பிட் ஆன்டிஜன் டெஸ்டும் உள்ளது. ஆனால் இது பாசிட்டிவ் காண்பித்தால் அது பாசிட்டிவ், ஒருவேளை நெகட்டிவ் என காண்பித்தால் நாம் மறுபடியும் ஆர்.டி- பி.சி.ஆர். பரிசோதனை செய்ய வேண்டும். தொண்டையில் சளி எடுத்து பரிசோதனை செய்வது. அடுத்தது சிடி பரிசோதனை என்பது நீங்களாக செய்யகூடாது. அது ரேடியேஷன் அதிகம் எக்ஸ்ரே இது. மருத்துவர் சொன்னால் மட்டுமே இந்த பரிசோதனையை நீங்கள் செய்ய வேண்டும். குழந்தையின் விஷயத்தில் முன்கூட்டி பரிசோதனை செய்கிறேன் என்று நீங்களாக முடிவு எடுக்க வேண்டாம்.

6. கொரோனா தொற்று வரும்போது எதிர்கொள்ளும் சூழ்நிலைகள் எப்படியெல்லாம் இருக்கும்?

அம்மாவுக்கும் குழந்தைக்கும் கொரோனா தொற்று பாஸிட்டிவ் ஆக இருந்தால் ( அம்மாதான் குழந்தையை முழுமையாக பார்த்துகொள்வதால் இப்படி கூறியிருக்கலாம்)  அம்மாவே குழந்தையை பார்த்து கொள்ளலாம். தாய்ப்பால் கொடுக்கும் போதும் கவனமாக  அதற்குரிய வழிமுறையை பின்பற்றி செய்யலாம்.

அம்மாவுக்கு கொரோனா பாஸிட்டிவ்  குழந்தைக்கு நெகட்டிவ் என்று இருந்தால் நீங்கள் என்ன செய்ய வேண்டும் இதை பார்ப்பதற்கு முன்பு நான் ஒரு கூடுதல் குறிப்பை தருகிறேன். குழந்தையின் அப்பா கூடுதல் கவனத்துடன் மாஸ்க் எல்லாம் போட்டபடி குழந்தையை பார்த்துகொள்ளலாம்.  வீட்டில் பெரியவர்கள் இருந்தால் அவர்களிடம் குழந்தையை கொடுக்க வேண்டாம். அம்மாவும் இரண்டு மாஸ்க் அணிந்து  இடைவெளியுடன் குழந்தையை பார்த்துகொள்ளலாம். இது அம்மாவுக்கு கொரோனா பாஸிட்டிவ் ஆக இருந்து குழந்தைக்கு நெகட்டிவ் ஆக இருக்கும் போது  கடைப்பிடிக்க வேண்டிய குறிப்பு.
குழந்தைக்கு பாஸிட்டிவ் ஆக இருந்து பெற்றோர்களுக்கு நெகட்டிவ் ஆக இருந்தால் முககவசம் மற்றும் சானிடரி பயன்பாட்டுடன் இடைவெளியோடு குழந்தையை கவனித்துகொள்ளலாம்.

அதிலும்  வீட்டில் வயதானவர்கள் இருந்தால் எக்காரணம் கொண்டும் அவர்களிடம் குழந்தையை பராமரிக்க சொல்ல வேண்டாம். ஏனெனில் வயதானவர்களுக்கு தொற்று எளிதில் பரவலாம். மோசமான பாதிப்பை உண்டாக்கலாம். குழந்தைக்கு பாஸிட்டிவ் ஆக இருந்தாலும், பெற்றோர்களுக்கு பாஸிட்டிவ் ஆக இருந்தாலும் அந்த வீட்டில் இருக்கும்  பெரியவர்களை அணுகாமல் இருப்பது தான் நல்லது.

7. குழந்தைக்கு மாஸ்க் போடணுமா?

உங்கள் குழந்தைக்கு 2 வயதுக்குள்  இருந்தால் நீங்கள் மாஸ்க் பயன்படுத்த வேண்டாம். ஆனால் இரண்டு வயது முடிந்த குழந்தைக்கு கண்டிப்பாக மாஸ்க் பயன்படுத்த வேண்டும். எக்காரணம் கொண்டும் மாஸ்க் தவிர்க்க கூடாது. இரண்டு வயதுக்குட்பட்ட குழந்தையை தவிர்க்க முடியாத சூழலில் மருத்துவமனைக்கு அழைத்து சென்றால் நீங்கள் அவர்களுக்கு துணி மாஸ்க் போல் மறைத்து பாதுகாப்பாக கூட்டி செல்லலாம்.  2 வயதுக்கு கீழ் உள்ள குழந்தைக்கு மாஸ்க் போட வேண்டாம்.

8. கொரோனா தொற்று குழந்தைகளுக்கு மோசமான பாதிப்பை உண்டாக்குகிறதா?

இதில் சின்ன ஆறுதலான விஷயம் உண்டு. 60 முதல் 70% வரை உள்ள குழந்தைகளுக்கு  கொரோனா அறிகுறிகள் இல்லாமல் தான் உள்ளது. 30% குழந்தைக்கு இலேசான அறிகுறிகள் உள்ளது. 1 முதல் 2% வரையுள்ள குழந்தைகள் தான் தீவிர சிகிச்சை பிரிவு தேவை என்னும் நிலையில் இருக்கிறார்கள். யாருக்கு இத்தகைய பாதிப்பு என்று பார்த்தால் முன்னதாக இதயக்கோளாறு, சிறுநீரக கோளாறு,. கல்லீரல் கோளாறு, புற்றுநோய் பாதிப்பு கொண்டிருப்பவர்களாக இருக்கும் குழந்தைகள். அதோடு சில குழந்தைகள் பிறந்தது முதல் குறைவான எதிர்ப்பு சக்தி கொண்டிருப்பார்கள் அவர்களுக்கும் இந்த தீவிர சிகிச்சை தேவைப்படும் நிலை வரலாம். உடல் பருமனாக இருக்கும்  குழந்தைகளுக்கு கொரோனா தாக்கம் சற்று அதிகமாக இருக்கலாம் என்கிறார்கள்.

9. குழந்தைக்கு கொரோனா தொற்று உறுதியானதும் எப்படி அவர்களை பார்த்துகொள்வது?

குழந்தைக்கு கொரோனா பாஸிட்டிவ் என்று வந்தால் உடனடியாக மருத்துவரிடம் அழைத்து செல்ல வேண்டிய அவசியம் இல்லை. டெலி கன்சல்டேஷன் வழியாக மருத்துவரை அணுகி ஆலோசனை பெறலாம். அல்லது வாட்ஸ் அப், ஃபோன் வழியாக கேட்டு அதன் படி நடக்கலாம். இதற்கான வாய்ப்பு இல்லையெனில் இந்தியன் அகாடமி ஆஃப் பீடியாட்ரிக்ஸ் இணையதளத்தில் கொடுத்துள்ள குறிப்பை பின்பற்றலாம். (அதற்கான லிங்கை இங்கு பதிவு செய்கிறேன்) ஆனால் இப்போது வாட்ஸ்- அப், ஃபோன் கன்சல்டேஷன் எளிதாக செய்யமுடியும்.

10. கொரோனா தொற்று குழந்தைக்கு வந்தால் வீட்டு வைத்தியமாக செய்ய வேண்டியவை என்னென்ன?

குழந்தையின் வெப்பநிலையையும் பல்ஸ் ஆக்ஸிமீட்டரையும்  6 மணி நேரத்துக்கு ஒருமுறை பரிசோதிக்க வேண்டும். காய்ச்சல் 100 டிகிரிக்கு மேல் இருந்தால் குழந்தைக்கு பாரசிட்டமால்  மருந்துகள் எவ்வளவு அளவு என்பதை கேட்டு சரியான அளவில் கொடுக்க வேண்டும். திரவ ஆகாரங்கள் அதிகமாக கொடுக்க வேண்டும். குளிர்ச்சியாக இல்லாமல் வெதுவெதுப்பாக இருக்க வேண்டும்.  உணவு மென்மையானதாக எளிதில் ஜீரணிக்க கூடியவையாக இருக்க வேண்டும்.

குழந்தைகளை சுத்தமாக சுகாதாரமாக பராமரியுங்கள். குழந்தையின் நோய் எதிர்ப்பு சக்தியை அதிகரிக்கும் வைட்டமின் சி,  ஜிங்க் மருந்துகளை பாதுகாப்பாக கொடுக்கலாம்.

11. ஆன்டி பயாடிக் மருந்துகளை குழந்தைகளுக்கு கொடுக்கலாமா?

அஸித்ரோமைஸின் பெரியவர்கள் பயன்படுத்தும் ஆன்டி பயாடிக் மாத்திரைகள் குழந்தைக்கு பயன்படுமா என்று கேட்கலாம். இதற்கு அறிவியல் பூர்வமாக இதுவரை எந்த ஆதாரமும் இல்லை. நீங்கள் ரெம்டெசிவிர், ஆண்டி பயாடிக் மருந்துகளை மருத்துவர் ஆலோசனையின்றி குழந்தைக்கு கொடுக்க கூடாது. இது மோசமான பாதிப்புகளை உண்டாக்க செய்யலாம்.

