Home » News » Coronavirus-latest-news » DONALD TRUMPS WIFE MELANIA CAME TO US ON SAME H 1B VISA VJR

டிரம்ப் மனைவி மெலனியாவும் ஹெச்-1பி விசாவில் அமெரிக்காவுக்கு வந்தவர்: அதிகரித்திருக்கும் விசா விவாதம்..

அமெரிக்காவில் 1996-ம் சுற்றுலா விசாவில் வந்த மெலனியா டிரம்ப் 2001-ல் ஐன்ஸ்டீன் விசா பெறுவதற்கு முன் ஹெச்1.பி உள்ளிட்ட பல விசாகளுக்கு விண்ணப்பித்துள்ளார்.

டிரம்ப் மனைவி மெலனியாவும்  ஹெச்-1பி விசாவில் அமெரிக்காவுக்கு வந்தவர்: அதிகரித்திருக்கும் விசா விவாதம்..
அதிபர் தேர்தலில் தோல்வியடைந்துள்ள நிலையில், ட்ரம்பை விவாகரத்து செய்ய மெலானியா ட்ரம்ப் முடிவு செய்துள்ளதாக தகவல்கள் வெளியாகி இருக்கின்றன.
  • Share this:
அமெரிக்காவில் பெரும்பாலான வெளிநாட்டு ஊழியர்கள் ஹெச்-1பி விசாவில் பணியாற்றி வருகின்றனர். இந்த விசாவால் உள்நாட்டு ஊழியர்களின் வேலை பாதிக்கப்படுவதாக இதற்கு முன்னர் டிரம்ப் பல முறை குற்றம் சாட்டி வந்தார். எனினும், தொழில்நுட்ப நிறுவனங்களின் எதிர்ப்பு காரணமாக அவரால் பெரிய அளவிலான நடவடிக்கைகள் எடுக்க முடியவில்லை.

இந்த நிலையில், கொரோனா பாதிப்பால் ஏற்பட்ட ஊரடங்கை கருத்தில் கொண்டு வெளிநாட்டவர்களுக்கான ஹெச்-1பி விசா வழங்குவதை அவர் ரத்து செய்து கையெழுத்திட்டுள்ளார். H2B, L மற்றும் ஜே பிரிவு விசாக்களும் இந்த ஆண்டு இறுதி வரை ரத்து செய்து உத்தரவிட்டுள்ளார்.

அமெரிக்க அதிபர் டிரெம்பின் இந்த நடவடிக்கை மற்றொரு விவாதத்தை மீண்டும் எடுக்க வைத்துள்ளது. ஸ்லோவேனிய நாட்டை சேர்ந்த அதிபர் டிரம்பின் மனைவி மெலனியா அமெரிக்காவின் குடிமகளாக மாறியது பற்றியே பலர் தற்போது விவாதித்து கொண்டுள்ளனர்.



மெலினியாவிற்கு ஹெச்1 பி கிடைக்காமல் இருந்திருந்ததால் 1998-ம் ஆண்டு நடைபெற்ற விருந்து ஒன்றில் அறிமுகமான ஸ்லோவேனிய மாடல் மெலனியா டொனல்ட் ட்ரம்பை சந்தித்திருக்கும் வாய்ப்பு அவருக்கு கிடைத்திருக்காது.

மெலனியா 1996-ம் ஆண்டு அமெரிக்காவிற்கு சுற்றுலா விசா மூலமாக தான் வந்தார். அதன்பின் அமெரிக்காவில் தங்க ஹெச்1 பி உள்ளிட்ட பல விசாகளுக்கு விண்ணப்பித்தார். இறுதியாக ஐன்ஸ்டீன் விசா என அழைக்கப்படும் இ.பி1 விசாவை 2001-ல் பெற்றார். 2006-ம் அமெரிக்க குடிமகனாக ஆனார்.திறமையான வெளிநாட்டு தொழிலாளர்களுக்கு ஹெச்1 பி விசா மறுக்கப்படுவதால், இந்த விசா இல்லையென்றால் மெலனியா அமெரிக்க அதிபரின் மனைவியாக தற்போது இருந்திருக்க முடியாது என்று சமூக வலைதளங்களில் நினைவு கூர்ந்து வருகின்றனர்.

மெலனியாவுக்கு ஐன்ஸ்டீன் விசா கிடைத்ததும் சர்ச்சையாக பேசப்பட்டு வருகிறது. பொதுவாக ஐன்ஸ்டீன் விசா ஆஸ்கார், நோபல், புலிட்சர் விருதுகள் வென்றவர்கள் மற்றும் தனித்துவம் வாய்ந்தவர்களுக்கு மட்டுமே வழங்கப்படும் என்பது குறிப்பிடத்தக்கது.
First published: June 25, 2020
மேலும் பார்க்க
அடுத்து செய்திகள்

Top Stories

corona virus btn
corona virus btn
Loading