தமிழகத்தில் புதிதாக 2184 பேருக்கு கொரோனா தொற்று... உயிரிழப்பு 28

தமிழகத்தில் புதிதாக 2184 பேருக்கு கொரோனா தொற்று... உயிரிழப்பு 28

கோப்பு படம்

மாநிலம் முழுவதும் 28 பேர் சிகிச்சை பலனின்றி உயிரிழந்ததால், இதுவரை உயிரிழந்தோர் எண்ணிக்கை 11 ஆயிரத்து 415-ஆக அதிகரித்துள்ளது.

  • Last Updated :
  • Share this:
    தமிழகத்தில் புதிதாக 2 ஆயிரத்து 184 பேருக்கு கொரோனா தொற்று உறுதி செய்யப்பட்டுள்ளது. தமிழக சுகாதாரத் துறை வெளியிட்ட அறிக்கையின்படி, மாநிலம் முழுவதும் கொரோனாவால் பாதிக்கப்பட்டோரின் மொத்த எண்ணிக்கை 7 லட்சத்து 50 ஆயிரத்தைக் கடந்துள்ளது.

    சென்னையில் கொரோனா பாதிப்பு, படிப்படியாகக் குறைந்து, 571-ஆக பதிவாகியுள்ளது. இதனால், சென்னையில் பாதிப்பு எண்ணிக்கை 2 லட்சத்து 6 ஆயிரத்து 588-ஆக அதிகரித்துள்ளது. சென்னையைத் தவிர்த்த பிற மாவட்டங்களில் ஆயிரத்து 613 பேர் பாதிக்கப்பட்டுள்ளனர்.

    மாநிலம் முழுவதும் 28 பேர் சிகிச்சை பலனின்றி உயிரிழந்ததால், இதுவரை உயிரிழந்தோர் எண்ணிக்கை 11 ஆயிரத்து 415-ஆக அதிகரித்துள்ளது. ஒரே நாளில் 2 ஆயிரத்து 210 பேர் குணமடைந்தனர். இதனால், குணமடைந்தோர் மொத்த எண்ணிக்கை 7 லட்சத்து 20 ஆயிரத்தை தாண்டியது. 18 ஆயிரத்து 655 பேர் சிகிச்சையில் உள்ளனர்.



    ஒரே நாளில் 76 ஆயிரத்து 572 பேருக்கும், மொத்தமாக இதுவரை 1 கோடியே 5 லட்சத்து 8 ஆயிரம் பேருக்கும் கொரோனா பரிசோதனை செய்யப்பட்டுள்ளதாக சுகாதாரத்துறை தெரிவித்துள்ளது.
    Published by:Vijay R
    First published: