Home » News » Coronavirus-latest-news » CORONA AFFECTS 6 CRORE PEOPLE IN INDIA ICMR VAI

இந்தியாவில் 6 கோடி பேருக்கு கொரோனா தொற்று பாதிப்பு : ஐ.சி.எம்.ஆர்

இந்தியாவில் 6 கோடி பேருக்கு கொரோனா பாதிப்பு ஏற்பட்டிருக்கலாம் என ஐ.சி.எம்.ஆர். தெரிவித்துள்ளது.

இந்தியாவில் 6 கோடி பேருக்கு கொரோனா தொற்று பாதிப்பு : ஐ.சி.எம்.ஆர்
கோப்புப் படம்
  • News18 Tamil
  • Last Updated: September 30, 2020, 11:26 AM IST
  • Share this:
டெல்லியில் நடைபெற்ற செய்தியாளர்கள் சந்திப்பில் கலந்துகொண்ட ஐசிஎம்ஆர் இயக்குநர் பலராம் பார்கவா கூறுகையில், "நாடு முழுவதும் 21 மாநிலங்களில் நடத்தப்பட்ட இரண்டாவது ஆன்டிபாடி சோதனைகள் அடிப்படையில், மொத்த மக்கள் தொகையில் 7 சதவீதம் பேருக்கு கொரோனா தாக்கி இருக்கலாம் என தெரிவித்தார். இதில் குழந்தைகள், சிறுவர்கள் இல்லை எனவும் குறிப்பிட்டார். இதனால் ஆகஸ்ட் மாதத்திலேயே, நாடு முழுவதும் 6 கோடி பேருக்கு வைரஸ் தொற்று ஏற்பட்டிருக்கலாம் என்ற சூழல் எழுந்துள்ளது. கிராமப்புறங்களை விட, நகர்ப்புறங்களில்தான் கொரோனா பாதிப்பு அதிகம் என்று தெரிவித்த அவர், நகர்ப்புற குடிசைப் பகுதிகள் இரண்டு மடங்கு அதிகம் பாதிக்கப்படுவதாக" தெரிவித்தார்.

மேலும் பத்து வயதைக் கடந்தவர்களில், 15-இல் ஒரு நபருக்கு கொரோனா இருந்ததாகவும் அவர் கூறினார். குளிர்காலம் மற்றும் பண்டிகைகள் நெருங்குவதால், கொரோனா பரவலை கட்டுப்படுத்த புதிய வழிமுறைகளை மாநிலங்கள் கையாளவேண்டும் எனவும் பலராம் பார்கவா அறிவுறுத்தினார்.

மேலும் படிக்க...சீனாவிலிருந்து இந்தியாவிற்கு வரும் மற்றொரு வைரஸ் - ICMR எச்சரிக்கை


இதனைதொடர்ந்து பேசிய சுகாதாரத்துறை செயலாளர் ராஜேஷ் பூஷன், இந்தியாவில் கொரோனாவின் தாக்கம் இன்னும் உச்சத்தை அடையவில்லை என்று தெரிவித்தார். இதனால் கூட்டு எதிர்ப்பு சக்தியை அடையும் நிலையில் தற்போதைக்கு இந்தியா இல்லை என்றும் கூறினார்.
First published: September 30, 2020
மேலும் பார்க்க
அடுத்து செய்திகள்

Top Stories

corona virus btn
corona virus btn
Loading