கொரோனா வைரஸால் பொருளாதாரம் பாதிப்பு: தற்கொலை செய்துகொண்ட ஜெர்மன் ஹெஸ்ஸி மாகாண நிதியமைச்சர் தாமஸ்..!

மூத்த அமைச்சரான வோல்கர் பெளஃபேர் இதை உறுதி செய்துள்ளார். தாமசின் மரணம் தங்களை அதிர்ச்சியில் ஆழ்த்தியுள்ளதாகவும், அவரது இந்த முடிவு நம்பமுடியாததாகவும், துயரத்தில் ஆழ்த்துவதாகவும் உள்ளதென அவர் தெரிவித்துள்ளார்.

"கொரோனா வைரசால் நாட்டின் பொருளாதாரத்தில் ஏற்பட்டுள்ள பாதிப்பை சரிசெய்வதற்கு தாமஸ் மிகக்கடுமையாக உழைத்தார்.
நிறுவனங்கள், பணியாளர்கள் என இருதரப்பு நலன்களையும் பாதுகாக்கும் நோக்கத்தில் அவர் பல்வேறு நடவடிக்கைகளை எடுத்து வந்தார். அதே நேரத்தில், கடுமையான மனஉளைச்சலில் இருந்திருக்கிறார் என்பதை தற்போது தங்களால் உணர முடிகிறது. அவரது இழப்பு ஜெர்மனிக்கு ஈடுசெய்ய முடியாத பேரிழப்பு. நாங்கள் துயரத்தில் இருக்கிறோம்" என்று வோல்கர் பெளஃபேர் தெரிவித்துள்ளார்.