12. குழந்தையை எப்போது நான் மருத்துவரிடம் அழைத்து செல்வது?

குழந்தைக்கு காய்ச்சல் 4 நாட்களாக அதிகமாக தொடர்ந்து இருக்கும் போது மருத்துவரை அணுக வேண்டும். குழந்தை தண்ணீர், சாப்பாடு என எதையும் சாப்பிடாமல் இருக்கும் போதும், மூச்சுவிடுதைல் சிரமம் இருக்கும் போதும், உடலில் ஆக்ஸிஜன் அளவு 95 க்கு கீழ் இறங்கும் போதும், சிறுநீரின் அளவு குறையும் போதும், குழந்தை மிகவும் சோர்வாக இருக்கும் போதும் தாமதிக்காமல் மருத்துவரை அணுக வேண்டும்.

13. கொரோனா பாதித்த குழந்தைக்கு ஏதேனும் நோய்க்கான மருந்துகள் கொடுக்கும் போது அதை கொடுக்கலாமா?

குழந்தைக்கு கொரோனா அறிகுறிகள் இல்லாமல் அல்லது இலேசான அறிகுறிகள் இருந்தால் நீங்கள் மருந்துகள் கொடுக்கலாம். அல்லது மருத்துவரிடம் அழைத்து சென்று குழந்தைக்கு கொடுக்கும் மருந்துகளை காண்பித்து எந்த மருந்துகளை கொடுக்கலாம், எதை தவிர்க்கலாம். எதை மாற்றிகொடுக்கலாம் என்பதை ஆலோசித்து கொடுக்கலாம்.

14. தாய்ப்பால் கொடுக்கும் பெண்களுக்கு கொரோனா தடுப்பூசி உண்டா?

குழந்தைக்கு தடுப்பூசி காலமாக இருந்தால் என்ன செய்வது?தாய்ப்பால் கொடுக்கும் பெண்களுக்கு  கொரோனா தடுப்பூசி  இன்னும் வரவில்லை. குழந்தைக்கு அறிகுறி இல்லாமல்  கொரோனா பாஸிட்டிவ் ஆக இருந்து குழந்தைக்கு சரியான பிறகு இரண்டு அல்லது மூன்று வார காலத்துக்கு பிறகு தடுப்பூசி போடலாம். குழந்தைக்கு கொரோனா அறிகுறிகள் தீவிரமாக இருந்தால் குழந்தைக்கு 3 மாதங்கள் வரை தடுப்பூசி  போட கூடாது.  அதன் பிறகே குழந்தையை பரிசோதனை செய்து தடுப்பூசி போட வேண்டும். இந்த குறிப்புகளை இந்தியன் அகாடமி ஆஃப் பீடியாட்ரிக்ஸ் தன்னுடைய இணையதளத்தில் வெளியிட்டுள்ளது. இதன் ஆங்கிலப்பதிவு விரைவில் வெளியிடுகிறேன். இறுதியாக ஒன்று

எக்காரணம் கொண்டும் குழந்தைகளை பிறந்த நாள் விழாவில் கலந்து கொள்ள அனுமதிக்காதீர்கள் நீங்களும் பார்ட்டி கொண்டாட வேண்டாம். குழந்தைகளை விளையாட அனுமதிக்காதீர்கள். காய்ச்சல் இருப்பவர்களுடன் பழக விட வேண்டாம். வெளியில் இருந்து வரும் போது குழந்தைகள் இருப்பதை அறிந்து முகக்கவசம், சானிடைசர் போன்றவற்றை சரியாக பயன்படுத்துங்கள். நீங்கள் தடுப்பூசிக்கு தகுதியானவராக இருந்தால் முதலில் தடுப்பூசி போடுங்கள். இது  குழந்தைக்கு கொரோனா பாதிப்பு வருவதை 50% வரை தடுக்க செய்யும் என்கிறது. வீட்டில் குழந்தைகளுக்கு காய்ச்சல் வந்தால் வீட்டின் நிம்மதியே காணாமல் போகும். இந்த சூழலில் குழந்தையை கவனத்தில் கொண்டு விழிப்புணர்வு இருப்பதும் நமது கடமையே.



உடனுக்குடனான செய்திகளுக்கு இணைந்திருங்கள்.
Published by:Vinothini Aandisamy
First published: